Rɔmnda 10:14 - BII BILA

¹⁴ Kɛ vɛ̀ɛ̀ nda veelu yɛnin vana nda laalan too? Vɛ̀ɛ̀ nda laalan yɛnin vana nda tui tɔ́ɔ́ loo? Nduyɛ vɛ̀ɛ̀ nda tuɛi yɛnin ndu tɔ́ɔ́, te o co mì vana yondal nda sɔɛi ndɔɛi le?

Rɔmnda 10:14 Referans Kwoze

Tite 1:3

Nduyɛ, mɛɛ telen o kelu-o tiiya, mó cɔm sɔɛi ndɔɛi o yɔngu ya le vannda tiiyallo-e mɛɛ ndu Hala Vana naa Ciindiaa dimi yɛ.

Hebreea 11:6

Nduyɛ, te o co a laalanndo le, vana-vana nɔla Hala hɛnan te. Kani, vana va pɛ Hala sɔɔnguuo ikɛi, fɔ mò laalan maa Hala co, maa o salanin vanaa co ndu nuwviaa-a.

Dɛnnda kiilaa 8:31

Mí langbanɔɔ muli aa: «Vɛ̀ɛ̀ ya bii yɛnin ndu bila? Te vana tɛɛsial-la ndu le!» O kon, mó dimul Filipe maa o hel o ɲɛ ɲaanan kalaa nin, mò cal ndu ikɛi.

Nsaki 5:15

Piɛile laalannden le singinin vana naá, mì Mɛlɛka mingi ndu o pelon coo. Te o tosa pɛ hakilan, la malnunnin haki.

2Timote 4:17

Mɛlɛka mala ya ni, mó luei ya yoomuan, o kon mó tosa mí tiiyal vannda Yoongu Kɛndɔɔ mɛɛ o co faw yɛ, mí vanaa sina Hala le-a kpow a tuɛi. O kon mí Mɛlɛka baŋa ya, a dii ya le.

Efɛsea 4:21

I laalan maa vannda dimul niaa sɔɔn Yeesu-on, mí la pɛɛku toɲa co o sɔɔn mun nin-ndo.

Nsaŋ 20:31

Kɛ mun sɛvan haliko mi la laalan maa Yeesu co Krista ni, Po Hala-o pɛɛn. O kon la laalan pɛ, la sɔla yoomoo o diola ndɔlan.

Dɛnnda kiilaa 19:2

mó ɲuna nda aa: «Vɛ̀ɛ̀ la sɔla pá Hala Kɔl-Diandaa lɔ́ɔ́ niaa laalan-ndo?» Má mulul ndu aa: «N tui bɛɛ le maa Hala Kɔl-Diandaa co.»

Rɔmnda 1:5

O ndu kɔɔli naa n sɔla kɛndɛi ni, mí n siŋnun kiilaa le vanaa-mangalaa-isɔɔa kpow sɔɛi ndɔɛi dimullo haliko ma cɛl ndi, mà laalan.

Yonas 1:16

O kon, mí siòònde bii vana-vana va o dɛ̀ndɛ̀ kon nin-nda a Mɛlɛka, má solul ndu sálàá, má cua ciɛ́ɔn o ndu lo kpéŋ-kpéŋ.

Yonas 1:5

Mí siòònde bii vanaa tɛɛngaa taw, mí vana-vana va hala ndɔɔ piɛiyo. Má va volɔɔla va o dɛ̀ndɔ̀ɔ́ nin-ndan solio, má va lan viovɔɔ o peelo, haliko mi dɛ̀ndɔ̀ɔ́ ndóò cɔɔlu muungu fefele. Tuma kon, Yonas ndóò tolnun o dɛ̀ndɔ̀ɔ́ tumndo, mó kɔ hinin, mó hiawnun o lɔan cundun.

Nsaŋ 9:36

Mí langbanɔɔ muli aa: «Nɛ̀ɛ́-nɛ̀ kon Maalii, haliko mi laalan ndu.»

Efɛsea 2:17

O hin le niaa vanaa va Mɛlɛka levil-la a vanaa co ndu kpɛɛlun-nda Yoongu kɛndɛ kɔlɲuloo tiiyallo.

Tɔŋ miingua 30:13

Ó co o mɛmma ihɛllan leeloo le, yɔŋii vana dimi aa: ‹Nɛ̀ɛ́ taŋ yɛnin o mɛmma ihɛllan leeloo mò kɔ cuu naa ndu, haliko mi n tuei ndu, mì n kela lecoo?›

Matie 20:7

Má mulul ndu aa: ‹Vana-vana cue naa le baala le.› Mó dimul nda aa: ‹Mɛɛ niaa bɛɛ la kɔ o nakɔ nuu nin.›