Rɔmnda 12:6 - BII BILA

⁶ Mɛɛ naa n sɔla valta yɛ́-yɛ́lan o kɛndɛi kennun naa-e nin yɛ, te vanndo sɔla pɛ vali tɛɛngaa diom Hala-o, o bɛnda mò tosa vali kon a laalanndo.

Rɔmnda 12:6 Referans Kwoze

1Korɛntea 7:7

Yáà yeema mì vanpiaandua kpow ndáà va maa ya, kɛ nduyɛ Hala yɔngu vannda valtan yɛ́-yɛ́ le tosaa. O ke pɛ vanndo hoo vallo pum, o mulin, o ke vana celen vali celen.

Rɔmnda 12:3

Le kɛndɛi Hala tosal-la-e, i co niaa dimul maa la cannun niaa pila ɲɛ mò hiow mɛɛ niaa co yɛ le, kɛ la tuisin mì vana-vana cennun mɛɛ o co yɛ, maa mɛɛ Hala ke vana-vana laalanndo yɛ.

Rɔmnda 1:11

Kani yeemɛi co ya taw le niaa cɔu, mì yoo niaa ke kɔllo pum, haliko mi la sim yili.

1Korɛntea 13:2

Hali i sɔla bɛɛ vallo le diom Hala-o tɛɛnguuo, mì sínà dɛnnda kɔndɔfiltan kpow, mì nɔ dɛnɛ sinaa kpede, i nɔ vɛlɛ bɛɛ laalanndo háá mì faŋa pembon o fonda n co-o, te i nɔ kaola o kɔl te, mɛɛ i co ɲɛ-ɲɛ le.

Efɛsea 4:11

Ndu yɔ̀ngù vannda valta yɛ́-yɛ́lan ni: ó siinguu vanaa pum kiilaa, mó siinguu a pum vanaa-tɛɛngaa-diom Hala-a. A pum vanaa yondaa-diom Hala-a, a pum vanaa mandaa n'saa, a pum vanaa pɛɛkaa.

1Korɛntea 14:1

Lelan, la nuwviaa fɔlɔn kaolaa, mì la nuwviaa vɛlɛ valta Kɔl-Diandaa a yeemɛi, kɛ taama-taama vali tɛɛngaa diom Hala-o.

2Korɛntea 8:12

Kani te vanndo nɔ pɛ yeemɛi le yɔngoo, Hala cɛl mɛɛ sɔla vana kon co yɛ, kɛ o ve mɛɛ sɔla ndɔ co le yɛ le.

1Tesalonikea 5:20

la pɛɛsà sɔɔn vanaa-tɛɛngaa-diom Hala-a le,

1Korɛntea 14:29

Vanaa-tɛɛngaa-diom Hala-a a ŋiɔn te kon te a yaa soo pɛ, a tɔ̀a kelu ɲɛ nda co dimio-o iyama.

Dɛnnda kiilaa 15:32

Mí Yude nda Silas va vanaa-tɛɛngaa-diom Hala-a dimul vanaa laalannda sɔɔn taw le nda yoomuan lueiyo, a le nda simio yili o laalanndo coo.

Dɛnnda kiilaa 2:17

‹Hala dimi aa: O palɛi mɛɛlɛi, i saŋnin Kɔl nuu vanndacieea kpow coo. Poaa niaa a cuavaa niaa laandua siŋnunnin vanaa-tɛɛngaa-diom Hala-a. Langbaa felengia niaa canin vunduan, bɛndua yuuvɛiya sɔlnin lɔan.

Filipea 3:15

Naa vanaa-vanaa n co kaasonnda o laalanndo nin, yiyanndo ho va naa o lakɔl. Te o va yɛ pɛ mì la nɔ yiyannda celen o dɛnɔɔ pum coo, Hala cɔmnin niaa vɛlɛ vakpa mɛɛ niaa bɛnda le ndu biyɔɔ yɛ.

Efɛsea 3:5

Paandu, dɛnɛ viannan kon ndóò cɔmnun vannda le, kɛ sisa Hala cɔm kiilaa ndɔa diandaa a vanaa-tɛɛngaa-diom Hala ndɔa diandaa ndu a Kɔl ndɔ Diandaa o kɔɔ.

Dɛnnda kiilaa 13:1

Vanaa-tɛɛngaa-diom Hala-a a vanaa pɛɛkaa latɔŋnda pum a va vanaa Krista-aa tɛɛn Antiɔs: Barnabas, Simeɔn o ndáà ke diolan aa Vana-Tiŋio-o, Lusius fula Sirɛne-o, Manaɛn sul nɛɛ pilɛ nda Herɔde-o, Herɔde va masalen tosaa Kalile-o pɛɛn, a Sol.

Luke 11:49

Lelan Hala dimi o kɔlkalu ndɔɔ nin ni aa: ‹I vimnin nda vanaa-tɛɛngaa-diom Hala-a nia a kiilaa nia. À diwnin a pum, mà tol a tiŋ yɛlen.›

Matie 23:34

Lelan i co niaa vanaa-tɛɛngaa-diom Hala-a, vanaa kɔlkalua a vanaa pɛɛkaa latɔŋnda vim. La diwnin a pum, mì la baŋ a pilla o yɔmii singafilɛi coo, mì la koŋ a tɔ̀a o cɛila lekaannda niaalan nin, mì la tol nda yɛlen o kobi oo kobi nin,

1Korɛntea 14:24

Kɛ te nda kpow a va pɛ diom Hala-o tɛɛnguuo, mì vana co vana laalan too, te kon te mì vana sínà dɛnɛ kon too hin sɔɔn mun nilan yaŋɔɔ daama, sɔɔn mun kpow n pilannin ndu kɔllo mì nda kpow a kelu ndu iyama,

Dɛnnda kiilaa 21:9

Ndóò nɔ cuavaa felengia nda hiɔɔlu, aa sina vɔ dɛnɛ vanapɔnɔ le-a, a va diom Hala-o tɛɛnguuo.

1Korɛntea 3:5

Nɛ̀ɛ́ co yɛ niko Apolɔs? Nɛ̀ɛ́ co yɛ Pol? Vanaa baala Hala-a daama naa n co ni, a niaa laalan o ba-a, maa mɛɛ Hala ke vana-vana vallo le tosaa yɛ.

1Korɛntea 12:18

Kɛ nduyɛ, Hala kɛsi ifalu oo ifalu o diallon nin mɛɛ hɛnan ndɔɔ co yɛ.

2Piɛr 1:20

O tase ya co niaa dimul-lo co hoo ni, la sínà maa vana-vana bɛnda mò tɛɛsiaa diom kɛ́-kɛ̀ o sɔɔn vanaa-tɛɛngaa-diom Hala-a dimi mì n va n sɛvaa o Sɛbɛ Hala-o nin-ndon a yiyan ndɔ ndu pila le,

Matie 25:22

Mí vana sɔla sianin n'kpungban kɛmɛ lediin-ndo bɛɛ sɔɔnguu, mó dimi aa: ‹Vana bɛndoo! Sianin n'kpungban kɛmɛ lediin nɔm óò sɔɔ ya o ba ni, mí sɔla tɔnɔɔ lecoo sianin n'kpungban kɛmɛ lediin. Má cè mun!›