Rɔmnda 12:17 - BII BILA

¹⁷ La mingul vana-vana dɛnɛ vɔɔndo a dɛnɛ vɔɔndo le. La kindin mì la va dɛnɛ kɛndɔɔ tosaa vannda kpow o hɔl.

Rɔmnda 12:17 Referans Kwoze

Talelan 20:22

Dimi le aa: «I mingi vɔ màá dɛnɛ vɔɔndo». Tiindan Mɛlɛka, mò baŋa nɔm.

1Tesalonikea 5:15

La kindín, vana-vana mìngì dɛnɛ vɔɔndo a dɛnɛ vɔɔndo le, kɛ la vá dɛnɛ kɛndɔɔ tosaa niaa pilaa tɛɛn lɔ́ɔ́-lɔ́ɔ̀, mì la vá ndu vɛlɛ tosaa a vanaa celen.

Matie 5:39

Kɛ ya, i co niaa dimul: la simul vanaa kɔlvesɛiya le. Te vanndo lɔɔ pɛ nɔm kpaŋii ba kɛndɛi, mulul ndu vɛlɛ kpaŋnde pilɛi.

1Piɛr 3:9

La mingì maa dɛnɛ vɔɔndo le, la mingì yeiyo le. Kɛ o niaa bɛnda le tosaa-o co duaa dɔvɔɔ ni, kani le ken niaa sɔla veeloo ni, haliko mi la loo duaa.

Rɔmnda 12:19

Niaa vanaa hɛnan ya-a, niaa pila mingi màá dɛnɛ vɔɔndo le, kɛ la mel kɔltuw Hala-o fondaa, kani o co o sɛvaa aa: «Ya co vana mingia maa ni, ya salanin vana-vana ni.» Mɛlɛka dimi lende ni.

1Piɛr 3:16

Kɛ la tosa kon o fɛ́ɛ́-fɛ́ɛ́o nin a o tuisinndo nin. La nɔ yiyannda kɛndɛlan, haliko o va bɛɛ o fondala nda co niaa congòó lan, mì siɛmbulan la bii vanaa co niaa diolan tɛɛmbuuo le kela niaa kɛndɔɔ-a.

1Tesalonikea 5:22

La mandán le dɛnnda vɔɔnndan kpow.

1Piɛr 2:12

La nɔ kela kɛndɔɔ vanaa co vanaa laalan te-a tɛɛn, haliko a ɲiinduu niaa bɛɛ còòlan coo maa vanaa tosaa dɛnnda vɔɔn, mà ce dɛnnda kɛndɛla niaalan, mà biilu Hala paale o hunnin-nden.

Kolɔsea 4:5

La kela a taasi a vanaa co vanaa laalan te-a. La mal telen oo telen hiovɔɔ le.

Rɔmnda 14:16

La cɛl mì vannda dimi sɔɔn vɔɔnndon a ɲɛ niaa yiyan maa o naŋ-ndo o kɔɔ le.

1Timote 5:14

Lelan, i yeema mì cuavaa laandua felengia piaandaa ndaa vi-a cal o nɔla celen, mà sɔla cuawva, mà bii yungule ndalen, yɔŋii yaamɔɔa sɔla nɛiyo le sɔɔn vɔɔnndon dimio a naa o kɔɔ.

1Tesalonikea 4:12

O kon, vanaa co vanaa laalan te-a kenin niaa bɛɛlen, la venin o ba vana bɛngu le.

O Kandɔɔ 42:25

Mó dimul vannda le maalon peiyo o bɔlɔla ndalan nin cá-cá, le volin vana-vana mingio vowvo o bɔlɔ ndɔɔ nin a le nda ɲɛdiaa yɔngoo le keiyo dioo nɛi-tɛɛn. Mà tosal nda lende.

1Samiɛl 26:11

Lelan màá Mɛlɛka cɛl lɔ́ɔ́-lɔ́ɔ̀ mì hol masa ndu Mɛlɛka pila pɔla-o baa le! N cua bál co ndu o bollen coo-o, a bɔlɔ ndɔ mamɛnndo, mì n kɔɛnnun.»

Talelan 24:29

Dimi le aa: «Mɛɛ mì tosal ndu ɲɛ ndu tosal-la-o, mì mingul ndu màá o puu ya-o.»

Matie 5:24

mɛɛ mɛi-yɔ sálà nɔm kon o fonda-loamaa-lasálàá hɔl-ndɔ, mà kɔ toosiaa sɔɛi co nɔm ken tɛɛn niaa puapilɛ nɔm kon-nde. O kon kɔɔli, a hun soli niko sálà nɔmndo.

Ruti 3:14

Mí Ruti lo ihini Boas o pelon bɛngu. Ɲɔɔ va vɔ mɔmìì, vanáà sina vɔ vana le, mí ndu Ruti fula. Kani Boas ndóò yeema mì vana ndóò sina maa cua kon ndóò kɔɛ o kpele lɔaa n'mal kon nin te.