Rɔmnda 11:16 - BII BILA

¹⁶ Nduyɛ, te kunda tase ɲɛdiaa co pɛ o diandaa, mɛɛ o diandaa ɲɛdiaa tɔu bɛɛ co ni. Te puundun yɔmndon co pɛ n'diandaa, mɛɛ n'diandaa lɛwvon bɛɛ n co ni.

Rɔmnda 11:16 Referans Kwoze

Nsaki 1:18

O velu naa a sɔɛi toɲɛi mɛɛ hɛnan ndɔɔ co yɛ, haliko mi n va vanaa tasea o ɲɛm o cɔw-von tɛɛn.

Esekiɛl 44:30

Ɲɛm hiow naŋɔɔ o ɲɛm tasen vanin fulaa o ɲɛm niaan nin-ndon, ɲɛ-ɲɛ niaa vanin faŋaa o ɲɛm niaan coo le Mɛlɛka yɔngoo, mun kpow n vanin le vanaa-solia-lasálàá. Vannda bɛnda mà va nda kpeyan hiow naŋɔɔ o kpeyannda ndalan nin-ndo yɔngoo, haliko mi duaa tol o cɛila vanaa kan coo.

Talelan 3:9

Biilu Mɛlɛka a ɲɛm nɔmndon, mà yɔngu ndu ɲɛm tasen n co sɔlaa o vali nɔmndo nin-ndon.

Yeremi 2:21

Nduyɛ, yáà tɔl nɔm maa nakɔ n'rɛsɛn kɛndɛ-kɛndɛ, maa tɔlɔɔ tum kɛndɛ-kɛndɛ. Vɛ̀ɛ̀ n looku yɛ kɔllo mangalan a ya o lepilɔɔ nuaa? Le yɛɛ n muungu yɛ maa rɛsɛn foofiɛi nda fula nɛɛ celen pɔ́-o?

Rɔmnda 11:17

Kɛ te lɛwvon pum kilin pɛ, mì nɔm co lɛvii yɔm yondo-ei-yo sɔla holɔɔ o fonda ndɔɔ, haliko ma va tando co fulaa o puundun yɔm nda tɔl-lo-o sɔlaa,

Tɔŋ lasálàá 23:10

«Soo o Israɛlla lo ma dimul nda aa: ‹Te la tiiya pɛ o lɛŋnde ya yɔngu niaa len nin, mì la kɔ va ciɛɔn niaan kovɔɔ, tumbu tase niaa co yii-o, la cua ndu, la yoo vana-solia-lasálàá.

Tɔŋ miingua 26:10

Lelan Mɛlɛka, sisa tofa vɔ mɛɛ ya cuu nɔm kɔmnde tasele ya sɔla o tɔlɔɔlan nin-nden yɛ, tɔlɔɔla ya tɔl o lɛŋnde n ke ya len coo lan pɛɛn.› O kon, o kɛsi ɲɛm mun Mɛlɛka Hala ndɔɔ o hɔl, o baŋ vulan ndu o labɛngunin le ndu biiloo.

Tɔŋ miingua 18:4

La bɛnda vɛlɛ mi la yɔngu nda ɲɛm tasen niaa vanin sɔlaa o valta yondolan nin-ndon: malun tason, mɔima tasean a cuɛima tasean, mì la yɔngu vɛlɛ nda yiiŋii niaa vanin kiolɔɔ saa niaa tasea lekɔɔ-e.

Fulaa 23:16

La bɛnda vɛlɛ mì la tosa duɲɛi kafo koavaa telen niaa kandunin ɲɛm niaa vàá o ciɛɔn niaan nin-ndon kovɔɔ-o, ɲɛm tasen niaa koawnin-ndon pɛɛn. O vɔsio mɛɛlulan, la tosa vɛlɛ duɲɛi kafo lakùùo telen niaa ciinin ciɛɔn niaan kovɔɔ-o.

O Kandɔɔ 17:7

Kpema ya yii hoo-o co va naa tɛɛn naa nɔm, a naa tɛɛn naa cuavaa nɔmaa imamaa le fɛɛn a fɛɛn, haliko mi va Hala nɔmndo a Hala cuavaa nɔmaa imamaa nɔm kɔɔli.

Dɛnnda cɔɔmuanndan 14:4

Nda yɔŋnun vanaa nɔɔlian a vanlaandua le-a ni, kani a síná dɛnɛ vanalanɔ le. A co kɔlan Saa téndóó kɔɔli nɛɛ-nɛɛ ka-a. Kan sɔla baŋaa vanndacieea tɛɛn ni, nda yɔŋnun vanaa tasea le hɛlio sɔlaa le Hala a le Saa téndóó ni.

1Korɛntea 7:14

Kani vanapɔnɔ nɔ laalan too sɔɔnguu Hala ikɛi laa ndɔ kɔɔli, mì vana pɔnɔ ndɔ co vana laalan too sɔɔnguu Hala ikɛi laa ndɔ kɔɔli. Kɛ te i yɔŋnun lende le, cuavaa vanaa ŋiɔŋaa kan a siŋnun maa vanaa nɔɔlɛi Hala o hɔl, nduyɛ a diandaa nda co ni.

Fulaa 23:19

La bɛnda mì la kɔɛ a ɲɛm tasen niaa koawnin o ciɛɔn niaan nin-ndon o Cɛi-Mɛlɛka Hala niaa nin. La yaw cuin cuaa o mɛɛma kala ndɔan nin te.»

Fulaa 22:29

La bɛnda vɛlɛ mì la yɔngu ya cɔlua piaandua tasea cɔlua niaa koam-nda: nawva, saa a cuinnda. Te kalaa ndaa kom nda pɛ, a bɛnda mà lo nda ikɛi háá palɛi ndii ŋɔmmɛw. Kɛ o paale ŋɔmaandɔlen coo, la bɛnda mì la yɔngu ya nda.

Rɔmnda 8:23

O co ka ɲɛm mun daama le, kɛ naa n sɔla nin Kɔl-Diandaa o tasendɔ-a bɛɛ, naa pilaa n co somisominndo. N co cumndo le mɛɛ Hala siinguu naa cuavaa ndɔa kpeekpeiya yɛ, haliko mi dialun naan sɔla baŋaa.