Rɔmnda 13:4 - BII BILA

⁴ kani baala Hala-o simlacia co tosaa ni, le dɛnɛ kɛndɛ nɔmndo. Kɛ taa tosa pɛ dɛnɛ vɔɔndo, mɛɛ yɔŋ siòònde, kani o co fondo le nda tuisi vana sangaa coo le, le baala Hala nda co tosaa-o ni, le maa ndɔɔ mingio a le kɔl ndɔ fulaa tuisio vanaa tosaa dɛnnda vɔɔnda coo.

Rɔmnda 13:4 Referans Kwoze

Rɔmnda 12:19

Niaa vanaa hɛnan ya-a, niaa pila mingi màá dɛnɛ vɔɔndo le, kɛ la mel kɔltuw Hala-o fondaa, kani o co o sɛvaa aa: «Ya co vana mingia maa ni, ya salanin vana-vana ni.» Mɛlɛka dimi lende ni.

Talelan 20:2

Maa pɛɛliaa yàlà téndé kɔltuw masaa co ni, vana biiŋuu pɛ kɔl ndɔ tuwvo o vɔngulu yoomu ndɔɔ.

Talelan 16:14

Kiilanɔ piɔ́mndo kɔltuw masaa co ni, kɛ vana kɔlkaloo ndu tiwba mò ɲulul ndu kɔllo.

2Dɛnnda lemasalan 19:6

Mó dimul nda aa: «La tosa baalaa mɛɛ o bɛnda yɛ, kani o co le n'vanndaciee le niaa kialunin yaman te, kɛ le Mɛlɛka niaa. Telen oo telen niaa va pɛ yamɛi kiolɔɔ, ndu pila vanin niaa ikɛi.

1Tesalonikea 4:6

Vana-vana pílàn puapilɛ ndɔɔ tana le, vana-vana tɛɛmbuu puapilɛ ndɔɔ labɛɛ o sɔɛi he nin te. Maa mɛɛ naa n dimul niaa sɔɛi ken kpéŋ-kpéŋ yɛ, Mɛlɛka tuisinin vannda sangaa coo le hakila vaa lende.

Rɔmnda 13:6

Lelan koni niaa co muloo yɔngoo ni. Kani baala Hala vem simlacia co ndu biyɔɔ-a-o co kon ni.

Misee 3:9

«Niaa sei! La yaŋnun sɔɛi he, niaa simlacia co cuavaa Yakɔb-a coo-a. Niaa simlacia cuavaa Israɛlla, niaa nɔ nɛyɔn dɛnɛ sandaa mí la va sandei tundɔɔ-a pɛɛn.

Esekiɛl 25:14

I mingulnin Edɔmnda màá a bala vanaa niaa, Israɛlla pɛɛn. Israɛlla dɔawnin Edɔmnda yɛɛvɛ mɛɛ kɔl ni tuwvo a kɔl ni fulaa co yɛ. O kon, a sinanin mɛɛ ya Mɛlɛka mingi màá yɛ.› Ya Maalii, ya co Mɛlɛka-o soo nuaa ni.›»

Esekiɛl 22:27

Simlacia nɔmnda co macoaa maa tunaa yondoa co ɲɛ nda bii-o sɔmndo-a, a co vannda diwvo a yoomulan tɛɛmbuuo le bolofaa sɔlaa o ken nin.

Yeremi 5:28

A luɛi cuɛiyan, má celul celoo pila. À nɔ lapɛɛngu o dɛnɛ vɔɔndo tosaa nin te. À kilu yaman sandaa le. À suu le vííya dí ndaa yɔngu le, te ndáà soaa pɛ le nda, vííya va dí ndaa sɔla. À cue sɔɛi vanaa bala fondoa balan latiɔn te.›

Esai 1:17

La pɛɛku le dɛnɛ kɛndɔɔ tosaa, la kindin le dɛnɛ sandaa nuwviaa, la kanda vana nda co saangiaa-o, la tosal vííyo dɛnɛ sandaa, la lɔɔnun ibuŋ le vanalanɔ pɔnɔ ndɔ vi-o.›»

Talelan 20:26

Masa kɔlkaloo puusiàà vanaa yɔŋ vɔɔnda ni, mò pesipesi nda.

Talelan 20:8

Masaa cal pɛ le yaman kiolɔɔ, o keleŋa dɛnɛ vɔɔndo cɔ cɔ́-cɔ́ o tofa lepilɔ.

1Masaa 10:9

Màá Mɛlɛka Hala nɔmndo sɔla biiloo le hɛli o hɛli nɔm, mó suili nɔm masaa Israɛlla coo-o! Kani le tùú Mɛlɛka kaola Israɛlla taw-vo o suili nɔm masaa le dɛnɛ sandaa tosaa a le yamɛi caa kiolɔɔ nda coo le fɛɛn a fɛɛn ni.»

Yosue 20:9

Kobila lan láà hɛlin le Israɛlla kpow a le mialaa va nda icali tɛɛn-nda ni, haliko vana-vana sulalle ndíì fula pɛ o ba, mì ndóò dii vanacieo, vana kon ndóò kɔ vionnun ndon háá mì yamɛi ndɔɛi ndíì kiolu, yɔŋii ndáà dii ndu o màá mingio.

Yosue 20:5

Te vana yeema le màá mingio-o kuel ndu pɛ, vanaa co o kobi kon nin-nda cɛl lɛ mà mal vana dii kon vanndo-o ndu o ba le. Kani kpundɔɔ fula ndu o ba mó dii vana kon ni, o co nɛyɔn te ndóò nɔ a ndu le.

1Piɛr 2:14

o va masaa n'bungaa, a masa bɛndoo viam le vanaa tosaa dɛnnda vɔɔnda sangaa tuisio coo, te kon te le vanaa tosaa dɛnnda kɛndɛa nuvalio mello-a.