Rɔmnda 13:13 - BII BILA

¹³ N kelan kela sandaa, maa kela ipala déŋ. N vannun vanaa lepulua hiw dioo a kolɔɔ-a le. N vannun vanaa yiyannda vɔɔn, te kon te vanaa laasi-laasi le. N kpakpalan sɛɛngianndan a paŋalianndan.

Rɔmnda 13:13 Referans Kwoze

Kalatea 5:21

yeemɛi bɛnduei, mɔiyan yɔngɔnndo, pululen a dɛnnda vaa lende. Vanaa co dɛnndan ndan tosaa-a, i co niaa ndi pɔɔ dimul maa mɛɛ ya dimúl nin niaa ndi yɛ, nda sɔlanin kɛ o masale Hala len nin te few.

Efɛsea 5:18

La hiaw ba a mɔiyan kolɔɔ le, kani o laasianndo nin kon luei vana ni, kɛ la va a piaa a Hala Kɔl-Diandaa.

1Tesalonikea 4:12

O kon, vanaa co vanaa laalan te-a kenin niaa bɛɛlen, la venin o ba vana bɛngu le.

1Nsaŋ 2:6

Vana dimi pɛ maa o co o Hala nin, ndu bɛnda mò kela maa Yeesu.

Efɛsea 5:15

Lelan, la caa taw a niinu niaa. La va lɛ maa n'diɔm te, kɛ la va vanaa kɔlkalua.

1Tesalonikea 2:12

N luei niaa yoomuan, mí n ɲɔɔlu niaa, mí n lo niaa kɔɔli háá mɛɛ o bɛnda Hala o hɔl-lɛ. Hala, o véélú niaa le luɛyɔɔ o Masale ndɔlen nin a o biilu ndɔɔ nin-ndo.

Luke 21:34

«La caa taw! Yɔŋii niaa laasiaa kɔlta niaalan a pululen, a mɔiyan kolɔɔ a á buulannda ceenndan. Bau, paale Po vanacieo hunnin-nden le co tiiya, la venin nden kɔl te.

1Tesalonikea 5:17

la vá piɛilen lɔ́ɔ́-lɔ́ɔ̀,

Filipea 1:27

Kɛ la kela mɛɛ Yoongu kɛndɛ Krista-o co yɛ. O kon, i kɔ o niaa lo, i kɔa le, i co tueyɔɔ maa la co yili o yiyan pilɔɔ nin, mì la va Yoongu kɛndɔɔ cɛwcɛwvo a laalan pilɔɔ.

Yude 1:23

La tuiŋi nda o yin, mì la ciindiaa nda. Vanaa tɔ̀a yɛ, la nɔ ɲíí ndɛi, kɛ la caa dɛ. La cɛl le mɔɔsianndo a nda le, hali le volɔɔla ndala nɔɔla a yeemɛi ndɛi vɔɔnde lan pilanndo.

2Nsaŋ 1:4

Ɲɔɔ hɛnan ya taw lɔ́ɔ́ ya ce cuavaa nɔmnda pum kelaa o toɲaa coo-o, maa mɛɛ tɔŋ naa n sɔla Pua o ba-o co yɛ.

Nsaki 4:5

La yiyan te maa fondo fúú o sɛvan-ndo dimi aa: «Kɔl Hala luei naa nin-ndo, o kaola ndu taw a paŋalaa.»

Kolɔsea 3:5

La diw dɛnnda ceennda kɛ́-kɛ̀ co niaa nin: suundaa, dɛnnda nɔɔlɛilan, yeeman bɛndon, yeeman vɔɔnndon a yeemɛi ɲɛ sɔlɛi, kani piɔmnda sooloo co yeemɛi ɲɛ-sɔlaa ni.

Kolɔsea 1:10

O kon la tiwnin ba kelaa mɛɛ vanaa Maalii-a bɛnda mà kela yɛ, la vanin dɛnnda hɛnan ndu lan tosaa lɔ́ɔ́-lɔ́ɔ̀. La tosanin dɛnnda kɛndɛlan kpow mì la hiow laci a Hala sinaa.

Filipea 2:3

La tosa ɲɛ-ɲɛ a latɔnga te kon te le lacandɔɔ sɔla le, kɛ la tosa dɛnndan o tuisinndo nin, mì la ce caanda fisa hiovɔɔ niaa pila coo.

Efɛsea 5:8

Ɲumndan niaa va paandu ni, kɛ sunsun, ɲɛ-tengaa niaa co o Maalii nin ni. La va niinoo maa vanaa co o ɲɛ-tengaa nin-nda,

Efɛsea 4:17

Lelan, ɲɛ ya co niaa dimul mì tiiyal niaa o Maalii nin-ndo co hoo ni: la va lɛ kelaa maa vanaa sínà Hala le-a le, a del yiyannda yɔngu nda ɲɛ-ɲɛ le lan kɔɔli-a pɛɛn,

Efɛsea 4:1

I co niaa tɛɛlɔn, ya co o kaasoo le Maalii-o, la kela kela bɛnda a veelu niaa sɔla-o-o.

Kalatea 5:19

Nduyɛ dɛnnda n'falulan la co kpendekele: suundaa, dɛnnda nɔɔlɛilan, ilaasi-laasiei,

Dɛnnda kiilaa 2:15

O co mamɔi le co vannda ha o lahɔl mɛɛ niaa co yiyanndo yɛ le. Kani lɛɛlɛ ŋɔmahiɔɔlundɔɔ kínɛí co vɔ diilɛn nuaa ni.

Luke 16:19

O kon kɔɔli, mí Yeesu dimi vɛlɛ taloo ho aa: «Vana bolofaa pum va ni, volɔɔla kɛndɛ-kɛndɛlaa nɔ báà kala kalaa lan ndóò cuɛinun ni. Lepalaa-lepala, o va ɲaaloo dɔwnɔnndo o ceen ndɔɔ nin, mo va ɲɛm dian kɛndɛ-kɛndɔn dioo.

Luke 1:6

Vanaa sandaa vanaa ŋiɔŋaa kan kpow a yɔŋnun Hala o hɔl ni, a va vɛlɛ tɔŋndan a tanala Mɛlɛka lan biyɔɔ ɲɛkɛndɛi.

Talelan 23:20

Del vanaa pum mɔiyan-nda a vanaa hiw vision dioo-a kɔɔli le,

1Korɛntea 3:3

Kani paŋalianndan a sɛɛngianndan la co vɔ niaa tɛɛn. Vɛ̀ɛ̀ o co vanaa ceenda le niaa co vɔ o kon mì la va kelaa o vanacieeyɛi nin te?