Rɔmnda 12:9 - BII BILA

⁹ Kaolaa bɛnda mò va a muulɔnndo le. La kpakpala dɛnɛ vɔɔndo, mì la kaola dɛnɛ kɛndɔɔ.

Rɔmnda 12:9 Referans Kwoze

Condii lisai 34:14

mɛɛ o manda diɛɛmule ndɔlen a sɔɔn vɔɔnndon, mò manda cɔcɔn ndɔn a sɔɔn lacòòvan.

1Piɛr 4:8

I tasei ya co niaa dimul-le, la kaolian vellaa-velle ɲɛkɛndɛi, kani kaolaa kumbu hakila bɔɔ-bɔɔ.

1Timote 1:5

Kɔlɔ sila kon co kaola kpeekpei co o kɔllo nin-ndo ni, yiyan kɛndɔɔ a laalan toɲaa.

1Piɛr 1:22

La cii kɔlta niaalan dindi o sɔɛi toɲɛi biyɔɔ nin, haliko mi kaolian kpeekpeiyo va niaa tɛɛn. Puapilɛa nia co ni, lelan la kaolian vellaa-velle a kɔltan kpow,

1Tesalonikea 5:21

kɛ la dɔw dɛnndan kpow taasi, mì la bii dɛnnda naŋ-ndan kpáŋ.

Condii lisai 101:3

I tosanin dɛnnda sendu le lan te. Dɛnnda vanaa nɔ laalan te-a la nɛinun ya bɔɔ, i nɔ mako a lan te.

Condii lisai 97:10

Niaa vanaa kaola Mɛlɛka-a, la kɛɛ yɔŋ vɔɔndo, Mɛlɛka co yoomula vanaa lo o lediom coo-a mandaa, o co nda baŋaa vanaa yɔŋ vɔɔnda o ba.

Amɔs 5:15

Dɛnɛ vɔɔndo nɛinún niaa, mì dɛnɛ kɛndɔɔ hɛnan niaa! La tosa dɛnɛ sandaa nɛɛ niaa kialu yaman o dio kpaki kobio nin-nda. Bɔɔle mì Mɛlɛka, Hala-Nɔ-Kpaayaa-Kpow-vo tuinun vanaa tɔ̀a lo yoomu o polale Yosɛf len coo-a iɲíí.

Hebreea 12:14

La kindin le vaa o kɔlɲuloo nin a vannda kpow, mì la va a diandaa. Kani te o co o dindinndo nin te, vana-vana cinin Maalii le.

2Korɛntea 8:8

Sɔɛi ya co hee dimio-e, o co mì baŋ niaa le ndi tosa le, kɛ le cɔmndo mɛɛ vanaa celen a co kindinndo yɛ, le kaola kpeekpei niaa nɔ-o sinaa.

1Tesalonikea 5:15

La kindín, vana-vana mìngì dɛnɛ vɔɔndo a dɛnɛ vɔɔndo le, kɛ la vá dɛnɛ kɛndɔɔ tosaa niaa pilaa tɛɛn lɔ́ɔ́-lɔ́ɔ̀, mì la vá ndu vɛlɛ tosaa a vanaa celen.

2Korɛntea 6:6

N co cɔmndo maa vanaa baalaa Hala-a naa n co ni: a diondɔɔ naa n dendu-o, dɛnɛ sinaa naa, biuvɔnndo naa, vili naa kɛndɔɔ, Kɔl-Diandaa co naa vallo nin-ndo, a o kaola kpeekpei naa n nɔ-o nin,

Hebreea 1:9

Dɛnɛ sandaa n yeema ni, mì dɛnɛ vɔɔndo nɛinun nɔm. Àá Hala! Lelan Hala nɔmndo hɛli nɔm ni, mó tala nɔm cuɛima kafoan o lebol. Mó hɛli nɔm caaŋaa nɔmnda tɛɛn.»

Condii lisai 119:104

Tanala nɔmndan la co ya kɔlkaloo yɔngoo, lelan nɛila vɔɔnndan kpow la nɛinun ya ni.

Esekiɛl 33:31

A co hunɔɔ sɛ́lɛ́ bɛndoo fili-fili o nɔm ndo, vanaa niaa kan pɛɛn, a co hunɔɔ calle nɔm o hɔl. A co nilan yaŋɔɔ o sɔɔn nɔmndon, kɛ a co kela lecoo le, kani a sondo yeelaa koni nda co sɔɛi ni, kɛ o kɔlta ndalan nin, tɔnɔ nda pila-o daama nda co nuwviaa ni.

Talelan 8:13

Siòòŋii Mɛlɛka-e nɔu, dɛnɛ vɔɔndo kɛɔ co kon ni. Lelan yongaa, kuundianndo, dɛnnda vɔɔnndan a còòlan la hɛnan ya le.

Condii lisai 119:163

Kafalan la hɛnan ya le, la kuisin ya bɔɔ. Kɛ tɔŋ nɔmndo ya kaola ni.

Talelan 26:25

Vana vaa lende soo bɛɛ sɔɔn kɛndɔn, laalan ndu le. Kani kɔl ndɔɔ co o piaa cá a sɔɔn vɔɔnndon.

Condii lisai 55:21

Caan nuu lɔ́ɔ́ kon bii vanaa nda va kelaa o kɔlɲuloo nin-nda. O peelu kpema o yii-o le.

Condii lisai 36:4

Sɔɔn lacòòvan a sɔɔn huiyaa n'vanndon kínɛí n fula ndu o sondo ni. Dɛnɛ kɛndɔɔ tosaa solul lɛ ndu kpeku oo kpeku le.

1Tesalonikea 2:3

Nduyɛ, n véélú vana le niaa luei o lapɔw nin te, te kon te le niaa lueiyo o dɛnnda dindu Mɛlɛka o hɔl te lan nin, te kon te vɛlɛ le niaa huiyo.

Dɛnnda kiilaa 11:23

Mɛɛ o tiiya, mó ca mɛɛ Hala va nda kɛndɛi tosallo yɛ, mó dɔawnun ɲaale, mó luei nda kpow yoomuan le lou a yiinan-nda a Maalii o kɔl pilɔɔ nin.

Nsaŋ 12:6

Yiyan o sɔla kon-ndo, o co iɲíí le ndóò nɔ a vanaa bala fondoa le, kɛ le tùú o va vuiyo-o. O va ɲɛm nda va mandaa-on ciimbuuo, kani ndu óò manda bɔlɔ nda n'volio o ba ni.

Condii lisai 45:7

Masale nɔmnden le vanin le lɔ́ɔ́-lɔ́ɔ̀ a le fɛɛn a fɛɛn. Tinda nɔm lemasaa tinda dɛnɛ sandaa o co ni.

Matie 26:49

Fɔ́ɔ́fɔ̀, mí Yuda sɔɔnguu Yeesu ikɛi, mó yil ndu aa: «Kɔɔfa isɛ!» Mó kɔman ndu.

Nsaki 3:17

O diandaa kɔlkalu fula coocoo-o co vɔ fɔlɔn ni, o kon kɔɔli kɔlkalu kɔlɲuloo a kɔlkalu fɛ́ɛ́-fɛ́ɛ́o, o kindù tɛɛlɔn te, o pɛ a ɲííye a kɔmnde kɛndɛlen, o hiyàn vannda le, o muulun te.