Rɔmnda 11:25 - BII BILA

²⁵ Puapilɛa nia, i yeema mì la pɔw dɛnɛ kɔndɔfillo ho le, yɔŋii niaa pila cɔnnun vanaa kɔlkalu. Israɛlla pum a lonin nila kalulan tosaa háá mì vanaa sina Hala le-a kpow a muungu Hala o ibuŋ.

Rɔmnda 11:25 Referans Kwoze

Luke 21:24

A diwnin nda a mɔɛi cɔwve, a kɔanin a vanaa tɔ̀a, mà mal nda o kaasolan o lɛŋii vanaa-mangalaa-isɔɔa nin. Yerusalɛm delnin vanaa sina Hala le-a o ba, mà nɛw ndu, háá mì telen kelun le nda-o cuu.»

Rɔmnda 16:25

N candun Hala! Ó nɔ kpaayaa le niaa yoomuan lueiyo o laalanndo nin-ndo, maa mɛɛ Yoongu kɛndɛ ya cuu niaa-o a sɔɛi Yeesu Krista ya tiiyal niaa-e co yɛ, a mɛɛ sɔɛi vianaŋii naa n sɔla Hala o ba-e i co yɛ. O Yoongu kɛndɛ kon nin Hala co kaamaa co o viannanndo kabi masindɛ-o cɔmndo ni.

Rɔmnda 12:16

La kela kela kɛndɔɔ niaa pila tɛɛn vellaa-velle. La va vanaa kuundian te, kɛ la tosa dɛnndan kpow o tuisinndo nin. Niaa pila cannun vanaa kɔlkalu le.

Dɛnnda cɔɔmuanndan 10:7

maa palɛi nda tuɛinin mì mɛlɛkanɔ ŋɔmmɛwndɔɔ kanndu buloo hɔŋndo-e, dɛnɛ kaamaa Hala-o peelunnin, maa mɛɛ ndóò dimul vanaa ndɔa baalaa yɛ, vanaa-tɛɛngaa-diom Hala-a pɛɛn.

Dɛnnda cɔɔmuanndan 7:9

O kon kɔɔli, mí tofa, mí ca sɛ́lɛ́ bɛndu vanaa nɔla cɔm too, fulaa o lɛŋnde kpow nin, o polan kpow nin, o vannda súúlan kpow nin a o vanaa-mangalaa-isɔɔa súúlan kpow nin. A va isisi o kpɛŋɛ lemasaa hɔl-ndɔ a Saa téndóó laci, domala bɛndula humbulan la va nda lekɔɔ, mí siɔ̀ɔ́lan la va nda o laba.

Efɛsea 3:9

haliko mi cɔm vannda kpow kɔlɔ dɛnɛ viannan kon. Hala, o cɔw ɲɔɔn kpow-vo ven dɛnɛ kon kabi paandu ni.

Condii lisai 22:27

Vanaa bala fondoa dianin mà pim, vanaa co Mɛlɛka nuwviaa-a sangalanin ndu. Màá la viow yoomu!

Dɛnnda cɔɔmuanndan 11:15

Mí mɛlɛkanɔ ŋɔmmɛwndɔɔ hɔŋ buloo. Mí diomnda bɛndulan la soaa o halataala aa: «Le Mɛlɛka naa a vana ndɔ o pɔla-o masalen o ceendo coo le co nin ni, o tosanin masalen le fɛɛn a fɛɛn!»

2Piɛr 3:8

Kɛ dɛnɛ pilɛ co, o niaa bɛnda le pɔɛɛnɔn too, caaŋaa nia: Mɛlɛka o hɔl, paalen ten pilɛ le co macoaa maa vɔsilan vàá pilɛ, mì vɔsilan vàá pilɛ la va maa paalen ten pilɛ.

1Korɛntea 10:1

Puapilɛa nia, i yeema mì la pɔɛɛnun te maa fuɲaa naa mamaa kei o tindilen bɛngu, mí nda kpow taŋ mɛmma ihɛllan.

Rɔmnda 1:13

Puapilɛa nia, i yeema mì la sina maa i co kɔngɔlanndo lɔ́ɔ́-lɔ́ɔ̀ le niaa kɔlan yilɔɔ (kɛ háá hau, i sɔlan-ndɔ ba le), haliko mi niaa bɛɛ sɔla vannda pum o niaa lo, mɛɛ ya sɔla nda vanaa-mangalaa-isɔaa tɔ̀a tɛɛn yɛ.

Osee 14:9

Éé niaa cuavaa-imamaa Efraim-nda! Kpeku yɛɛ nɛ ya nɔ yɛ vɛlɛ a piɔmnda? Ya, i mululnin niaa mì landu niaa hɔlla coo. Maa yɔm siprɛs puiyaa ya vanin le niaa ni, ya o ba kɔmnde niaalen le vanin fulaa ni.

Esai 5:21

Dɛnɛ palaa co vɛlɛ le vanaa cennun nda pila vanaa kɔlkalua a vanaa sinaa dɛnɛ-a!

Condii lisai 72:17

Màá diola masaa la va le fɛɛn a fɛɛn! Màá la hiow laci maa lepala! Màá vannda va duaalan dɔavanndo a diola ndɔlan piɔlɔɔ! Màá vanaa-mangalaa-isɔɔa va dimio maa dɛnɛ kɛndɔɔ co le masaa!

1Korɛntea 12:1

Puapilɛa nia, i yeema mì la va o sínà lepɛŋndo nin a valta kɔltan o kɔɔ le.

Talelan 26:16

Vana siɛlɛiyo ca ko aa ndu hiow kɔlkaloo a vanaa kɔlkalua caa sɔɔn mulio-a a ŋɔmmɛw.

Talelan 26:12

A ce nin vana cennun ndu pila vana kɔlkaloo-o? O co fisa ma tiindan diɔm sondo vesɛiyo a vana vaa lende kɔllo kɛsio coo.

Condii lisai 127:1

Condii fula o condun Salomɔn-ndon nin-nde, condii vannda keì solio nɛi-tɛɛn o kɔlan-nde. Te o co mì Mɛlɛka baŋ cɛiyo le, mɛɛ sanga fondo fúú vanaa co ndu cɔvɔɔ-a co ni. Te o co mì Mɛlɛka kanda kobio le, mɛɛ sanganndo fúú vanaa co ndu kandaa-a co ni.

Condii lisai 107:43

Vana-vana nɔ pɛ kɔlkaloo, o canin dɛnnda lan, mò sina kaola Mɛlɛka nɔ le ndu-o.

Matie 13:11

Mí Yeesu mulul nda aa: «Niaa, la sɔla sinapɛngoo le dɛnnda viannanndan bilaa biyɔɔ a masale halataala len o kɔɔ, kɛ nda sɔla sinapɛngu vaa lende le.

Nsaŋ 10:16

I nɔ vɛlɛ saa celen, nda co vɔ o hèéo ho nin te, nda bɛɛ, mɛɛ mì hin a nda. A tuɛinin ya diom, kundaa ndu pilɛ kpé nda vanin ni, vana mandaa vɛlɛ ndu pilɛ kpé.

Rɔmnda 9:18

Lelan, vana o yeema pɛ le ɲííye tuinɔnndo, o tuinun ndu iɲíí, vana o yeema pɛ vɛlɛ le nilan kindio, o kindi ndu nilan.

Rɔmnda 11:12

Nduyɛ, te ceendo pɛl pɛ tɔnɔ o tɛɛmbuu ndaa nin, mí vanaa co N'Yuifi le-a pɛl tɔnɔ o delɔɔ ndaa nin, mɛɛ taa hun mangalan pɛ, tɔnɔ kon ndu hiawnin ba.

Rɔmnda 11:24

Te nɔm lɛvii va o yɔm yondoo-e sɔla pɛ kiolɔɔ, mà hol nɔm o yɔm nda tɔl-lo, vɛ̀ɛ̀ lɛvii yɔm nda tɔl-lo ndi pala yɛ mingi holɔɔ o yɔm i va-o?

1Korɛntea 2:7

Kɛ kɔlkalu Hala-o, kɔlkalu dɔaw vanndacieea kɔndɔfilio, o co o vianaa-o, o Hala ndóò cii nin hɛli le biilu naa lɔ́ɔ́ pá mí ceendo ho kandun-ndo.

1Korɛntea 4:1

Lelan mɛɛ mì la ce naa maa vanaa baalaa Krista-a a vanaa bɛnda maa cɔm sɔɔn vianaŋun Hala-on-nda.

Efɛsea 1:9

O cɔm naa sɔɛi vianaŋii ndóò yeema le tosaa-e, sɔɛi vianaŋii kɛndɛ-kɛndɛ ndóò tuu le tosaa o Krista nin-nde.

Efɛsea 4:18

a kɔlkalu ndaa laasian kan-nda. A nɔ ɲɛ-ɲɛ o cinda Hala yɔngu vana-o nin te, kani a sínà ɲɛ-ɲɛ le, a kendu bɔɔ nilan.

Dɛnnda cɔɔmuanndan 1:20

Loeon ŋɔmɛvun n ce ya o ba kɛndɔɔ-on a ɲɛla-kɛsiaa-lafitinala ŋɔmmɛwla n'sianilan, kɔlɔ ndɔ viannanndo co hoo ni: loeon ŋɔmmɛwvon, mun co mɛlɛkaa kundala ŋɔmmɛwla vanaa laalannda ni, ɲɛla-kɛsiaa-lafitinala ŋɔmmɛwlan yɛ, lan la co kundala ŋɔmmɛwla vanaa laalannda ni.›»