Rɔmnda 13:7 - BII BILA

⁷ Lelan, la ke vana-vana ɲɛ o bɛnda le niaa sɔlaa o ba-o: la yɔngu vanaa niaa bɛnda le cuungiaalan yɔngoo-a cuungiaalan, mì la yɔngu vanaa niaa bɛnda le muloo yɔngoo-a muloo, mì la ke vanaa niaa bɛnda le bɛɛlen keo-va bɛɛlen, mì la biilu vanaa niaa bɛnda le biiloo-a.

Rɔmnda 13:7 Referans Kwoze

Luke 20:25

O kon mó dimul nda aa: «Mɛɛ la mingul Sesar ɲɛ co le Sesar-o, mì la mingul Hala ɲɛ co le Hala-o.»

Matie 17:25

Mí Piɛr muli aa: «O salà.» Piɛr luɛyɔɔ cɛinin, mí Yeesu keleŋa sɔɛi cua, mó ɲuna ndu aa: «Simɔn, vɛ̀ɛ́ n yiyan yɛ a sɔɛi he: nɛ̀ɛ̀aa masaa co o lɛŋnden coo-a bii yɛ muloo o ba, pilacieea baa mialla?»

Talelan 24:21

Po nuu sei! Ke Mɛlɛka a masaa bɛɛlen. Del vanaa yeema le dɛnndan kpow yɛlɛmiaa-a kɔɔli le.

1Timote 5:17

Kaasoŋaa kɔlkalua co sɔɔn vanaa laalannda simndan laci ɲɛkɛndɛi-ya a nɔ bɛɛlen sala tiɔn, kɛ taama-taama a co diom Hala-o dimio mà va ndu vannda pɛɛkoo-a.

Matie 22:21

Má mulul ndu aa: «Sesar ni.» O kon mó dimul nda aa: «Mɛɛ la mingul Sesar ɲɛ co le Sesar-o, mì la mingul Hala ɲɛ co le Hala-o.»

Efɛsea 6:5

Niaa cɛa, la bii sɔɔn vanaa niaa bɛndua o lɛŋnden coo, mì la ke nda bɛɛlen, mì la nɔ siòòŋii ndɛi. La bii sɔɔn mun a kɔlta niaalan kpow maa mɛɛ niáà tosal nin Krista baalaa yɛ.

1Piɛr 3:7

Niaa piaandua bɛɛ, o calii niɛi nin niaa laandua niaa, la sínà maa vanaa yenge-yengea vanlaandua co ni. La ke nda bɛɛlen, kani niaa ndaa loonin kɛndɛi yoomoo ni, haliko ɲɛ-ɲɛ tosa mì piɛile niaalen le haw le.

1Timote 6:1

O bɛnda mì vanaa-vanaa co cɛa ke vanaa ndaa bɛndua bɛɛlen mɛɛ o bɛnda yɛ, yɔŋii vannda soo sɔɔn vɔɔnndon a Hala naa a á pɛɛkula naalan o kɔɔ.

Efɛsea 5:33

Kɛ le niaa sɔɛi he i co vɛlɛ ni. Mɛɛ mì vana-vana kaola laa ndɔ maa ndu pila, mì vana-vana ke pɔnɔ ndɔ bɛɛlen.

Luke 23:2

Má kɔ hɛɛnduu ndu sɔɔn coo aa: «Langbanɔɔ ho naa n komal vannda lueyo o pɔwlan nin ni, o va nda dimullo maa a mel Sesar muloo le, ndu pila va vɛlɛ dimio maa ndu co Krista ni, masaa pɛɛn.»

Marke 12:17

O kon mí Yeesu dimul nda aa: «La mingul Sesar ɲɛ co le Sesar-o, mì la mingul Hala ɲɛ co le Hala-o.» Mí kɔndɔfillo va nda biyɔɔ taw a dɛnɛ ndɔɔ.

1Samiɛl 12:18

Mí Samiɛl piɛi Mɛlɛka, mí Mɛlɛka tuisi piɔɔ paale len, mí taŋndan ma va deŋio taw, mí siòònde bii vannda taw a Mɛlɛka a á Samiɛl.

Tɔŋ lasálàá 19:32

La ce pɛ vanaa yuuvɛiya, la cɛn o fondala niaala calaa lan, la ke nda bɛɛlen. La ke ya Hala niaa bɛɛlen. Ya co Mɛlɛka ni.

Tɔŋ lasálàá 19:3

Niaa kpow, vana-vana bɛnda mò yɔngu kala ndɔ a fuɲa ndɔ bɛɛlen, mò bii paale pɛngiaalen mò ke len bɛɛlen. Ya co Mɛlɛka ni, Hala niaa pɛɛn.

Fulaa 20:12

La ke fuɲaa niaa a kalaa niaa bɛɛlen, haliko mi la viow yoomu o lɛŋnde Mɛlɛka Hala niaa co niaa yɔngu len coo.

1Timote 5:13

Handɔɔ o kon coo, a luɛi siɛlɛiyo, a cɛn keiyo balɔɔ cɛilan nin. Handɔɔ vɛlɛ o siɛlɛi kon coo, a siŋnun vanaa tombolaa a vanaa vow sondolan o sɔɔn pilan nin-nda, a muungu sɔɔn nda bɛnda le dimi loon dimio.

Talelan 3:27

Taa nɔ pɛ seo, kɛ́ɛ̀ le vana co o bahavɛiyo nin-ndo kɛndɛi tosallo le.

Luke 20:22

Lelan dimul naa, vɛ̀ɛ̀ o bɛnda pá mì n mal muloo Sesar muloo o ba?»

Rɔmnda 12:10

La kaolian vellaa-velle maa cuavaa mɛɛle pilɛ. La kindin fɔlɔn mì la kenan bɛɛlen vellaa-velle.

Rɔmnda 13:6

Lelan koni niaa co muloo yɔngoo ni. Kani baala Hala vem simlacia co ndu biyɔɔ-a-o co kon ni.

1Masaa 3:17

Mí vanalanɔɔ pilɛ dimul masaa aa: «Masaa, naa cuaa ho n co cɛinin latulu ni, n lo naa ndu cɛinin, mí vialu hɔ́ɔ́ piaandoo.