Rɔmnda 12:18 - BII BILA

¹⁸ Te kon nɔla pɛ tosan, te a niaa sɔɛi co ni, la kindin mì la va o kɔlɲuloo nin a vannda kpow.

Rɔmnda 12:18 Referans Kwoze

Hebreea 12:14

La kindin le vaa o kɔlɲuloo nin a vannda kpow, mì la va a diandaa. Kani te o co o dindinndo nin te, vana-vana cinin Maalii le.

Rɔmnda 14:19

Lelan, n nuwvian dɛnɛ luei kɔlɲuloo-o a dɛnɛ hivi naa laci vellaa-velle o laalanndo nin-ndo.

Matie 5:9

Dɛnɛ kɛndɔɔ co le vanaa yɔngu kɔlɲuloo-a, kani a sɔlanin veeloo aa cuavaa Hala-a.

2Korɛntea 13:11

Sisa yɛ puapilɛa nia, la lɔl kɛndɛ! La handu kɔltan o baala kɛndɔɔ coo, mì la lueinan yoomuan vellaa-velle, mì la va o kɔlɲuloo nin. O kon Hala nɔ kaolaa a kɔlɲuloo o ba-o vanin niaa ikɛi.

Kalatea 5:22

Kɛ kulii Kɔl-Diandaa koam-nde co kaolaa, ɲaaloo, kɔlɲuloo, biuvɔnndo, vanakɛndɛyɛi, kɛndɛi, lou o diomnden coo,

Marke 9:50

Ɲɛ kɛndɔɔ hɛlle co ni, kɛ te yeelaa fulan pɛ o hɛlle, a yɛɛ niaa mingi yɛnin ndi yeeliaa? La nɔ́ hɛlle niaa nin, mì la va o kɔlɲuloo nin vellaa-velle.»

Talelan 12:20

Kafalan kposon la co vanaa yɔŋ vɔɔnda o kɔl ni. Kɛ ɲaaloo co le vanaa sila vannda le nda kɔlɲuloo-a.

1Piɛr 3:11

O bɛnda mò kpakpala dɛnɛ vɔɔndo, mò tosa o kɛndɔɔ, mò nuwviaa dɛnɛ kɛndɔɔ, mò tol ndu kɔɔli.

2Timote 2:22

Màl yeemɛi ifelengiyɛi, mà nuwviaa dɛnɛ sandaa a laalanndo, a kaolaa a á kɔlɲuloo niaa vanaa co Mɛlɛka biiloo a kɔl diandaa-a latulu.

Rɔmnda 14:17

Kani masale Hala len le co dɛnɛ ɲɛdiaa te kon te dɛnɛ kolaa le, kɛ dɛnɛ sandaa, kɔlɲuloo a ɲaaloo dɔwnɔnndo, o Kɔl-Diandaa yɔngu vana-o.

Condii lisai 34:14

mɛɛ o manda diɛɛmule ndɔlen a sɔɔn vɔɔnndon, mò manda cɔcɔn ndɔn a sɔɔn lacòòvan.

1Tesalonikea 5:13

La ke nda bɛɛlen mì la kaola nda le baala nda co tosaa-o. Kɔlɲuloo vá niaa pilaa tɛɛn.

Efɛsea 4:3

La kindin o nɛi oo nɛi coo mì la manda diom pilɛ Kɔl-Diandaa yɔnguo mɛɛ niaa sɔla veeloo o kɔlɲulu pilɔɔ nin yɛ.

Matie 5:5

Dɛnɛ kɛndɔɔ co le vanaa vi kɔltan-nda, kani a sɔlanin lɛŋnden kɛ́ɔ.

1Korɛntea 7:15

Kɛ nduyɛ, te vana laalan too yeema pɛ le kɔnndan, o kɔnnun. O dɛnɛ vaa lende nin, puapilɛ naa te kon te yema naa nɔ dí mò mal ndu. Kani Hala veelu naa haliko mi n va o kɔlɲuloo nin.

2Samiɛl 20:19

Kobi kɔlɲuloo a kobi lo o diomnden coo-o kobi naa co o lɛŋnde Israɛl-ten nin ni. Kɛ ndu nɔm yeema le tɛɛmbuuo ni. Kobi kon co o pilɛ o kobila Israɛlla kɛsi kɔllo coo lan tɛɛn. Le yɛɛ nɛ n yeema yɛ le kɛ́ Mɛlɛka-o tɛɛmbuuo?»

Talelan 3:30

Te vanndo tosal nɔm dɛnɛ vɔɔn te, núwviàà sɔngɔɔ ndu o n'dial fondo fúú le.

Matie 5:24

mɛɛ mɛi-yɔ sálà nɔm kon o fonda-loamaa-lasálàá hɔl-ndɔ, mà kɔ toosiaa sɔɛi co nɔm ken tɛɛn niaa puapilɛ nɔm kon-nde. O kon kɔɔli, a hun soli niko sálà nɔmndo.

Rɔmnda 1:15

Lelan yeemɛi co ya taw le niaa co Rɔm-nda Yoongu kɛndɔɔ tiiyallo.

O Kandɔɔ 21:24

Mí Abraham mulul ndu aa: «I mɛnan po!»

Masaa kialaa n'yamaa 11:14

Mí Yɛfte viam vɛlɛ kiilaa o masa Amɔnnda lo,