Rɔmnda 10:3 - BII BILA

³ Kani a siná dɛnɛ sandaa Hala-o le, mí nda pila a va kindinndo le dɛnɛ sandaa ndaa cɔmndo, a cɛl dɛnɛ sandaa Hala-o le.

Rɔmnda 10:3 Referans Kwoze

Filipea 3:9

o kon mí siŋnun vana sandaa o ndu nin, kɛ o ve sandii fula ya pila nin le tɔŋnda ya bii lan te, kɛ sandii vana sɔla o Krista laalanndo-e. Sandii fula Hala o ba, mì i nɔ tumndo o laalanndo coo-e.

Luke 16:15

Mí Yeesu dimul nda aa: «La co cɔnɔnndo maa vanaa sandaa niaa co vannda o hɔl ni, kɛ Hala sina kɔlta niaalan. Kani ɲɛ vannda ca o sɔvɛɔ-o, ndu nɛinun Hala ni.

2Korɛntea 5:21

Krista ndóò nɔ haki le, kɛ nduyɛ, mí Hala handu ndu hakila naalan coo, haliko mi n siŋnun vanaa sandaa Hala o hɔl.

Rɔmnda 5:19

Le sɔɛi biyɛi lepɛŋii vanndo ndu pilɛ, mí vanaa bɔɔ-bɔɔ a siŋnun vanaa lahakia. Lende vɛlɛ koni, le sɔɛi biyɛi vanndo ndu pilɛ, mí vanaa bɔɔ-bɔɔ a siŋnun vanaa sandaa Hala o hɔl.

Rɔmnda 1:17

Kani Yoongu kɛndɛ kon cɔm maa Hala siinguu vanndacieea vanaa sandaa le laalanndo. Nduyɛ laalan kon tiw. Maa mɛɛ o sɛvan yɛ aa: «Vana sandaa vanin yoomu le laalan ndɔɔ.»

Rɔmnda 3:22

Hala ke vanndacieea kpow dɛnɛ sandaa ndɔɔ le laalan nda laalan Yeesu Krista-o, hɛli co le.

Esai 57:12

Mɛɛ ya, i co ɲɛ co «dɛnɛ sandaa» niaa-o cɔɔmuu, a dɛnnda niaala solinin niaa kpeku oo kpeku le lan.

Esai 51:8

Kani a kɔwnin maa kola, mà tambu, fɛlɛkpɛkpɛa dianin nda maa kola toosian a yiiŋii saa-o, kɛ dɛnɛ ni sandaa viawnin le fɛɛn a fɛɛn, cinda nuu pɛngɛlannin le lambilan o lambilan nin.

Luke 10:29

Kɛ langbanɔ kon ndóò yeema mì ndu pila ndóò kennun di, le hee mó ɲuna Yeesu aa: «Nɛ̀ɛ́ co yɛ caan nuu?»

Esai 56:1

Nuaa Mɛlɛka dimi ni aa: «La kela o sakpoyɛi nin, mì la tosa dɛnɛ sandaa, kani cinda nuu co nin le tiiya, dɛnɛ ni sandaa co nin le cɔmnɔnndo kpendekele.

Nehemi 9:33

O dɛnnda tosalan naa lan kpow nin, má yɔŋnun vana sandaa, má lo o lediom coo, kɛ naa n yɔŋnun vanaa lo o lediom coo le.

Esai 64:6

Hali lepilɛ vana pilɛ bɛɛ co nɔm diolan piɔlɔɔ le, vana-vana co tiondɔɔ mò holnun nɔm te. Kani a vin naa hɔlaa nɔmnda mà mal naa kɔsɔɔ luɛyɔɔ le tɛɛmbuula naalan.

Condii lisai 71:19

Òó Hala! Sandii nɔmnde tiiya háá o halataala, kani a tosa dɛnnda bɛndulan. Ɔ́ɔ̀ vana siiman a nɔm-ndo, Hala?

SƐBƐ YƆB-O 33:27

Mì vana kon soli condei vannda o hɔl, mò dimi aa: ‹I tosa hakio, mì laasiaa dɛnɛ sandaa, kɛ Hala bii mɛɛ kela nuu yɔŋnun yɛ le.

Tɔŋ lasálàá 26:41

A biinin bila maa ya bɛɛ mí simul nda, mí yaa nda o lɛŋii yaamɔaa nda nin. O kon, a sinanin maa a yɔŋnun vanaa lo lediom coo le. Le hee a tuisinnin, mà cɛl sanga tol nda coo le hakila ndalan-ndo.

2Piɛr 1:1

Ya Simɔn Piɛr, vana baalaa a kiila Yeesu Krista-o ni. Ya co vanaa sɔla laalan sɔvɛɔ maa naa o dɛnɛ cindaa Hala naa nda Vana naa ciindiaa Yeesu Krista nin-ndo-a sɛvallo ni.

Rɔmnda 3:26

telen Hala va nda biuvɔnndo-o. Lende ndu Hala cɔm dɛnɛ ndɔ sandaa sisa ni. Ò tuisi vanndacieea dɛnɛ palaa coo le hakila ndalan te, kani o yeema mò lo o sandaa, mò ke vɛlɛ vanaa laalan Yeesu-a di.

Cɛɛŋɔnnda Yeremi lan 3:22

Vanakɛndɛyɛi Mɛlɛka-e cuu le, ɲíí ndɔɛi nɔ lamɛɛlu le.

Daniɛl 9:24

Lɔ́ɔ́lan la kelun belaŋɔmmɛw le yungu nɔmndo a kobi nɔm diandaa, le diondɔɔ a hakilan, le yɔŋ vɔɔndo ciiyo, le hunɔɔ a dɛnɛ sandaa fɛɛn-fɛɛndo, le vunduan a sɔɔn vanaa-tɛɛngaa-diom Hala-a dimi-on peelɔnndo, le Fonda-Dianda-Diandaa mingio sɔɔ Mɛlɛka o ba.

Esai 51:6

La heelu vɔ hɔlla o halataala, o kon kɔɔli mì la tofa lebɛngu o lɛŋnden coo! Kani halataalaa mɔɲamɔɔɲanin maa ikum, lɛŋnden le siɔŋnin maa volɔɔla cuɛinan, vanaa co icali o lɛŋnden coo-a vunin maa n'penge, kɛ cinda nuu viawnin le fɛɛn a fɛɛn, nduyɛ dɛnɛ ni sandaa fulanin mayoomu le.

Tɔŋ miingua 6:25

Ava, te n kela pɛ Mɛlɛka Hala naa o hɔl o tɔŋndan ndan kpow biyɔɔ nin mɛɛ o dimul naa yɛ, dɛnɛ sandaa co kon le naa ni.›»

Esai 51:1

Niaa co kiltan dɛnɛ sandaa kɔɔli-a, niaa co Mɛlɛka nuwviaa-a, la yaŋ ya nilan! La heelu hɔlla o pow kpova niaa sɛlnun nin-ndo coo, la tofa o soon yingilaa nda soli niaa nin-ndo coo.

Rɔmnda 10:2

Kani i co seile ndalen timbi, maa a fula diallon le dɛnɛ Hala-o, kɛ a nɔ kɔlkalu o dialun fulan mun nin te.

Rɔmnda 10:20

Mì Esai ndu tɔɔndan bɛɛ mò dimi le aa: «Vanaa ve ya nuwviaa le-a, nda saalun ya ni, mí cɔmnun vanaa ɲuna ya ɲɛ-ɲɛ le-a.»

Rɔmnda 11:7

Yɛɛ yɔŋnun yɛ hoo? Ɲɛ Israɛlla va nuwviaa-o, a sɔla kon te. Kɛ mí vanaa hɛlin-nda nda sɔla ndu. Vanaa tɔ̀a nda, nila kalulan nda tosa ni,