Rɔmnda 11:2 - BII BILA

² O co kɛɛ le Hala kɛɛ vanaa ndɔa o síná o tasendɔ-a le. La sínà ɲɛ sɛvan a Elii o kɔɔ-o le? Mó cɛɛŋun a Israɛlla o sondo o Hala lo aa:

Rɔmnda 11:2 Referans Kwoze

Condii lisai 94:14

Kani nɔm Mɛlɛka melnin vanaa nɔmnda le, a faŋanin kɛ́ nɔmndo balan coo le.

1Piɛr 1:2

Pua nuu Hala cii niaa hɛli mɛɛ o tuu paandu pá-pá yɛ, le tùú niaa sɔla dindio Kɔl-Diandaa o ba le sɔɛi Yeesu Krista-e biyɔɔ, mí la sɔla kooma ndɔan fasaŋiaa le dindio sɔlaa yɛ. Màá kɛndɛi a kɔlɲuloo va le niaa taw-taw!

Rɔmnda 9:23

Kɛ mó yeema le cɔmndo mɛɛ kpɛ́ biilu ndɔɔ co o bɔɔ le kpɛɛnɛn o tuinun iɲíí-yon yɛ, n o cɔw le biiloo-on pɛɛn.

Dɛnnda kiilaa 3:17

Nduyɛ, puapilɛa nia, i sínà maa niaa a simlacia niaa, la bii ɲɛ niaa tosa kon a ndu-o bila le.

O Kandɔɔ 44:15

Mí Yosɛf ɲuna nda aa: «Dɛnɛ yɛɛ niaa tosa yɛ ho? La co pá sinaa maa te vanndo va pɛ mɛɛ ya co nuaa yɛ, o bɛnda le sɔɔn viannanndon sinaa?»

Rɔmnda 9:6

O co dimi le maa sɔɛi Hala-e nɔ lɛ tɔnɔ le. Kani vanaa-vanaa fula o Israɛl nin, o co nda kpow le a co Israɛlla kpeekpei le.

Dɛnnda kiilaa 13:48

Vanaa co N'Yuifi le-a tueyɔɔ sɔɔn mun, má dɔawnun ɲaale, má can sɔɛi Hala-e candɔɔ. Mí vanaa Hala ndóò hɛli le cinda fɛɛn-fɛɛndo sɔlaa-a kpow a laalan.

Dɛnnda kiilaa 7:40

Má dimul Aarɔn aa: ‹Cow naa piɔmndo, mì ndu va hala naa le naa kɔlan laci. Kani Moise soli hoo naa o lɛŋnde Esipte len nin-ndo, n sina ɲɛ yɔŋnun ndu-o le.›

Nsaŋ 4:11

Mí cuaa mulul ndu aa: «Maalii, a nɔ ɲɛ kɔandaa mamɛn te, nduyɛ soon-kólaa yingila. Kuɛɛ nɔm óò fula yɛnin a mɛmma cindaama man?

Luke 4:1

Yeesu va o piaa a Kɔl-Diandaa, telen o va muungoo fulaa Yurdɛn-ndo, mí Kɔl Hala-o yaa ndu o lɛŋnde veselɛilen nin.

Nehemi 9:30

A manda nda o vɔsilan taw bɛngu, mí vanaa-tɛɛngaa-diom Hala-a nɔmnda, à kɔl nɔmndo va nin-nda, va nda sɔɔn nɔmndon tɛɛngullo, kɛ a yeŋnun te. O kon nɔm bɛɛ mal nda vanaa súúla celen o ba.

Kundalan 16:15

Mí Moise tuulu kɔl taw-taw, mó dimul Mɛlɛka aa: «Cɛl sálà ndaa le. Kabi bɛɛ i bii ɲɛ-ɲɛ nda le, hali sofɛlɛ taaninndo i bii ndu vana pilɛ o ba o nda tɛɛn te. I tosal vɛlɛ vana dɛnɛ vɔɔn o nda tɛɛn te.»

Fulaa 32:1

Mɛɛ vannda ce maa Moise co viovɔɔ o pembei coo le tolɔɔ, má bɔɔŋian o Aarɔn ndo, má dimul ndu aa: «Cɔn ma cow naa piɔmndo, mì ndu va hala naa le kɔlan naa laci. Kani Moise soli hoo naa o lɛŋnde Esipte len nin-ndo, n sina ɲɛ yɔŋnun ndu le.»

Hebreea 1:1

Sindɛ Hala va sɔɛi a sondo vanaa-tɛɛngaa-diom Hala-a o fuɲaa naa mamaa lo le telennda bɔɔ-bɔɔ a o nɛila yɛ́-yɛ́ coo.

Filipea 1:22

Kɛ te o va yɛ pɛ maa lou yoomu o ceendo coo malanin ya mì tosa baala sɔvɛɔ ni, i sínà ɲɛ ya hɛli le.

Dɛnnda kiilaa 15:18

o cɔm vannda tuula ndɔlan kabi sindɛ-o pɛɛn.

1Korɛntea 6:2

Vɛ̀ɛ̀ la co sínà maa vanaa diandaa le a kialunin yamɛi vanaa ceenda le? Te o va yɛ pɛ maa niaa kialunin ceendo iyama ni, vɛ̀ɛ̀ mì la bumba sɔɔn pɔm-pɔmbɔn toosiaa niaa pilaa tɛɛn?

Yeremi 31:37

O Mɛlɛka dimi-o co hoo ni aa: Te vana nɔla pɛ helɔɔ halataalaa tuu te kon te yingila lelɛŋndo sinaa, mɛɛ i kɛɛnin cuavaa-imamaa Israɛl-la le dɛnnda vɔɔnnda kɛ́-kɛ̀ nda tosa lan! Sɔɛi fula Mɛlɛka o sondo-e co ken ni.»

Marke 12:26

Le dɛnɛ vanvílɛ́yaa muungoo yoomu yɛ, la ci o sɛvaa o sɛbɛ Moise-o nin ɲɛ Hala dimul ndu o bɔɔ leyinndo ikɛi-yo le aa: ‹Ya co Hala Abraham-ndo ni, Hala Isaak-o a Hala Yakɔb-o.›

Rɔmnda 6:16

La sinà maa te la yɔngun pɛ vanndo le ndu baalaa tosallo mì la bii sɔɛi ndɔɛi, mɛɛ la siŋnun cɛa vana niaa bii kon sɔɛi ndɔɛi-yo. Te sɔɛi hakio niaa bii ni, la sɔla piɔ́mndo, te sɔɛi Hala-e ni, la siŋnun vanaa sandaa.

1Korɛntea 8:3

Kɛ te vana kaola pɛ Hala, Hala sínà vana kon.