Rɔmnda 11:23 - BII BILA

²³ Vanaa kan yɛ, taa lo o nila kalulan nin te, a hun sɔlanin holɔɔ, kani Hala nɔ kpaaya o mingi nda holɔɔ-o.

Rɔmnda 11:23 Referans Kwoze

2Korɛntea 3:16

Kɛ vana muli pɛ hɔlla o Mɛlɛka lo, kola vaan-vaan kon faŋan.

Sakari 12:10

I cucunin kɔl ikɛndɔɔ a kɔl tɛɛlanndo polale David len a vanaa vanin icali Yerusalɛm-nda kpow coo. O kon, a mulinin hɔlla o ya lo mà tofa ya, le vana nda buli lungbuei-yo. A caŋnin le ndu mɛɛ vana caŋ le piɔ́m pole pilɛlen nuaa yɛ. A koŋulnin ndu coo mɛɛ vana koŋul le piɔ́m po tasoo yɛ.

Matie 23:39

Kani i co niaa dimul, la ci lɛnin ya le, háá mì la dimi aa: ‹Biiloo co le vana co hunɔɔ o diola Mɛlɛka lan-ndo!›»

Rɔmnda 11:17

Kɛ te lɛwvon pum kilin pɛ, mì nɔm co lɛvii yɔm yondo-ei-yo sɔla holɔɔ o fonda ndɔɔ, haliko ma va tando co fulaa o puundun yɔm nda tɔl-lo-o sɔlaa,

Rɔmnda 11:24

Te nɔm lɛvii va o yɔm yondoo-e sɔla pɛ kiolɔɔ, mà hol nɔm o yɔm nda tɔl-lo, vɛ̀ɛ̀ lɛvii yɔm nda tɔl-lo ndi pala yɛ mingi holɔɔ o yɔm i va-o?

Hebreea 3:19

Ɛ̀ɛ̀ nduyɛ lekɛ́ndɛi, mí n ca maa a nɔla luɛyɔɔ o pɛngi kon nin te, le laalan nda kɛɛ-o.