Rɔmnda 10:15 - BII BILA

¹⁵ Nduyɛ vɛɛ nɛ nda yonda yɛnin, te vana vim nda le? Maa mɛɛ o sɛvan yɛ aa: «O naŋ bɔɔ le vanaa kan cɔu hunɔɔ, vanaa co yoongula kɛndɛlan yondaa-a.»

Rɔmnda 10:15 Referans Kwoze

Esai 52:7

Mbɔ̀ pelun kiilanɔ kon naŋ bɔɔ o pembon coo, kiilanɔ co yoongu kɔlɲuloo yondaa-o, kiilanɔ co yoongula kɛndɛlan dimio-o, kiilanɔ co yondaa a cindaa o kɔɔ-o, o co Siɔn dimullo aa: «Hala nɔmndo co masalen tosaa-o»

Efɛsea 2:17

O hin le niaa vanaa va Mɛlɛka levil-la a vanaa co ndu kpɛɛlun-nda Yoongu kɛndɛ kɔlɲuloo tiiyallo.

Esai 61:1

«Kɔl Maalii Hala-o co ya coo, kani (Mɛlɛka) pɔla ya, o vem ya le kɔlan vanaa co o sangaa nin-nda yoongu kɛndɔɔ tɛɛngullo, le vanaa nɔ mɔnɛi o lakɔl-la cɛwvo, le vanaa co o biyɔɔ nin-nda yoongu baŋan ndaa dimullo, le vanaa kaasoa yoongu sɔlaa ihɔɔyaa dimullo.

Efɛsea 6:15

La vownun dialun fulan maa lasamta le kɔlan vannda Yoongu kɛndɛ yɔngu vana kɔlɲuloo-o tiiyallo.

Esai 40:9

Niaa vannda Siɔn, la hel o pembii vilɛi-vilɛiye coo le yoongu kɛndɔɔ yondaa. Niaa co Yerusalɛm-nda, la deŋi a yoomuma niaan kpow le yoongu kɛndɔɔ yondaa. La heelu diomndan, la yɔŋ isiòòn te. La dimul kobilan o tàndá Yuda-o nin aa: «La tofa vɔ Hala niaa!»

Efɛsea 3:8

I co vana sɔvɛ o vanaa laalannda kpow tɛɛn te, kɛ nduyɛ, kɛndɛi ken i yɔngun ya haliko mi cɔm vanaa co N'Yuifi le-a tɔnɔ bɛndu co o Krista nin-ndo,

Yeremi 23:32

I co vanaa co kan vunduma fondoan cɔu-va ciŋilan.» Sɔɛi fula Mɛlɛka o sondo-e co hee ni. O còòla lan tombolaa nda luei vanaa nia o pɔwlan nin ni. Nduyɛ, i vim nda lekiila kɛ́-kɛ̀ le. I dimul nda ɲɛ-ɲɛ le. A co vanaa nia mako kɛ́-kɛ̀ soli le.» Mɛlɛka soo lende ni.

1Piɛr 1:12

Mí Hala cɔm vanaa-tɛɛngaa-diom Hala-a maa yoongu nda va tɛɛnguo-o ve le nda pila le, kɛ le niaa. Yoongu kon vanaa hiviaa Yoongu kɛndɔɔ a tiiyal niaa nihau nuaa ni, má dimi ndu a kpaaya Hala Kɔl-Diandaa fula o halataala-o. Hali mɛlɛkaa bɛɛ a yeema mà sina sɔɛi ken.

Nsaŋ 20:21

Mí Yeesu dimul nda vɛlɛ aa: «Màá la sɔla kɔlɲuloo! Maa mɛɛ Pua vem ya yɛ, ya bɛɛ i vem niaa.»

Dɛnnda kiilaa 22:21

O kon mí Maalii dimul-la aa: ‹Kɔ, i viamnin nɔm o vanaa co N'Yuifi le-a lo.›»

Dɛnnda kiilaa 13:26

Puapilɛa nia, niaa fula o polale Abraham-nden nin, mí la nɔ siòòŋii Hala-e, mí la va naa tɛɛn nanu-a, naa Hala cuu sɔɛi cindɛi he ni.

Dɛnnda kiilaa 9:15

Kɛ mí Mɛlɛka dimul Ananias aa: «Kɔ! I cii langbanɔ kon hɛli, i keinin a ndu o kɔɔ, mì cɔm vanaa-mangalaa-isɔɔa a masaa ndaa diola nilan, kɔ bii niko vanaa nia, Israɛlla pɛɛn.

Luke 10:1

O kon kɔɔli, mí Maalii hɛli vɛlɛ kaandennda belaŋɔmmɛw a ŋiɔn, mó viam nda a ŋiɔn-ŋiɔn ndu laci o kobilan nin a o fondala ndu pila ndóò nɔ o kɔl le kɔlan-ndan kpow.

Luke 8:1

O kon kɔɔli, mí Yeesu va kɔlan o cieon a o kobilan nin. O va keiyo Yoongu Kɛndɛ masale Hala len dimio nɛɛ-nɛɛ ka. Kaandeŋaa tɔ́ a à ŋiɔŋaa ndɔa a va ndu kɔɔli,

Luke 2:14

«Biiloo co le Hala o halataalaa nin coocoo, kɔlɲuloo co o lɛŋnden coo le vanaa hɛnan ndu-a.»

Luke 2:10

Kɛ mí mɛlɛkanɔɔ dimul nda aa: «Siòòŋii bii niaa le. Kani Yoongu kɛndɔɔ ya hin niaa tiiyallo nuaa ni, ó vanin dɛnɛ ɲaale bɛndoo le vannda kpow-vo.

Matie 9:38

Lelan la tɛɛlun vana iciɛɔ, mò yɔngu vanaa baalaa le ndi kovɔɔ.»

Esai 57:19

I tuisinin condun lisan o cɔcɔn coo. Kɔlɲuloo co le vanaa co levil-la kɔlɲuloo co vɛlɛ le vanaa co macɛlu kpɛlun-nda! I singinin nda lekɛ́ndɛi. Ya Mɛlɛka dimi lende ni.

Dɛnnda kiilaa 10:36

O cuu Israɛlla sɔɛi ndɔɛi, sɔɛi ken i co Yoongu Kɛndɛ vana sɔla kɔlɲuloo a Yeesu Krista o kɔɔ-e ni, Yeesu co Maalii le vannda kpow-vo pɛɛn.

Rɔmnda 1:15

Lelan yeemɛi co ya taw le niaa co Rɔm-nda Yoongu kɛndɔɔ tiiyallo.

Rɔmnda 15:20

Kɛ ya pila daama hɛli le Yoongu kɛndɔɔ yondaa o lɛŋii vannda sina vɔ Krista lei nin ni. Yɔŋii yáà tangul o kila vana celen coo.