Rɔmnda 12:16 - BII BILA

¹⁶ La kela kela kɛndɔɔ niaa pila tɛɛn vellaa-velle. La va vanaa kuundian te, kɛ la tosa dɛnndan kpow o tuisinndo nin. Niaa pila cannun vanaa kɔlkalu le.

Rɔmnda 12:16 Referans Kwoze

1Piɛr 3:8

O mɛɛlulan, la nɔ yiyan pilɔɔ a ɲííye. Kaolaa va o piaa niaa o lakɔl le puapilɛa niaa, la nɔ kɛndɛi a tuisinndo.

Talelan 3:7

Nɔm pila cánnùn vana kɔlkalu le, kɛ nɔ siòòŋii Mɛlɛka-e mà kpakpala dɛnɛ vɔɔndo.

Hebreea 13:5

La káolà volion mò hiow ɲɛ-ɲɛ fee le, kɛ la hinì kɔl a ɲɛm niaa nɔ-on. Kani Hala pila dimi aa: «I kɛɛnin nɔm te, i melnin nɔm te.»

Esai 5:21

Dɛnɛ palaa co vɛlɛ le vanaa cennun nda pila vanaa kɔlkalua a vanaa sinaa dɛnɛ-a!

Rɔmnda 15:5

Màá Hala ke vana biuvɔnndo mò ɲɔɔlu vana-o ke niaa kɔl pilɔɔ vellaa-velle le vaa velan Yeesu Krista-o,

Rɔmnda 12:3

Le kɛndɛi Hala tosal-la-e, i co niaa dimul maa la cannun niaa pila ɲɛ mò hiow mɛɛ niaa co yɛ le, kɛ la tuisin mì vana-vana cennun mɛɛ o co yɛ, maa mɛɛ Hala ke vana-vana laalanndo yɛ.

1Korɛntea 3:18

Vana-vana huinun ndu pila le. Te vana pum o niaa tɛɛn yiyan pɛ maa o nɔ kɔlkalu ivanacieeyaa, mɛɛ o siŋnun diɔmndo mò sɔla kɔlkalu kpeekpeiyo.

2Korɛntea 13:11

Sisa yɛ puapilɛa nia, la lɔl kɛndɛ! La handu kɔltan o baala kɛndɔɔ coo, mì la lueinan yoomuan vellaa-velle, mì la va o kɔlɲuloo nin. O kon Hala nɔ kaolaa a kɔlɲuloo o ba-o vanin niaa ikɛi.

Rɔmnda 11:25

Puapilɛa nia, i yeema mì la pɔw dɛnɛ kɔndɔfillo ho le, yɔŋii niaa pila cɔnnun vanaa kɔlkalu. Israɛlla pum a lonin nila kalulan tosaa háá mì vanaa sina Hala le-a kpow a muungu Hala o ibuŋ.

Luke 14:13

Kɛ taa va pɛ vannda ɲɛdiaa kafoo keo, a veelu vanaa bala fondoa, namtaa, vanaa bɛvɛiya a vanaa sumɛiya.

Talelan 26:12

A ce nin vana cennun ndu pila vana kɔlkaloo-o? O co fisa ma tiindan diɔm sondo vesɛiyo a vana vaa lende kɔllo kɛsio coo.

1Korɛntea 8:2

Te vanndo yiyan pɛ maa o sínà dɛnɛ, mɛɛ o sínà vɔ mɛɛ o bɛnda le sinaa yɛ le.

1Korɛntea 6:5

Sɔɛi ya co hee dimi-e i co bɔɔ sɔɛi lasiɛmbu le niaa. Vɛ̀ɛ̀ vana pum co niaa tɛɛn, o nɔ kɔlkaloo, mò tiwba yaman kiolɔɔ puapilɛa ndɔa tɛɛn te?

Yeremi 45:5

O co vɔ bɛɛ dɛnɛ kɛndɛ n co yeemaa le nɔm pila-o le. Kɔl kɔa nɔm lon te. Kani dɛnɛ palaa ya cuunin-ndo vanin le ɲaa yoomaa kpede. Kɛ nɔm, ba-ba n kɔɛ pɛ, i mɛinin nɔm yoomu.›» Mɛlɛka dimi lende ni.

Filipea 4:2

I co Evodi nda Sɛntis ɲɔɔlu le yiyan pilɛ nda nɔ o Maalii nin-ndo.

1Korɛntea 4:10

Diɔmnda naa n co le Krista ni, kɛ niaa niaa, vanaa kɔlkalua pila niaa co o ndu nin ni. N nɔ mayoomu le, kɛ niaa la nɔ yoomuan. N nɔ lebɛɛ le, kɛ niaa la nɔ bɛɛlen.

Luke 6:20

Yeesu keeliaa kaandeŋaa ndɔa hɔlten coo, mó dimi aa: «Dɛnɛ kɛndɔɔ co le niaa vanaa bala fondoa, kani masale Hala len le co le niaa.

Matie 26:11

Kani la nɔnin vanaa bala fondoa lɔ́ɔ́-lɔ́ɔ̀ niaa tɛɛn. Kɛ ya ya, la nɔ́nìn ya lɔ́ɔ́-lɔ́ɔ̀ niaa tɛɛn te.

Matie 11:5

vanaa sumɛiya co cɔu, vanaa bɛvɛiya co cɔnɔnndo mà va kelaa, vanaa nàà siaŋaa co siongɔɔ, vanaa nila baŋulɛiya co tueyɔɔ, vanvílɛ́iya co muungoo yoomu, Yoongu Kɛndɔɔ co vanaa bala fondoa tiiyalanndo.

1Piɛr 5:3

Ò va le kunda nda sɔɔ niaa o ba-o masalen tosaa coo a paa-kala le, kɛ le vaa tɔɔmasele kɛndɔɔ le nda.

Filipea 3:16

Telen naa n tiiya vɔ hoo-o, n kɔnnun diom pilɛ.

Filipea 1:27

Kɛ la kela mɛɛ Yoongu kɛndɛ Krista-o co yɛ. O kon, i kɔ o niaa lo, i kɔa le, i co tueyɔɔ maa la co yili o yiyan pilɔɔ nin, mì la va Yoongu kɛndɔɔ cɛwcɛwvo a laalan pilɔɔ.

1Korɛntea 1:10

Puapilɛa nia, i co niaa tɛɛlɔn o diola Maalii naa Yeesu Krista lan, la va diom pilɛ, sɛyan va niaa tɛɛn te. Niaa kpow, la nɔ kɔl pilɔɔ a yiyan pilɔɔ.

Dɛnnda kiilaa 4:32

Nda kpow aa nɔ kɔl pilɔɔ a yiyan pilɔɔ. Vana-vana ve dimi le maa le ndu pila ɲɛm ndɔn co ni, kɛ le nda kpow ɲɛ vana-vana va ni.

Yeremi 32:39

I yɔngunin nda kɔl pilɔɔ a yiyan pilɔɔ, haliko ma vo ya lɔ́ɔ́-lɔ́ɔ̀ le mɛɛ nda sɔla dɛnɛ kɛndɔɔ le nda pila a le cuavaa ndaa nda a makɔɔ yɛ.

Talelan 19:22

Ɲɛ vana yeema vanacieo o ba-o co lou o diomnden coo ni. Vana bala fondoo co fisa a vana lacòòvaa.

Talelan 19:17

Vana ke pɛ vana bala fondoo ɲɛ, mɛɛ Mɛlɛka o dɔnda ni. Nduyɛ Mɛlɛka salanin dɔndɔ kon.

Talelan 19:7

Vana bala fondoo ndu, hali bɛndaa ndɔa, te kon te pɔmbɔa ndɔa mò nɛinun nda. Caaŋaa ndɔa bɛɛ mà faaŋian ndu. O yeema bɛɛ le sɔɛi o nda lo, o ci lɛ nda le.

SƐBƐ YƆB-O 36:5

Vana kpaayaa Hala co ni, o kɛɛ vana-vana le. Vana kpaayaa o co ni, o kelu pɛ isɔɔ vana kpeeŋiaa le.

2Dɛnnda lemasalan 30:12

O tàndá Yuda-o nin vɛlɛ, mí Hala tosa ɲɛ vannda o lakɔl, mí nda kpow a cɛl ɲɛ ndu Mɛlɛka sɔɔ masaa a vanaa bɛndua va ndu o ba bɛngu-a o lasondo le nda dimullo-o.

3Nsaŋ 1:9

I sɛval kunda vanaa laalannda sɛbɔɔ, kɛ Diotrɛf yeema simlacilen-ndo ci bɛɛ sɔɛi nii ɲɛ-ɲɛ le.

Rɔmnda 6:2

Kɛì-kɛì bɛɛ! Naa n vi nin a ba hakio-a, vɛ̀ɛ̀ naa n muungu yɛnin vɛlɛ mì va o hakio nin?

Talelan 17:5

Vana mam pɛ vana bala fondoo, mɛɛ vana cɔw ndu-o o tɛɛndan ni. Vana mam pɛ caanda le dɛnɛ palaa co nda coo-o, dɛnɛ palaa toalnin vana kon coo le ken.

Talelan 26:5

Múlúl diɔm sondo vesɛiyo mɛɛ diɔmii ndɔɛi co yɛ, yɔŋii o yiyan maa ndu bɛɛ kendu kɔl.

Rɔmnda 11:20

Toɲaa ken ndi co ni. Le laalan nda lepɛŋndo n sɔla kilio ni, mì nɔm va o holaa le laalanndo. Lelan kuundian te, kɛ siòònde va nɔm,