Rɔmnda 11:9 - BII BILA

⁹ Mí David bɛɛ dimi aa: «Màá ɲɛdiaa nda kafoo siŋnun yaŋɔɔlen le nda, yala nda haw nin mà del-lo pɛɛn. Màá a sɔla sangaa le tɛɛmbuula ndalan.

Rɔmnda 11:9 Referans Kwoze

Condii lisai 28:4

Mingul nda mɛɛ kela ndaa co yɛ, bii nda mɛɛ dɛnnda nda vɔɔnndan la co yɛ. A toɲa, tosal nda mɛɛ dɛnnda ndalan la co yɛ, ma mingul nda ɲɛ nda tosa-o.

Hebreea 2:2

Mí sɔɛi Hala ndóò dimi sindɛ a sondo mɛlɛkaa-e cɔmnun kpendekele, vannda pum ndáà luei ndi yii le, a bii ndi le, má sɔla sanga ndáà bɛnda le sɔlaa-o.

Luke 12:20

Kɛ mí Hala mulul ndu aa: ‹Diɔmndo ho, cɔɛllɛn kpeekpei ya co yoomu nɔmndo hiɔlɔɔ ni, ɲɛm n bɛɛndiaa mun-ndon, nɛ̀ɛ́-nɛ̀ n co yɛ mun mel?›»

Esai 66:9

Vɛ̀ɛ̀ mì timbi (vanalanɔɔ) demboo le violɔɔ, mì kuuna ndu vɛlɛ le hɔ́ɔ́ kon violɔɔ? Mɛlɛka ɲuna nuaa ni. Ya tosa ni mì (vanalanɔɔ) velu, vɛ̀ɛ̀ mì yii vɛlɛ ndu pulei mò bumba le violɔɔ? Hala nɔmndo ɲuna nuaa ni.

Esai 59:18

O mingulnin vana-vana mɛɛ o tosa dɛnndan yɛ. O mingulnin vanaa simul ndu-a kɔltuwvo, mò yɔngu yaamɔaa ndɔa ɲɛ nda bɛnda le sɔlaa-o. O salanin lɛŋii co o mɛnndan kɔngɔ-e mɛɛ dɛnnda ndalan la yɔŋnun yɛ.

Talelan 1:32

Kani kɛɛ vannda kɛ̀ɛ̀ dɛnɔɔ bilaa biyɔɔ-o tósà ni mà vi. Diɔmnde dɔaw diɔmnda yɛɛvɛ ni.

Tɔŋ miingua 32:35

Ya co vana mingiaa màá ni, ya sala vanndo le ɲɛ o tosa-o ni. Tuma nda boŋnin-ndo, ya saalanin nda ni. Kani paale dɛnɛ palaalen le co nin le tiiyaa nda coo. Dɛnɛ palaa kelun le nda-o tamalanin le tolɔɔ nda coo le.

Matie 16:23

Kɛ mí Yeesu mulin, mó dimul Piɛr aa: «Faŋan ya kɔɔli, Setana! A yeema mà luei ya o pɔwlan nin, o co yiyannda Hala le n nɔ lan te, yiyannda vanndacieea kposon n nɔ ni.»

Rɔmnda 14:13

Lelan n pɛngin yaman kiolɔɔ naa pila tɛɛn. La kindin, kɛ la hendul lɛ puapilɛa niaa pow boŋaa, te kon te ɲɛ luei nda o pɔwlan nin-ndo laci le.

SƐBƐ YƆB-O 18:10

Yoole o co hunɔɔ haw len le co levianaalen o puuloo bɛngu, yaŋɔɔlen le co lemiinguaalen o nɛi ndɔɔ coo.