Rɔmnda 10:9 - BII BILA

⁹ «Taa sɔlɔlan pɛ a sondo nɔmndo maa Yeesu co Maalii ni, ma laalan o kɔl nɔmndo nin maa Hala tindi ndu fulaa vanvílɛ́iya tɛɛn, a sɔlanin cindaa.»

Rɔmnda 10:9 Referans Kwoze

Luke 12:8

Mí Yeesu dimi aa: «Mì dimul niaa, vana-vana sɔlɔlan pɛ vannda o hɔl maa le ya o co ni, ya Po vanacieo bɛɛ sɔlɔlannin sɔɛi vana kon mɛlɛkaa Hala-a o hɔl.

Dɛnnda kiilaa 16:31

Má mulul ndu aa: «Laalan Maalii Yeesu, mà sɔla cindaa niaa yungu nɔmndo.»

Filipea 2:11

o kon mì lediɛɛmu oo lediɛɛmu le dimi kpedekele aa: «Yeesu Krista co Vana bɛndoo» le biilu Pua Hala-o ni.

1Piɛr 1:21

O ndu nin niaa laalan Hala tindi ndu fulaa vanvílɛ́iya tɛɛn, mó ke ndu biiloo-o ni, haliko mi laalan niaa a kɔlkɛsiaa va o Hala nin.

Rɔmnda 8:34

Nɛ̀ɛ́ co yɛ vana yaala vana-o? Yeesu Krista vi, hiovɔɔ o kon coo, mó tendul, o co icali Hala o ba kɛndɔɔ coo mo va piɛilen le naa.

Rɔmnda 14:11

Kani o co sɛvaa maa Mɛlɛka dimi aa: «I co yoomu, ya Mɛlɛka, vulan kpow la baŋnunnin ya o labɛngunin, mì lediɛɛmu oo lediɛɛmu le biilu Hala.»

1Korɛntea 12:3

Lelan i yeema mì cɔm niaa maa vana-vana Kɔl Hala-o co pɛ nin, o dimi le aa: «Màá Yeesu dɔwnun danga!» Lende koni, vana-vana tiwba mò dimi le aa: «Yeesu, Maalii o co ni», te Kɔl-Diandaa co ndu nin te.

2Nsaŋ 1:7

Vanaa luei vannda o pɔwlan nin-nda kui o ceendo coo taw, a kɛɛ le sɔlɔlanndo maa o falon nin Yeesu Krista hin lekɛ́ndɛi ni. Nduyɛ vanaa vaa lende a co vannda malɔɔ o pɔwlan nin ni, yaamɔa-Krista-a nda co ni.

Nsaŋ 9:22

Vanaa po kon a suu lende fondo le, kani ndáà nɔ siòònde a Yuifia, kani mí Yuifia ndáà cɛlan maa vana-vana dimi pɛ kpendekele maa Yeesu co Krista ni, a soli ndu o cɛi lekaando nin.

Dɛnnda kiilaa 8:36

A lo kɔlan, má komal mɛnndan. Mí langbanɔ kon dimi aa: «Má cè mɛnndan! Yɛɛ kuuna yɛnin ya yinɔɔ sɔlaa?»

Dɛnnda kiilaa 2:24

Kɛ mí Hala mingi ndu yoomu, mó soli ndu piɔ́mndo o ba, kani ndóò bɛnda mì ndóò lo o kpaaya piɔ́m kon bɛngu le.

Dɛnnda kiilaa 2:32

Nduyɛ, mí Hala mingi Yeesu ya co hoo sɔɛi ndɔɛi dimio-o yoomu, naa kpow n co lesei.

Rɔmnda 4:24

o sɛvan vɛlɛ le naa, naa Hala canin vanaa sandaa le laalan naa n laalan ndu vana tindi Maalii naa Yeesu fulaa vanvílɛ́iya tɛɛn-ndo-o.

Rɔmnda 10:10

Kani vana laalan pɛ a kɔllo, a sɔla dɛnɛ sandaa. Vana sɔlalan pɛ a sondo, a sɔla cindaa.

Rɔmnda 14:9

Kani lelan Krista vi ni, mó muungu vɛlɛ yoomu, haliko mo va vana bɛndoo le vanvílɛ́iya a le vanaa co yoomu-a.

1Nsaŋ 4:15

Vana sɔlɔlan pɛ maa Yeesu co Po Hala-o ni, mɛɛ Hala co vana kon o kɔl, mì ndu va o Hala nin.