Rɔmnda 11:8 - BII BILA

⁸ maa mɛɛ o sɛvan yɛ aa: «Háá paalen nden haw, Hala yɔngu nda dialun vílɛ́in bɛndu-bɛndon, mó suumiaa nda yɔŋii nda cɔ, mó kindi nda nilan yɔŋii nda tuei.»

Rɔmnda 11:8 Referans Kwoze

Tɔŋ miingua 29:4

Ya Mɛlɛka, mí sim niaa laci le kɔlan o lɛŋnde veselɛilen nin o vɔsilan belehiɔɔlu bɛngu, volɔɔla cuɛinannda niaalan la siɔŋ niaa lekɔɔ le, samtala niaalan bɛɛ la siɔŋ niaa o n'pelu le.

Esai 29:10

Kani Mɛlɛka cucu kɔl dialun vílɛ́i bɛndoo niaa coo, o kinda hɔlta niaalan (niaa vanaa-tɛɛngaa-diom Hala-a), o kumbu bolii niɛi (niaa vanaa sina siɔdii lacio-a).

Esekiɛl 12:2

«Po vanacieo sei, o vanaa nila kalua tɛɛn n co icali nuaa ni. Vanaa kan nɔ hɔltan, kɛ a ci le, a nɔ nilan, kɛ a tui le, kani vanaa nila kalua nda co ni.

Luke 8:10

Mó mulul nda aa: «Niaa niaa, la sina sɔɔn viannaŋun masale Hala len. Kɛ vanaa celen yɛ, n dimulun nda o talelan nin haliko: a va tofaa, kɛ a ca le, a va tueyɔɔ, kɛ a bii bila le.»

Yeremi 5:21

Niaa vanaa kindu haa lakɔl te-a, niaa vanaa nɔ lakɔl niŋ te-a, la yaŋ nilan! La nɔ hɔltan, kɛ la ci a lan te. La nɔ nilan, kɛ la tui a lan te.›

Dɛnnda kiilaa 28:26

mó dimi aa: ‹Kɔ dimul vannda ha aa: La tuɛinin ɲɛkɛndɛi, kɛ la biinin bila le, la tofanin, kɛ la cinin te.

Esai 6:9

Mó dimul-la aa: «Mɛɛ kɔ mà kɔ dimul vannda ha aa: ‹La tuɛinin taw, kɛ la biinin bila le, la canin, kɛ la sinanin pɛɛngu le.›

2Masaa 17:41

Mí vanaa-mangalaa-isɔaa kan a va Mɛlɛka biiloo a piɔmaa ndaa sooloo. Háá paalen nden, ɲɛ pilɛ fuɲaa ndaa va tosaa-o koni poaa ndaa a poaa ndaa imamaa co vɔ tosaa ni.

2Masaa 17:34

Háá paalen nden, a connun-ndɔ o naamula ndala paandulan nin tuŋ. A nɔ siòòŋii Mɛlɛka le, a co kela o silala ndalan coo kpeekpei le, a co vɛlɛ kela o tɔŋndan a o silala Mɛlɛka yɔngu cuavaa Yakɔb-a lan coo le, Yakɔb ndóò ke diolan aa Israɛl-lo pɛɛn.

Esekiɛl 20:26

Mí nɔɔliaa nda a ɲɛm kean ndan, telen nda va poaa ndaa tasea a cɔlua piaandua tasea kpow keiyo o yinnden nin-ndo. Lende yáà yeema le nda mɔnɛi lueiyo ni, haliko mi yáà cɔm nda maa ya co Mɛlɛka ni.