Rɔmnda 13:5 - BII BILA

⁵ Lelan, o bɛnda mì vana tuisin simlacia o labɛngunin, o tasoo, le kɔltuw Hala-o kpakpalaa, kɛ handɔɔ o kon coo vɛlɛ, yɔŋii kɔlta naalan la yaala naa.

Rɔmnda 13:5 Referans Kwoze

1Piɛr 2:19

Kani o co dɛnɛ kɛndɛ le sangaa biuvɔnndo o kafalan coo le sɔɛi Hala-e biyɔɔ.

Dɛnnda kiilaa 24:16

Lelan i co kindinndo lɔ́ɔ́-lɔ́ɔ̀, haliko mi va o sandaa Hala a vanndacieea o hɔl.

Vana Kɔlkaloo 8:2

Te masaa soo pɛ, mò dimi isɔɔ le tosa, vana bɛnda mi vana bii sɔɛi ndɔɛi. Naa n cua ciɛ́ɔn Hala o hɔl le ndu diomndo biyɔɔ ni.

1Piɛr 3:16

Kɛ la tosa kon o fɛ́ɛ́-fɛ́ɛ́o nin a o tuisinndo nin. La nɔ yiyannda kɛndɛlan, haliko o va bɛɛ o fondala nda co niaa congòó lan, mì siɛmbulan la bii vanaa co niaa diolan tɛɛmbuuo le kela niaa kɛndɔɔ-a.

Hebreea 13:18

La piɛi Hala le naa. N laalan maa n dendu kɔltan, nduyɛ yeemɛi co naa mì n kela kela kɛndɔɔ o dɛnndan kpow nin.

Vana Kɔlkaloo 8:1

«A toɲa, vana-vana nɔ kɔlkalu kon te, kɔlkalu o tiwba mò cɔm ɲɛ co hunɔɔ yɔŋnɔn-ndo-o. Nduyɛ, hɔlla kɔlkaloo teengiaa vana ni, mò faŋa vana suumaa o hɔl.

Rɔmnda 13:6

Lelan koni niaa co muloo yɔngoo ni. Kani baala Hala vem simlacia co ndu biyɔɔ-a-o co kon ni.