Rɔmnda 10:19 - BII BILA

¹⁹ I co vɛlɛ ɲuna: Mò va maa Israɛlla bii ndi bila le? Moise dimi ndi o tasendɔ aa: «I co niaa paŋalaa luei o kɔl a vanaa co vanaa-mangalaa-isɔɔ kpeekpei le-a, mì tosa, mì la tuulu kɔl a vanaa-mangalaa-isɔɔa kindu kɔl te-a.»

Rɔmnda 10:19 Referans Kwoze

Tɔŋ miingua 32:21

A tindi paŋala nuu ya nin a ɲɛ co hala loo, a tuulu ya kɔllo a piɔmaa ndaa fondoa. Lelan, ya bɛɛ, i co nda paŋalaa luei o kɔl a vanaa-mangalaa-isɔaa co vanaa sɔvɛ le-a, i co nda kɔllo tuulu a vanaa kindu lakɔl te-a.

Rɔmnda 11:11

Lelan i co ɲuna: Mò va maa boŋio Israɛlla boŋi nuaa má deli ni? O co lende le i yɔŋnun te! Kɛ le tɛɛmbuu ndaa vanaa co N'Yuifi le-a sɔla cindaa ni, haliko mi Yuifia paŋala nda.

Rɔmnda 11:14

I nɔ kɔlkɛsiaa maa te i dimi pɛ lende, ken co kɔl paŋalaa luei vanaa naa n co súú pilɔɔ-a nin, o kon mì vanaa pum a sɔla cindaa.

Tite 3:3

Kani naa bɛɛ diɔmnda naa n va paandu ni, vanaa bii isɔɔ le-a, n va o pɔwlan nin. N va cɛa le yeemɛi vɔɔŋun súú-súù ka a le yeemɛi ɲɛm kɛndɔn. N va kɔlvesɛiyo tosaa mí n va yeemɛi vɔɔnde. Náà n nɛinun vannda, mí nda bɛɛ va nɛyɔnndo a naa.

1Piɛr 2:10

Niaa ve paandu vanaa ndɔ le, kɛ hau nin, la siŋnun yungu Hala-o, ɲíí ve paandu le niaa le, kɛ hau nin la sɔla ɲííye tuinɔnndo.

1Korɛntea 1:12

Ɲɛ ya tuei-yo co ni maa vanaa pum co niaa tɛɛn, a co dimio-a aa: «Ya le Pol ya co ni.» O pum ndu co dimio aa: «Ya le Apolɔs ya co ni.» O pum ndu aa: «Ya le Sefas ya co ni.» O pum yɛ aa: «Ya le Krista ya co ni.»

1Korɛntea 15:50

Puapilɛa nia, ɲɛ ya co dimio-o co hoo ni, dialun puulon a koovan nɔla kɛ Masale Hala len sɔlaa le. Lende vɛlɛ koni, ɲɛ vu-o nɔla mò va ɲɛ pilɛ a ɲɛ vi loo le.

1Korɛntea 12:2

Tuma niáà síná vɔ Hala loo, a va niaa nanɔɔ má va kɔlan a niaa le piɔmaa suu le-a sooloo.

1Korɛntea 11:22

Vɛ̀ɛ̀ vana-vana nɔ cɛi ndɔ le dioo a kolɔɔ lon te? Te kon te vɛ̀ɛ̀ vanaa laalan Hala-a niaa yeema bɛ̀ɛ̀lan tɛɛmbuuo mì la tuisi vanaa nɔ ɲɛ-ɲɛ le-a siɛmbulan ni? Yɛɛ ya dimul-lɛ niaa vɛlɛ? Vɛ̀ɛ̀ i candu niaa lelan? Kɛì-kɛì bɛɛ! I cendù niaa le.

1Korɛntea 10:19

Kɛ nduyɛ, te i va pɛ hee dimio, baa dimio co kon ni maa visin vannda co Mɛlɛka sálàlan solullo-on co ɲɛ? Te kon te maa ɲɛ pum piɔmndo co ni?

1Korɛntea 7:29

Puapilɛa nia, ɲɛ ya yeema mì dimul niaa-o co hoo ni, kani telenndo cuu nin tiiya. Kandɔɔ sunsun, vanaa nɔ laandua-a siŋnun maa a nɔ n'laandu le,

Rɔmnda 10:18

Kɛ i co ɲuna: Mò va maa Israɛlla tui sɔɛi ken te? A tuei ndi tɛ́ɛ́. «Kani diom ndaa kɔɛ, mó tiw o lɛŋnden kpow coo, mí sɔɔn ndan tiiya o ceendo mɛɛlulan di.»

Rɔmnda 3:26

telen Hala va nda biuvɔnndo-o. Lende ndu Hala cɔm dɛnɛ ndɔ sandaa sisa ni. Ò tuisi vanndacieea dɛnɛ palaa coo le hakila ndalan te, kani o yeema mò lo o sandaa, mò ke vɛlɛ vanaa laalan Yeesu-a di.

Osee 2:23

Mɛlɛka dimi nuaa ni aa: «Paale len, i mulinin piɛilen. I mululnin halataala piɛilen, mì halataala mulul lɛŋnden piɛilen,

Yeremi 10:14

Vanndacieea kpow a siŋnun diɔmnda, siɛmbulan la bii vanaa toosiaa n'piɔmnda a piɔmaa ndaa, kani còòlan fúú piɔmaa kan a co ni, a nɔ hoeyii yoomaa nda niŋ te.

Yeremi 10:8

Nda kpow ɲɛ pilɔɔ nda co ni, a kindu lakɔl te, diɔmnda nda co ni, yɔmii sialɛi nda co ni, halaa ndaa nɔla nda ɲɛ-ɲɛ cɔm te.