Rɔmnda 14:11 - BII BILA

¹¹ Kani o co sɛvaa maa Mɛlɛka dimi aa: «I co yoomu, ya Mɛlɛka, vulan kpow la baŋnunnin ya o labɛngunin, mì lediɛɛmu oo lediɛɛmu le biilu Hala.»

Rɔmnda 14:11 Referans Kwoze

Condii lisai 72:11

Masaa kpow a baŋnin vulan ndu o labɛngunin, mì vanaa-mangalaa-isɔɔa kpow a tosal ndu baalaa.

Rɔmnda 10:9

«Taa sɔlɔlan pɛ a sondo nɔmndo maa Yeesu co Maalii ni, ma laalan o kɔl nɔmndo nin maa Hala tindi ndu fulaa vanvílɛ́iya tɛɛn, a sɔlanin cindaa.»

Esai 49:18

La heelu vɔ hɔlla mì la tofa fonda balu niaa-o, a co cuungianndo kpow, a co hunɔɔ o kobio ho nin. I co yoomu! Ya Mɛlɛka dimi lende ni. Nɔm kobio Siɔn, a cuɛinunnin vanaa kan maa volɔɔla cuɛinan. A bɛlibɛlinnin nda mɛɛ vana holiholin vanalanɔ n fula kɔɔli le nɔu-vo yɛ.

1Nsaŋ 4:15

Vana sɔlɔlan pɛ maa Yeesu co Po Hala-o ni, mɛɛ Hala co vana kon o kɔl, mì ndu va o Hala nin.

Rɔmnda 15:9

O hin haliko mi vanaa co n'yuif le-a biilu Hala le ɲíí ndɔɛi, maa mɛɛ o co o sɛvaa yɛ aa: «Lelan ya sangalanin nɔm vanaa-mangalaa-isɔɔa tɛɛn ni, mì soli condon le diola nɔmndan sangalaa.»

Matie 10:32

«Lelan vana-vana sɔlɔlan pɛ sɔɛi nii vannda o hɔl, ya bɛɛ i sɔlɔlannin sɔɛi ndɔɛi Fuɲa ni co o halataala-o o hɔl.

Kundalan 14:21

Kɛ nduyɛ, le mɛɛ ya co yoomu yɛ, le mɛɛ biilu nuu pei lɛŋnden ca yɛ,

Dɛnnda cɔɔmuanndan 5:14

Mí ɲaa yooma hiɔɔlua va cɛlɔɔ aa: «Amiina!» Mí bɛndua yuuvɛiya va vulan baŋɔɔ, má va ndu biiloo.

2Nsaŋ 1:7

Vanaa luei vannda o pɔwlan nin-nda kui o ceendo coo taw, a kɛɛ le sɔlɔlanndo maa o falon nin Yeesu Krista hin lekɛ́ndɛi ni. Nduyɛ vanaa vaa lende a co vannda malɔɔ o pɔwlan nin ni, yaamɔa-Krista-a nda co ni.

Sofoni 2:9

Lelan, le yoomu nuu, ya Mɛlɛka-Nɔ-Kpaayaa-Kpow-vo soo nuaa ni, ya Hala Israɛlla pɛɛn, Moab co hunɔɔ itambu mò siŋnun maa Sodɔm, mì poaa Amɔn-nda siŋnun maa Komɔr. Lɛŋnde ndalen le vanin maa yondo n'kayon, le siŋnunnin maa fonda ihɛl, maa fonda tambu le fɛɛn a fɛɛn-ndo. Vanaa lonin yoomu o yungu nuu nin-nda poondanin ɲɛm vanin lon-ndon, a sɔlanin lɛŋnde len kɛ́ɔ.

Esekiɛl 5:11

Lelan, ya Maalii, ya co Mɛlɛka-o co dimi nuaa ni: i co yoomu, le tùú niaa nɔɔliaa cɛi-kola-toandaa diandaa nuu a dɛnnda niaala nɔɔlɛilan a piɔmaa niaa nɔɔlɛiya-o, ya bɛɛ i keinin kùisiei nia tɛɛn. I tofanin niaa a iɲíí le, i tosalnin niaa dɛnndan a iɲíí le few.

Kundalan 14:28

Lelan, dimul nda aa Mɛlɛka dimi aa le mɛɛ o co yoomu yɛ, o co niaa biyɔɔ mɛɛ niaa co cɛɛŋɔnndo a ndu ciŋilanndo yɛ.

Yeremi 22:24

Ya Mɛlɛka i co yoomu! Sɔɛi fula ya o sondo-e co hee ni aa: «Hali Konia po Yokim masaa Yuda-o ndóò va bɛɛ kelɛi sui lemasɛi vana vownun o ba kɛndɔɔ-e, i va ndi solin o isu.