Rɔmnda 13:6 - BII BILA

⁶ Lelan koni niaa co muloo yɔngoo ni. Kani baala Hala vem simlacia co ndu biyɔɔ-a-o co kon ni.

Rɔmnda 13:6 Referans Kwoze

Luke 23:2

Má kɔ hɛɛnduu ndu sɔɔn coo aa: «Langbanɔɔ ho naa n komal vannda lueyo o pɔwlan nin ni, o va nda dimullo maa a mel Sesar muloo le, ndu pila va vɛlɛ dimio maa ndu co Krista ni, masaa pɛɛn.»

1Dɛnnda lemasalan 18:14

Mí David tosa masalen o lɛŋnde Israɛl-ten kpow coo. O va yaman vannda kpow kiolɔɔ o sandei nin, o ve nda hiyan tosa tɛɛn te.

Rɔmnda 12:8

Vana nɔ vallo le vannda yoomuan lueiyo-o, ndu luei vannda yoomuan. Vana nɔ vallo le kɛndɛi tosaa-o, ndu tosa kɛndɛi. Vana nɔ vllo le vannda simndan lacio, ndu tosa baala kon a dialun fulan, mì vana nɔ vallo le vannda ɲííye tuinɔnndo-o ndu tuinun vannda iɲíí a kɔlkɛndɔɔ.

Nehemi 5:4

A pum nda va vɛlɛ dimio aa: ‹Le mulu masaa malɔɔ, n cua volion mí n lendul ciɛɔn naan a nakɔla naala n'rɛsɛnndan.

Ɛsdras 6:8

La tuei-yɔ tɔŋ ya handu-o: ɲɛ niaa bɛnda mì la tosal vanaa kɔlkalua Yuifia le Cɛi-Hala mingio tangullo-o co hoo ni: bɔnɔla tangul kon la bɛnda mì la fula o volin lemasan nin, o mulu co biinɔnndo o tàndá co o peo Efrate leeloo a ba paalen le del-lo nin-ndo nin. Ɲɛ-sɔlaa kon bɛnda mò va vanaa kan yɔngɔnndo telen oo telen, yɔŋii vallo tamala nda o ba.

Ɛsdras 4:20

Masaa nɔ kpaayaa taw-va kei Yerusalɛm, mí masale ndalen le pɛngɛlan o lɛŋii va Efrate leeloo a ba paalen le del-lo-e kpow coo, vannda va nda muloo malɔɔ o ba, a va ɲɛ kelun-ndo yɔngoo, a va sala hiavaa yɔngoo.

Ɛsdras 4:13

Le hee, màá masaa va o sinaa nin, maa te kobi kon muungu pɛ tangulɔn, mì kpakila ndɔlan la bɛɛndian, vanaa vanin lenin-nda mel-lɛnin mulu le, a yɔngu lɛnin ɲɛm kelun-ndon a sala hiavaa le. Ken tosan yɛ pɛ lende, mɛɛ bolofaa lemasaa kuinin te dɛ!

2Samiɛl 8:5

Mí Aramiaa va Damas-a sɔɔnguu le Hadadesɛr masaa Soba cɔwvo malaa. Kɛ mí David nɔla nda, mó diw vannda vaalan bidiin a latiɔn o nda tɛɛn.

Rɔmnda 13:5

Lelan, o bɛnda mì vana tuisin simlacia o labɛngunin, o tasoo, le kɔltuw Hala-o kpakpalaa, kɛ handɔɔ o kon coo vɛlɛ, yɔŋii kɔlta naalan la yaala naa.

Rɔmnda 13:7

Lelan, la ke vana-vana ɲɛ o bɛnda le niaa sɔlaa o ba-o: la yɔngu vanaa niaa bɛnda le cuungiaalan yɔngoo-a cuungiaalan, mì la yɔngu vanaa niaa bɛnda le muloo yɔngoo-a muloo, mì la ke vanaa niaa bɛnda le bɛɛlen keo-va bɛɛlen, mì la biilu vanaa niaa bɛnda le biiloo-a.