Rɔmnda 12:19 - BII BILA

¹⁹ Niaa vanaa hɛnan ya-a, niaa pila mingi màá dɛnɛ vɔɔndo le, kɛ la mel kɔltuw Hala-o fondaa, kani o co o sɛvaa aa: «Ya co vana mingia maa ni, ya salanin vana-vana ni.» Mɛlɛka dimi lende ni.

Rɔmnda 12:19 Referans Kwoze

Tɔŋ miingua 32:35

Ya co vana mingiaa màá ni, ya sala vanndo le ɲɛ o tosa-o ni. Tuma nda boŋnin-ndo, ya saalanin nda ni. Kani paale dɛnɛ palaalen le co nin le tiiyaa nda coo. Dɛnɛ palaa kelun le nda-o tamalanin le tolɔɔ nda coo le.

Hebreea 10:30

N sínà maa vana dimio aa: «Ya bɛnda le màá mingi o ni. I salanin vana-vana mɛɛ o bɛnda yɛ». Ndu koni dimi vɛlɛ ni aa: «Mɛlɛka kialunin vanaa ndɔa iyama.»

Talelan 24:29

Dimi le aa: «Mɛɛ mì tosal ndu ɲɛ ndu tosal-la-o, mì mingul ndu màá o puu ya-o.»

Talelan 20:22

Dimi le aa: «I mingi vɔ màá dɛnɛ vɔɔndo». Tiindan Mɛlɛka, mò baŋa nɔm.

Rɔmnda 12:17

La mingul vana-vana dɛnɛ vɔɔndo a dɛnɛ vɔɔndo le. La kindin mì la va dɛnɛ kɛndɔɔ tosaa vannda kpow o hɔl.

1Tesalonikea 4:6

Vana-vana pílàn puapilɛ ndɔɔ tana le, vana-vana tɛɛmbuu puapilɛ ndɔɔ labɛɛ o sɔɛi he nin te. Maa mɛɛ naa n dimul niaa sɔɛi ken kpéŋ-kpéŋ yɛ, Mɛlɛka tuisinin vannda sangaa coo le hakila vaa lende.

Tɔŋ lasálàá 19:18

La míngì màá le, la mándan sɔɔn vɔɔŋun vannda o lakɔl te. Vana-vana bɛnda mò kaola caanda maa ndu pila. Ya co Mɛlɛka ni.

Rɔmnda 12:14

La dɔw vanaa co niaa yɛlen tollo-a duaa. La dɔw duaa, la mɛna vana le.

Tɔŋ miingua 32:43

Niaa vanaa-mangalaa-isɔaa, la tem vanaa ndɔa balan a ɲaaloo. Niaa halaa kpow, la baŋ vulan Hala o labɛngunin. Kani Mɛlɛka co màá mingi le vanaa ndɔa baalaa nda diw-va. O tuisin yaamɔaa ndɔa sanga bɛnda a nda-o coo, o salanin vanaa nɔ nɛyɔn ndɔɔ-a. Kɛ o tosa faleŋii dindiannde le lɛŋnde ndɔlen a le vanaa ndɔa ni›».

Matie 5:39

Kɛ ya, i co niaa dimul: la simul vanaa kɔlvesɛiya le. Te vanndo lɔɔ pɛ nɔm kpaŋii ba kɛndɛi, mulul ndu vɛlɛ kpaŋnde pilɛi.

Rɔmnda 13:4

kani baala Hala-o simlacia co tosaa ni, le dɛnɛ kɛndɛ nɔmndo. Kɛ taa tosa pɛ dɛnɛ vɔɔndo, mɛɛ yɔŋ siòònde, kani o co fondo le nda tuisi vana sangaa coo le, le baala Hala nda co tosaa-o ni, le maa ndɔɔ mingio a le kɔl ndɔ fulaa tuisio vanaa tosaa dɛnnda vɔɔnda coo.

1Samiɛl 25:33

I mel vɛlɛ nɔm balika le yiyan kɛndɛ n sɔla mà kuuna ya koovan solio le ya pila dio kenɔnndo-o.

1Samiɛl 25:26

I laalan maa Mɛlɛka pila kuuna nɔm le koovan solio ni, ndu kuuna nɔm le cɔlɔbaa le nɔm pila ni. Lelan te Mɛlɛka co yoomu, mí nɔm pila bɛɛ va yoomu, yaamɔaa nɔmnda a vanaa yeema dɛnɛ nɔm kɛndɔɔ le-a kpede a siŋnunnin maa Nabal.

Esekiɛl 25:12

Nuaa Maalii Hala dimi ni aa: «Le tùú Edɔmnda tosal cuawva Yuda dɛnnda vɔɔnndan le nda màá mingullo-o, le tùú nda yɔŋnun vanaa vɔɔnda má mingul yungoo Yuda màá-o,

1Samiɛl 26:10

Mí David dimi aa: «Te Mɛlɛka co yoomu, ndu Mɛlɛka pila co ndu lɔɔ ni. Te o hini a ba ndɔ mo vi le, mɛɛ o sɔlanin piɔ́mndo o cɔwvo nin.

1Samiɛl 26:11

Lelan màá Mɛlɛka cɛl lɔ́ɔ́-lɔ́ɔ̀ mì hol masa ndu Mɛlɛka pila pɔla-o baa le! N cua bál co ndu o bollen coo-o, a bɔlɔ ndɔ mamɛnndo, mì n kɔɛnnun.»

Yeremi 51:36

Lelan diom Mɛlɛka dimi a Yerusalɛm o kɔɔ-o co hoo ni aa: ‹I co isɔɔ le niaa, ya co màá mingi le niaa ni! I co mɛmma pee bɛndoo Babilɔn veeliaa, mì veesiaa soonnda ndala mamɛnndan.

Efɛsea 4:27

La yɔ̀ngù masa ɲinaa vɔɔnda fondaa le.

2Timote 4:14

Alɛksandre siɛɛkinɔɔ tosal-la dɛnnda vɔɔnndan taw. Mɛlɛka mingulnin ndu mɛɛ dɛnnda ndɔlan la co yɛ.