Rɔmnda 11:14 - BII BILA

¹⁴ I nɔ kɔlkɛsiaa maa te i dimi pɛ lende, ken co kɔl paŋalaa luei vanaa naa n co súú pilɔɔ-a nin, o kon mì vanaa pum a sɔla cindaa.

Rɔmnda 11:14 Referans Kwoze

1Korɛntea 7:16

Nɔm vanalanɔɔ laalan hoo-o, vɛ̀ɛ́ n sínà yɛnin maa a tiwnin ba mà ciindiaa pɔnɔ nɔm? Te kon te, nɔm vanapɔnɔ laalan hoo-o, vɛ̀ɛ́ n sínà yɛnin maa a ciindiaanin laa nɔm?

1Timote 4:16

Nɔm pila mandan a pɛɛkula n co vannda yɔngoo lan. Lo lecoo, kani taa tosa pɛ lende, nɔm pila sɔlanin cindaa, mà ciindiaa vɛlɛ vanaa co nɔm nilan yaŋɔɔ-a.

Tite 3:5

mó ciindiaa naa, o ve le dɛnnda sandaala naa pila n tosa lan te, kɛ le ɲíí o tuinun naa-e. Mó ciindiaa naa a kpaaya Hala Kɔl-Diandaa, mó pulu naa pulɔɔ sɛnɛi-yo.

2Timote 2:10

Lelan i co dɛnndan kpow biuvɔn le dɛnɛ kɛndɛ vanaa Hala hɛli-a, haliko mi nda bɛɛ sɔla cindaa, o fula Yeesu Krista o ba-o, mà sɔla vɛlɛ biilu fɛɛn-fɛɛndo.

1Timote 2:4

o yeema mì vannda kpow a sɔla cindaa, mà bii toɲaa bila.

1Korɛntea 1:21

Le mɛɛ ceendo a kɔlkalu ndɔɔ siná Hala o kɔlkalu ndu Hala-o nin te yɛ, mí ɲɔɔ hɛnan Hala le vanaa laalannda ciindiaa a sɔɛi ndɔɛi vannda co ken cɔu diɔmnde-e.

Rɔmnda 11:11

Lelan i co ɲuna: Mò va maa boŋio Israɛlla boŋi nuaa má deli ni? O co lende le i yɔŋnun te! Kɛ le tɛɛmbuu ndaa vanaa co N'Yuifi le-a sɔla cindaa ni, haliko mi Yuifia paŋala nda.

Nsaki 5:20

mɛɛ o sina pɛngu maa vana pum co, o mìngì vana lahakio o nɛi, mò faŋa ndu o pɔwlan nin-ndo. Ndu baŋa yoomoo o piɔ́mndo hɔl-ndɔ ni, mó kumbu hakila bɔɔ-bɔɔ, mí la ɲum.

Rɔmnda 9:3

Kani i va yeemaa mì ya piláà dɔwnun danga mì yáà sɛyan a Krista le dɛnɛ kɛndɛ puapilɛa nia, a co vanaa nia o falon nin-nda,

Filemɔn 1:12

I co nɔm ndu mingi o ba, maa ya pila ba pilɛ o co ni.

O Kandɔɔ 29:14

Mí Laban dimul ndu aa: «Mɛɛ a caa hunɔɔ, vanayɛi nii kpeekpei n co ni.» Mí Yakɔb cii paangei yɛngɛsɛɛ o Laban bom ndɔ lo.

2Samiɛl 19:12

Mí masaa David ndu viam kiilaa o vanaa-solia-lasálàá lo, Sadɔk nda Abiatar pɛɛn, mó dimul nda aa: «La soo o kaasoŋaa kɔlkalua Yuda lo, mí la dimul nda aa à vá vanaa mɛɛlaa le ya David mingio o ya lo cɛinin te.» Kani masaa ndóò tuei nin tuu Israɛlaa tɔ̀a ndáà tuu-o.

Rɔmnda 10:19

I co vɛlɛ ɲuna: Mò va maa Israɛlla bii ndi bila le? Moise dimi ndi o tasendɔ aa: «I co niaa paŋalaa luei o kɔl a vanaa co vanaa-mangalaa-isɔɔ kpeekpei le-a, mì tosa, mì la tuulu kɔl a vanaa-mangalaa-isɔɔa kindu kɔl te-a.»

1Korɛntea 10:33

La tosà maa mɛɛ ya co dɛnndan tosaa le vannda kpow hɛnanndo yɛ, i co dɛnɛ kɛndɛ toofia le ya pila le, kɛ le vanaa bɔɔ-bɔɔ, haliko ma sɔla cindaa.

1Timote 1:15

Sɔɛi toɲɛi co hee ni, i vannda kpow a bɛnda mì n cɛl-le: Yeesu Krista hin o ceendo coo le vanaa lahakia ciindiaa. Ya co vana lahaki tasoo o nda tɛɛn ni.

2Timote 1:9

Ndu Hala ciindiaa naa ni, mó veelu naa veelu diandaa, haliko mi n va vanaa ndɔa, o co le dɛnnda naala kɛndɛlan te, kɛ le tùú ndu pila tuu, mó tosal naa kɛndɛi o Yeesu Krista nin kabi o tasendɔ-o.

Hebreea 1:14

Mɛlɛkaa nda co macoaa maa kiilaa Hala-a, nda Hala viam le kɔlan vanaa sɔlanin cindaa-a sɔɔn dimullo ni.

Hebreea 2:3

Nduyɛ, vɛ̀ɛ̀ naa naa n fula yɛnin o ken nin, te n luei sɔɛi cinda bɛndoo ho yii le? Maalii pila kandu sɔɛi ndɔɛi dimio ni, o kon kɔɔli, mí vanaa tuei sɔɛi cinda kon-nda peelul naa diomnde len.