Rɔmnda 10:2 - BII BILA

² Kani i co seile ndalen timbi, maa a fula diallon le dɛnɛ Hala-o, kɛ a nɔ kɔlkalu o dialun fulan mun nin te.

Rɔmnda 10:2 Referans Kwoze

Dɛnnda kiilaa 21:20

Mɛɛ nda tuei sɔɔn mun, má candu Hala. O kon kɔɔli, má dimul Pol aa: «Puapilɛ naa, a ce mɛɛ Yuifia taw a siŋnun vanaa Krista-aa yɛ, nda kpow a co vɛlɛ tɔŋndo biyɔɔ ɲɛkɛndɛi.

Filipea 3:6

Le a ba tɔŋndo o kɔɔ yɛ, Faliisinɔɔ ya co ni. Te le dialun fulan a dɛnɛ dinaa o kɔɔ ni, vana tol kundala vanaa laalannda yɛlen-ndo ya yɔŋnun ni. Te le sandei a ba tɔŋndo ni, vanáà yaala ya nɛɛ-nɛɛ le.

Filipea 1:9

O ya co Hala piɛyo le niaa-o, ndu co ho ni: mì kaola niaa va hiovɔɔ laci lɔ́ɔ́-lɔ́ɔ̀, mò pɛ a sina kpeekpeiyo a á dɛnndan bilaa biyɔɔ ɲɛkɛndɛi,

Rɔmnda 10:3

Kani a siná dɛnɛ sandaa Hala-o le, mí nda pila a va kindinndo le dɛnɛ sandaa ndaa cɔmndo, a cɛl dɛnɛ sandaa Hala-o le.

Talelan 19:2

Te vana nɔ taasi le dɛnɔɔ keleŋaa tosaa niŋ te, kani vana hiw pɛ lawvo a dɛnɔɔ a bendun.

Kalatea 1:14

O kaannde yuifia ya va len nden, yáà hiow vanaa bɔɔ-bɔɔ o lambi nuu a o vanaa naa n co súú pilɔɔ-a tɛɛn, kani yáà hiow diallon fulaa le kelaa o naamula fuɲaa naa mamaa coo ni.

2Korɛntea 4:4

le vanaa laalan te-a, a Setana masa ceendo ho suumiaa kan kɔltan-nda pɛɛn, yɔŋii nda cɔ ɲɛ vavonndo, o co Yoongu kɛndɛ biilu Krista-o-o, Krista co velan Hala-o o.

2Masaa 10:16

Mó dimul ndu aa: «Hun n kɔ, ma ce kaola paŋalaa co ya o kɔl le Mɛlɛka-o.» Má kɔa nda ndu latulu o ɲɛ ndɔ ɲaanan soa nan-ndo nin.

2Korɛntea 4:6

Kani Hala dimi aa: «Ɲɛ-tengaa vanin ɲumndan teengiaa». Nduyɛ, ndu yɔngu naa pangeloo o lakɔl le biilu ndɔɔ sinaa ni, biilu co diondɔɔ Krista o hɔl-lo.

Dɛnnda kiilaa 22:3

«Yuifinɔɔ ya co ni, Tarse ya velun ni, o lɛŋnde Silisii len nin. Kɛ Yerusalɛm nanu ya sul ni, Kamaliɛl o ba bɛngu, mó pɛɛku ya ɲɛkɛndɛi le kelaa o nɛila tɔŋnda fuɲaa naa mamaa coo. Mɛɛ niaa kpow nɔ hau dialun fulan le Hala nuaa yɛ yáà nɔ mun ni.

Condii lisai 14:4

Mɛlɛka dimi aa: «Vanaa co dɛnnda vɔɔnda lan tosaa-a kpow a nɔ sinapɛngu le, à co kan yungu nuu dioo mɛɛ vana dia baloo nuaa yɛ-a pɛɛn. À co ya Mɛlɛka piɛi le.»

2Korɛntea 8:3

Má yɔngu mɛɛ sɔla ndaa va yɛ, má hiaw bɛɛ o kon coo, i co lesei. Nduyɛ nda pila va yɔngoo lende ni.

Dɛnnda kiilaa 21:28

má yonda aa: «Israɛlla sei, la mala naa! Langbanɔɔ ho co keiyo vannda pɛɛkoo nɛɛ-nɛɛ ka le vanaa naa, tɔŋ naa, a le Cɛi-Hala naa hoo simullo ni. Sunsun, o cii vanaa co N'Yuifi le-a luei o Cɛi-Hala-o nin, mó nɔɔliaa fonda-diandaa hoo.»

Kalatea 4:15

Kuɛɛ nɛ kɔlkɛndɛ bɛndu niáà nɔ lɔ́ɔ́ kon-ndo hiow yɛ? Kani i co lesei. Te ndíì nɔla pɛ tosan, la va hɔltan kaalian mì niáà yɔngu ya lan.

Kolɔsea 4:13

Ya, i tiwba mì timbi seile len maa o co sangaa taw le niaa, le vannda Laodisee a le haa Hierapoli.

Dɛnnda kiilaa 22:22

Haa mí Pol cii diomndan ndan dimi, sɛ́lɔ́ɔ́ va ndu yaŋnɔnndo. O kon kɔɔli, má can yondaa aa: «La dii langbanɔɔ ho, la dii ndu! O bɛnda mò lo yoomu le.»

Esai 27:1

Paale len, Mɛlɛka cuanin mɔɛi ndɔɛi cɔvii luɛyɛi, mɔɛi ndɔɛi bɛnduei, mɔɛi ndɔɛi mayoomui ken, mo lɔva N'Yalɛ́iyo, kɛw ɲaanan kon, ɲina-kɛw hiŋnun kon taw-taw-vo. O diinin ɲɛ yoomaa vɔɔn kɔndɔfili co kon o mɛmma ihɛllan nin-ndo.

Nsaŋ 16:2

A solinin niaa o cɛila lekaanndan nin. Hiovɔɔ o kon coo, telenndo pum tiiyanin, vanaa vanin niaa diwvo-a vanin yiyanndo maa baala Hala-o nda vanin tosa kon lende ni.

Rɔmnda 10:1

Puapilɛa nia, yeemɛi co ya o kɔl-le, o ya co Hala piɛi le Israɛlla-o co ni, mà sɔla cindaa.