Rɔmnda 11:32 - BII BILA

³² Kani Hala tosa mí vanndacieea kpow a luɛi o nila kalulan nin, haliko mo tuinun nda kpow iɲíí.

Rɔmnda 11:32 Referans Kwoze

Kalatea 3:22

Kɛ mí Sɛbɛ Hala-o cɔm naa maa o kpaaya hakio bɛngu ceendo kpede co ni. Ken yɔŋ ni, mí kpema Hala yii kon-ndo peelun le vanaa laalannda, le laalan nda laalan Yeesu Krista-o.

Rɔmnda 3:9

Kpo! Mò va maa naa Yuifia n hiow caanda ni? Kɛì-kɛì bɛɛ! Kani n cii nihaw cɔm maa vanndacieea kpede, vana va Yuifinɔ, vana va vana súú celen, o kpaaya hakio bɛngu naa n co ni.

Rɔmnda 3:22

Hala ke vanndacieea kpow dɛnɛ sandaa ndɔɔ le laalan nda laalan Yeesu Krista-o, hɛli co le.

Nsaŋ 12:32

Ya yɛ, telen ya sɔlanin heeloo faŋanndo o lɛŋnden coo-o, i tosanin mì vanndacieea kpow a muli hɔlla o ya lo.»

Nsaŋ 1:7

Maa sei o hin ni, le seilen timbio a ɲɛ-tengaa kon o kɔɔ, haliko mi vannda kpow a laalan ndu.

Rɔmnda 5:19

Le sɔɛi biyɛi lepɛŋii vanndo ndu pilɛ, mí vanaa bɔɔ-bɔɔ a siŋnun vanaa lahakia. Lende vɛlɛ koni, le sɔɛi biyɛi vanndo ndu pilɛ, mí vanaa bɔɔ-bɔɔ a siŋnun vanaa sandaa Hala o hɔl.

Rɔmnda 11:31

Lende koni, a kɛɛ Hala diom sunsun haliko mi Hala tuinun niaa iɲíí, kɛ haliko mi nda bɛɛ sɔla ɲíí Hala-e tuinɔnndo.

Kalatea 3:23

Lɔ́ɔ́ pá mí telen laalanndo hun tiiya, maa vanaa kaaso náà n va a biyaa o tɔŋndo bɛngu ni. Mɛɛ mì náà n cum telen Hala va naa laalanndo cɔm-ndo.