Rɔmnda 1:9 - BII BILA

⁹ Hala ya co baalaa tosallo a kɔl nuu o Yoongu kɛndɛ Po ndɔɔ yondaa nin-ndo co ya lesei, maa telen oo telen ya va pɛ piɛilen, i co yiyanndo niaa coo

Rɔmnda 1:9 Referans Kwoze

Efɛsea 6:18

La piɛi Hala telen oo telen. La va piɛile súú-súù ka a tɛɛlɔnnda súú-súù ka tosaa a kpaaya Kɔl-Diandaa. Lelan, la mɛɛndian mì la kindin o ken coo taw. La piɛi le vanaa diandaa kpow.

2Timote 1:3

I mel Hala balika, o ya co baalaa tosallo a kɔl nuu o diandaa mɛɛ fuɲaa naa mamaa tosa yɛ-o. Idii a icɔl, i co nɔm yiyanndo coo, i co Hala piɛiyo le nɔm.

Rɔmnda 9:1

Toɲaa ya co dimi o Krista nin ni, o co lacòò le ya co dimio le, kɔl nuu bɛɛ co lesei o Hala Kɔl-Diandaa nin maa:

1Tesalonikea 5:17

la vá piɛilen lɔ́ɔ́-lɔ́ɔ̀,

2Korɛntea 1:23

Hala co ya lesei, te i dimi pɛ còòlan, mɛɛ i sɔla piɔ́mndo! Le niaa solio o sangaa nin ya kɛɛ muungu Korɛnte ni.

1Tesalonikea 3:10

Niinoo a lɔan, n co ndu ɲunaa o piɛilen nin kpeekpei le mɛɛ o cɛl naa mì n ce vɛlɛ niaa hɔlla a hɔlla, mì n siow ɲɛ lo o laalan niaa nin-ndo peelu yɛ.

1Tesalonikea 1:2

N co Hala balikaa mello le niaa lɔ́ɔ́-lɔ́ɔ̀, n co vɛlɛ yiyanndo a niaa o kɔɔ tuŋ o piɛile naalen nin.

Filipea 3:3

Kani, naa co faleŋaa kpeekpeiya ni, naa co Hala biiloo o hɛnan Kɔl-Diandaa bɛngu, mì n va sangalanndo o Yeesu Krista nin-nda, naa tiindan dɛnnda n'falulan te-a pɛɛn.

Filipea 1:4

Lɔ́ɔ́-lɔ́ɔ̀ ya va pɛ Hala piɛyo le niaa kpow, i piɛi a ɲaaloo,

Dɛnnda kiilaa 27:23

Kani mɛlɛkanɔ Hala nɔ ya baa coo-o, o ya co baalaa tosallo-o sɔɔnguu ya ikɛi cɛi icɔl,

Dɛnnda kiilaa 19:21

Dɛnnda lan hiovɔɔ, mí Pol tuu le keiyo Maseduan a Akaii le kɔlan Yerusalɛm. Mó dimi aa: «Lɔ́ɔ́ ya tiiyanin lon-ndo, mɛɛ mì kɔɛ vɛlɛ Rɔm.»

1Timote 2:7

Lelan o siinguu ya vana dimia diom Mɛlɛka-o a kiilaa ni, mì pɛɛku vanaa co N'Yuifi le-a laalanndo a toɲaa. O co lacòò le ya co dimio ho nuaa le, toɲaa ni.

Filipea 2:22

Kani niaa pila sínà mɛɛ Timote lo lediom coo a ya yɛ. Mɛɛ poo va fuɲaa ikɛi le ndu malaa nuaa yɛ, lende o co ya malaa le Yoongu kɛndɔɔ yondaa ni.

Kalatea 1:20

I ya co niaa hee dimullo-e, toɲaa i co ni, Hala o hɔl, o co lacòò le ya co niaa dimullo le.

2Korɛntea 11:31

Hala, o co Fuɲaa Maalii naa Yeesu-o, o co vana duaa le fɛɛn a fɛɛn-ndo sínà maa i co lacòòva dimi le.

Dɛnnda kiilaa 24:14

Kɛ nduyɛ, o ya nɔla mì cɛl nɔm o hɔl-lo co hoo ni: Hala fuɲaa naa mamaa ya co biiloo ni, maa mɛɛ nɛila Mɛlɛka lan la co yɛ, ken nda nda co cɔu còòlan nuaa ni. Nduyɛ, i laalan ɲɛ-ɲɛ tɔŋndo a vanaa-tɛɛngaa-diom Hala-a dimi.

Dɛnnda kiilaa 12:5

Piɛr va o kaasoo, kɛ vanaa Krista-aa va Hala piɛiyo le ndu ɲɛkɛndɛi.

Dɛnnda kiilaa 3:26

Le niaa Hala cuu vana ndɔ baalaa ni. O cuu ndu haliko mi vana-vana mal kela ndɔ vɔɔndo, mì la sɔla duaa.»

Luke 18:1

Mí Yeesu dimul kaandeŋaa ndɔa taloo le nda cɔmndo maa o bɛnda mà va Hala piɛiyo lɔ́ɔ́-lɔ́ɔ̀, maa a vu n'dial te.

Marke 1:1

Kandɔn Yoongu kɛndɛ Yeesu Krista, Po Hala-o-o.

SƐBƐ YƆB-O 16:19

Kandɔɔ nihau, i nɔ seiyo o halataala, i nɔ vana sim le ya-o coocoo pɔ́.

1Samiɛl 12:23

Le ya yɛ, sɔɛi vɔɔŋii bɛnduei o co le hakio cuaa a Mɛlɛka ni, te i pɛngi pɛ piɛilen le niaa. I vanin vɛlɛ niaa nɛi kɛndɔɔ a nɛi sandaa cɔmndo.

Filemɔn 1:4

Telen oo telen ya va pɛ piɛilen, i yiyan nɔm coo, i mel Hala nuu balika.

Filipea 1:3

Telen oo telen kɔllo kɔɛ ya pɛ o niaa lo, i candu Hala nuu.