Rɔmnda 12:13 - BII BILA

¹³ La sɔɔnguu vanaa laalaŋaa co o balahavɛilan nin-nda ikɛi. La kindin le mialla biyɔɔ a ɲaaloo.

Rɔmnda 12:13 Referans Kwoze

Hebreea 13:16

La pɔɛɛnun kɛndɛi tosaa a maalianndo vellaa-velle le, kani sálàla vaa lende la hɛnan Hala ni.

2Korɛntea 9:12

Kani baala niaa co kon tosaa le vannda ɲɔɔn kew-vo, o co ko balahavɛila vanaa diandaa daama le o nɛŋi le, kɛ o co tosaa mì vanaa bɔɔ-bɔɔ a va Hala balikaa mello.

1Nsaŋ 3:17

Te vanndo nɔ pɛ ɲɛm ceenndon o ba, mo ce puapilɛ ndɔɔ o bahavɛiyo nin, mò kindal ndu kɔl ndɔɔ, vɛ̀ɛ̀ o dimi yɛ o kon maa o kaola Hala?

Hebreea 6:10

Hala co vana kɛɛ isandu le. O pɔɛɛnun ɲɛ niaa co tosaa-o a kaola niaa cɔm le ndu le, o pɔɛɛnun kpekula niaa co vanaa Hala-a solio lan te.

1Piɛr 4:9

La va vanaa bii mialla-a vellaa-velle, o va a sɔɔn pɔmbɔ le.

Kalatea 6:10

Lelan, telen naa n nɔ vɔ fondaa-o, n tosalan vannda kpow dɛnɛ kɛndɔɔ, kɛ taama-taama puapilɛa naa vanaa laalannda.

Hebreea 13:2

La pɔɛɛnun le mialla biyɔɔ le, kani o mialla biyɔɔ vanaa pum a yiya mɛlɛkaa ni, a ve sina le.

1Timote 3:2

Simlacinɔ vanaa laalannda bɛnda mò va vana yaalan too, o bɛnda mò nɔ lanɔɔ ndu pilɛ kpé, mo va vana tosa sɔɔn tùúlen-ndo, vana taasio, vana bii kɔl ndɔɔ-o, mo va vana caa mialla biyɔɔ-o, mo tiwba pɛɛkoo,

1Timote 5:10

mò nɔ tɔ́ɔ́ kɛndɔɔ le dɛnnda kɛndɛla ndɔlan, mò va vana caa cuavaa ndɔa biyɔɔ-o, mò va vana caa mialla biyɔɔ-o, mò va vanaa diandaa pelon pulɔɔ, mò va vanaa sangaa co coo-a malaa, mò kindin le dɛnnda kɛndɛlan kpow tosaa.

Matie 25:35

Kani mɛɛ yiaan ma nɛi ya, mí la ke ya ɲɛdiaa. Mɛɛ kolɔɔ bii ya, mí la ke ya mí kol. I va miallo, mí la yiya ya.

Filemɔn 1:7

Puapilɛ nuu, i dɔwnun ɲaale taw mí sɔla yoomuan a kaola nɔmndo, kani a tosa mí vanaa laalannda ɲulul kɔltan.

Tite 1:8

Kɛ mò va vana caa mialla biyɔɔ-o, vana yeema dɛnɛ kɛndɔɔ tosaa-o. Mɛɛ mò va vɛlɛ vana kɔlkaloo, vana sandaa, vana dendu Hala o hɔl-lo a vana tiwba kɔl ndɔɔ biyɔɔ-o.

2Korɛntea 9:1

Hali mì sɛval niaa sɛbɛ le malaa biyɔɔ le vanaa diandaa Yuda yoo le.

Dɛnnda kiilaa 10:4

Mí Kɔrnɛil tofa ndu ciŋ a siòònde, mó ɲuna aa: «Yɛɛ nɛ Maalii?» Mí mɛlɛkanɔɔ mulul ndu aa: «Mɛlɛka tuei piɛile nɔmnden, o naŋ kɔl a kɛndɛi n tosal vanaa bala fondoa-e. O pɔɛɛnun a nɔm te.

Dɛnnda kiilaa 4:35

má va kiilaa mun yɔngoo. Mí nda nda va vannda mun piɔwvo mɛɛ vana-vana ndóò nɔ makoo yɛ.

1Korɛntea 16:15

Puapilɛa nia, la sínà maa yungu Stefanas-o yɔŋnun vanaa laalaŋa tasea Akaii ni, má va vanaa diandaa baalaa tosallo. Lelan i co niaa yoomuan luei,

Rɔmnda 12:8

Vana nɔ vallo le vannda yoomuan lueiyo-o, ndu luei vannda yoomuan. Vana nɔ vallo le kɛndɛi tosaa-o, ndu tosa kɛndɛi. Vana nɔ vllo le vannda simndan lacio, ndu tosa baala kon a dialun fulan, mì vana nɔ vallo le vannda ɲííye tuinɔnndo-o ndu tuinun vannda iɲíí a kɔlkɛndɔɔ.

Condii lisai 41:1

Condii David-e, í fula o condun simlacinɔ vanaa n'condua nin-nde.

2Samiɛl 17:29

lɛan, nɔnɔɔ hilihilio, saa a visin nawvon le dioo. Kani nuaa vanaa ke nda ɲɛm mun-nda nda dimin o kɔl ni: «Vannda ha yɔkpa bɔɔ. A sanga a yiaan a á bolola vesɛilan o lɛŋnde veselɛilen nin.»

2Masaa 4:10

Lelan n tangul cɛi pɔmbɔɔ coocoo, mì n lueilu ndu kpeloo, tabalio, kpɛŋɔɔ a ɲɛ kɛsiaa lafitinaa lenin. O kon, lɔ́ɔ́-lɔ́ɔ̀ o kei nin pɛ o naa lo nanu, o va lon o yiya.»

Talelan 31:20

O timbì ba ndɔɔ le vanaa ikɔɔa malaa, mò siɛndi baa le vanaa bala fondoa ɲɛ ke.

Tite 3:14

Mɛɛ mì vanaa naa bɛɛ a pɛɛku, mà yɔngun le dɛnnda kɛndɛlan tosaa, mà malà vanaa co o balahavɛilan nin-nda, yɔŋii nda kɛɛ mako nɛŋi.

3Nsaŋ 1:5

Caan ni ya kaola-o, dɛnɛ kɛndɛ bɛndoo pila n tosa le puapilɛa ni, taama-taama a co mialla-a.