Rɔmnda 12:3 - BII BILA

³ Le kɛndɛi Hala tosal-la-e, i co niaa dimul maa la cannun niaa pila ɲɛ mò hiow mɛɛ niaa co yɛ le, kɛ la tuisin mì vana-vana cennun mɛɛ o co yɛ, maa mɛɛ Hala ke vana-vana laalanndo yɛ.

Rɔmnda 12:3 Referans Kwoze

Kalatea 6:3

Te vanndo cennun pɛ ɲɛ, mò ve yɛ niko ɲɛ-ɲɛ le, mɛɛ ndu pila co palanndo ni.

Talelan 26:12

A ce nin vana cennun ndu pila vana kɔlkaloo-o? O co fisa ma tiindan diɔm sondo vesɛiyo a vana vaa lende kɔllo kɛsio coo.

1Piɛr 5:5

Lende koni i co le niaa cuaa felengia ni, la tuisin kaasonnda o labɛngunin. O naaŋan niaa vellaa-velle nin, la nɔ kɔl tuisianndo, kani Sɛbɛ Hala-o dimi aa: «Simullo Hala simul vanaa yongaa ni, kɛ mo tosal vanaa tuisiannda kɛndɛi.»

Rɔmnda 12:16

La kela kela kɛndɔɔ niaa pila tɛɛn vellaa-velle. La va vanaa kuundian te, kɛ la tosa dɛnndan kpow o tuisinndo nin. Niaa pila cannun vanaa kɔlkalu le.

1Piɛr 5:8

La pɔɛɛnun te, la va lahɔl, kani yaamɔɔ niaa, masa ɲinaa vɔɔnda co balɔɔ a kuuliaa maa yàlà, le vana o sɔlanin mo de ndu-o.

Vana Kɔlkaloo 7:16

Híw i sandu le, híw vɛlɛ kɔlkaloo nɔ le, yɔŋii nɔm pila tɛɛmbuun.

1Piɛr 4:7

Mɛɛlula ɲɛ-ɲɛ la co nin kpɛɛlun. Lelan, la kiondu kɔltan mì la va lahɔl le piɛilen.

Nsaki 4:6

Kɛ nduyɛ, kɛndɛi Hala co naa tosallo-e co i bɔɔ, kani o dimin vɛlɛ aa: «Hala co vanaa kuundiannda cɔlɔbaa, kɛ o co vanaa tuisin tootoo-a kɛndɛi tosallo.»

1Piɛr 4:11

Te vanndo va pɛ sɔɛi, o soo le diomnda Hala lan tɛɛnguuo. Vana nɔ pɛ keo le dɛnɔɔ pum tosaa, o tosa ndu a kpaaya Hala yɔngu vana-o, haliko mi Hala sɔla biiloo o dɛnndan kpow nin o diola Yeesu Krista lan. O biiloo a kpaayaa co le ndu le fɛɛn a fɛɛn-ndo. Amiina!

Misee 6:8

Niaa vanndacieea sei! Kámáá a cɔm niaa dɛnɛ sandaa! À cɔm niaa ɲɛ Mɛlɛka yeema mì vanndacieea tosa-o. Ɲɛ kon co ni mì la kela kela sandaa, mì la kaola lou o diomnden coo, mì la kela ɲɛkɛndɛi o nɛila Hala niaa cɔm niaa lan coo.»

1Korɛntea 7:17

Kɛ nduyɛ, o bɛnda mì vana-vana va kelaa mɛɛ Mɛlɛka ke ndu, mó sɔla veeloo Hala o ba yɛ. Ɲɛ ya co vanaa laalannda kpow pɛɛkoo-o co kon ni.

Tite 2:12

Kɛndɛi kalɛi co naa pɛɛkoo le laalan lepɛŋndo a yeemɛi vɔɔnde o ceendo ho coo malɔɔ, mì n kela kela kɛndɔɔ, kela sandaa, mì n kela a laalanndo o palɛi he sisa nin.

Tite 2:2

Pɛɛku bɛndua yuuvɛiya mà va vanaa tosa dɛnndan tùúlen-nda, vanaa lebɛɛa, vanaa bii kɔltan o dɛnndan nin-nda a vanaa nɔ laalan kpeekpeiyo o kaolaa a o biuvɔnndo nin-nda.

2Korɛntea 12:7

Kɛ nduyɛ, yɔŋii yongaa piɔ ya nin ca le kaamaala bɛndula ya ce o vunduan nin-ndan, mí sɔla sangaa o falon nin taw vana ca ko aa mɛlɛkanɔ Setana-o hun lɔɔ ya le ya kuunaa yɔŋii yongaa piɔ ya o n'dial ni.

Rɔmnda 11:20

Toɲaa ken ndi co ni. Le laalan nda lepɛŋndo n sɔla kilio ni, mì nɔm va o holaa le laalanndo. Lelan kuundian te, kɛ siòònde va nɔm,

Rɔmnda 1:5

O ndu kɔɔli naa n sɔla kɛndɛi ni, mí n siŋnun kiilaa le vanaa-mangalaa-isɔɔa kpow sɔɛi ndɔɛi dimullo haliko ma cɛl ndi, mà laalan.

1Piɛr 1:13

Lelan, la va a bɛɛndiannda, la va o lapɔɛɛnɔn nin te. La handu tiindan niaa kpede o kɛndɛi tosalannin niaa lɔ́ɔ́ Yeesu Krista fulanin ceen-nde coo.

Tite 2:4

o kon mà pɛɛku felengia laandua co o nɔ̀lan-nda le piaandua ndaa a cuavaa ndaa kaolaa,

1Korɛntea 15:10

Kɛ nduyɛ, kɛndɛi Hala-e tosa ni mì va mɛɛ ya co nuaa yɛ, kɛndɛi o tosal-la ken-nde i yɔŋnun fúú le. Kani i tosa vallo hiovɔɔ kiilaa kan kpow coo, o co ya pila le tosa vali kon te, kɛ kɛndɛi Hala-i co ya coo-e.

Nsaŋ 3:34

kani sɔɔn Hala-on vana Hala vem-ndo dimi ni, kani taw-taw Hala yɔngu Kɔl-Diandaa ni.

Efɛsea 4:16

Ndu co tosaa ni mì falun yɛ́-yɛ́-on n va yiyaa nɛɛ pilɛ ɲɛkɛndɛi, mì diallon kpow n va ɲɛ pilɔɔ a boondun ndɔn kpow. Lelan, te ifalu oo ifalu i tosa pɛ baalaa mɛɛ o bɛnda yɛ, diallon kpow n hindunin mì n hiow laci o kaolaa nin.

Luke 18:11

Mí Faliisinɔɔ sim, mó piɛi Hala o kɔl nin aa: ‹Hala, i mel nɔm balika, kani i co maa vanaa tɔ̀a le, vuiya, vanaa yɔŋ vɔɔnda a vanaa suundaa pɛɛn. I co vɛlɛ maa vana biyaa muloo hoo le.

Tite 2:6

Lende vɛlɛ koni, pɛɛku langbaa felengia mà va vanaa bii kɔlta ndalan o dɛnndan kpow nin-nda.

1Timote 2:15

Kɛ nduyɛ vanalanɔɔ nɔla mò sɔla cindaa, te o sɔla pɛ cuawva, mò lo o laalanndo a o kaolaa coo, mò va vɛlɛ o diandaa Mɛlɛka o hɔl o tuisinndo nin.

1Timote 2:9

Lende vɛlɛ koni, i yeema mì vanlaandua cuɛinun cuɛyɔn lebɛɛo. A cuɛinun mɛɛ o bɛnda yɛ, mà cuɛinun tùúlen. A law lavɔɔ báà kala le, a vownun kelan n'siani le, te kon te yɔɔvala báà kalaa, te kon te vɛlɛ volɔɔla báà kalalan te,

1Timote 1:14

Maalii naa pei ya kɛndɛi ndɔɛi nin ca, mó ke ya laalanndo a kaola naa n sɔla Yeesu Krista o ba-o.

Efɛsea 3:4

Nduyɛ, te la va pɛ sɛbɔɔ ho tofaa, la sinanin kɔlkalu ya sɔla o dɛnɛ viannan Krista-o nin-ndo.

2Korɛntea 12:13

Vɛ̀ɛ̀ kundala vanaa laalaŋaa tɔ̀a hiow yɛ tɔnɔɔ sɔla a niaa? Mɛɛ le kɛɛ ya kɛɛ siŋnɔn volɔɔ le niaa-o dɛ? Te lende yɛ ni, mɛɛ la mal-la haki le dɛnɛ sandaa lepɛŋ kon!

1Korɛntea 3:10

Maa mɛɛ kɛndɛi Mɛlɛka-e i yɔngun ya-e. Ya ya, i tosa baalaa maa vana caa baalaa taw-vo, mí kila cɛiyo, mí vana celen tangul lecoo. Kɛ, mɛɛ mì vana caa taw a mɛɛ n co cɔwva lecoo yɛ.

Rɔmnda 11:25

Puapilɛa nia, i yeema mì la pɔw dɛnɛ kɔndɔfillo ho le, yɔŋii niaa pila cɔnnun vanaa kɔlkalu. Israɛlla pum a lonin nila kalulan tosaa háá mì vanaa sina Hala le-a kpow a muungu Hala o ibuŋ.

Talelan 25:27

O niŋ mì vana hiw lɛan dio le. O niŋ vɛlɛ mì vana hiw bɛɛlen nuwviaa le.

3Nsaŋ 1:9

I sɛval kunda vanaa laalannda sɛbɔɔ, kɛ Diotrɛf yeema simlacilen-ndo ci bɛɛ sɔɛi nii ɲɛ-ɲɛ le.

Kolɔsea 2:13

Niaa va a vílɛ́iya o kɔllo nin le tɛɛmbuula niaalan a le tooma niaa kɛɛ diyɔɔ o diallon nin-ndo-a, mó tosa mí la muungu ceen a ndu latulu, mó mal tɛɛmbuula niaalan kpow haki.

Kolɔsea 1:29

Lelan ya co baalaa ni, mì co kindinndo a kpaaya fula Krista niŋ, mò va ya vallo niŋ-ndo.

Efɛsea 3:2

Nduyɛ, i nɔ o kɔl maa la tuei nin sɔɛi vali Mɛlɛka yɔngu ya kon le tosaa o kɛndɛi ndɔɛi bɛngu le niaa-o,

2Korɛntea 10:13

Naa naa, n kilu yonga mí n hiow ba le, n va pɛ yongaa kiolɔɔ, n mɛɛlu o fonda Hala kilu naa le baalaa tosaa-o, kon mala ni mí n tiiyaa háá o niaa lo.

Filipea 2:13

Kani Hala co tosaa ni mì la va hɛnan ndɔɔ tosaa mɛɛ tuu ndɔɔ co yɛ.