Rɔmnda 14:10 - BII BILA

¹⁰ Kɛ nɔm, le yɛɛ n co yɛ yamɛi puapilɛ nɔmndo kiolɔɔ? Te kon te, le yɛɛ nɔm co yɛ puapilɛ nɔmndo pɛɛsaa? Kani mɛɛ naa n co kpede, n simnin Hala o hɔl mò kelu naa iyama.

Rɔmnda 14:10 Referans Kwoze

2Korɛntea 5:10

Kani naa kpow, mɛɛ mì n kɔ sim kpendekele o fonda kialaa n'yama Krista-o, haliko mo kelu naa iyama a pilɛn-pilɛnnda, mì n sɔla o vana-vana nɔ le sɔlaa-o, o va o kɛndɛ, o va o vɔɔn, mɛɛ naa n kela o ceendo coo yɛ.

1Korɛntea 4:5

Lelan, la kialu vɔ ɲɛ-ɲɛ iyama le, háá mì telen kelun-ndo tiiya. Maalii hin pɛ, o solinin dɛnnda co o ɲumndan nin-ndan ceen, mò cɔm yiyannda co vannda o lakɔltan. O kon vana-vana sɔlanin biilu ndɔɔ fulaa Hala o ba.

Vana Kɔlkaloo 12:14

Kani Hala co hunɔɔ yamɛi dɛnndan kpow kiolɔɔ. Hali dɛnnda viannanndan o, la va lakɛndɛ, la va lavɔɔn.»

Rɔmnda 2:16

Ken fulanin ceen o paale Hala tosanin mì Yeesu Krista kelu dɛnnda viannannda vanndacieea yamɛi len, maa mɛɛ Yoongu kɛndɛ ya co dimio-o co yɛ.

Nsaŋ 5:22

Hiovɔɔ o kon coo, Fuɲaa kilù vana-vana iyama le, kɛ Poo o ke dio le yaman kpow kiolɔɔ ni,

Dɛnnda kiilaa 10:42

Yeesu dimul naa le vannda Yoongu Kɛndɔɔ ho tiiyallo, mì n tɛndal nda vɛlɛ seilen maa: ndu Yeesu Hala hɛli le yamɛi kiolɔɔ vanaa co yoomu-a a vanvílɛ́iya tɛɛn ni.

Dɛnnda kiilaa 4:11

A ndu Yeesu o kɔɔ Sɛbɛ Hala-o dimi ni aa: ‹Pow vanaa cɔavaa cɛiya viow-vo siŋnun pow kilaa cɛiyo.›

Dɛnnda kiilaa 17:31

Kani o cii paalen kiolɔɔ, paale o kialunin vannda kpow iyama o sandei nin-nden, vana o hɛli-o tosanin kon ni. O cɔm vannda kpow tɔɔmasele kon a tindi o tindi ndu fulaa vanvílɛ́iya tɛɛn-ndo.»

Luke 23:11

Mí Herɔde nda vanaa va ndu hɔlten nda sui ndu diɔmnde. Ndáà ciiyo ndu mamɔɔ, má vow ndu doma sɔvɛ-sɔvɛ bɛndoo, má mingi ndu o Pilate lo.

Vana Kɔlkaloo 11:9

Nɔm langbanɔ felengoo, dɔwnun ɲaale telen n co vɔ felengi-o. Naŋ kɔl o felengiyɛi nɔmnde nin. Kela o nɛila kɔl nɔmndo yeema lan coo, tosa dɛnnda n co cɔw lan kpow. Kɛ sinà pɛɛngu maa Hala kialunin dɛnnda nɔmndan kpow iyama.

Matie 7:1

«La kialu yamɛi vana le, haliko vana kialu yamɛi niaa le.

Luke 18:9

Mí Yeesu dimi taloo ho a vanaa pum o kɔɔ, a cennun nda pila vanaa sandaa, a ci caaŋaa ndaa ɲɛ-ɲɛ le-a aa: