Rɔmnda 1:32 - BII BILA

³² Kɛ nduyɛ, a siná yamɛi Hala-e pɛɛngu maa vanaa-vanaa co dɛnnda lan tosaa, piɔ́mndo co le nda ni. O tasoo, nda pila co dɛnnda lan tosaa, mà sim vɛlɛ vanaa co lan tosaa-a kɔɔli.

Rɔmnda 1:32 Referans Kwoze

Rɔmnda 1:21

Kani ndáà síná Hala tɛ́ɛ́, kɛ a ke ndu biilu bɛnda le ndu Hala-o le, a mel ndu balika le. Mí yiyannda ndalan la luei nda o laasianndo nin, mí kɔlta ndala idiɔmndan la luei nda o ɲumndan nin.

Rɔmnda 6:21

Tɔnɔ yɛɛ niaa sɔla yɛ o dɛnnda lan nin telen kon, dɛnnda siɛmbulan la co niaa biyɔɔ sunsun-ndan pɛɛn? Kani mɛɛlula dɛnnda lan co piɔ́mndo ni.

Rɔmnda 1:18

Kɔltuw Hala-o cɔmnun ceen fulaa o halataala le dɛnnda vɔɔnndan kpow a le dɛnɛ sandaa lepɛŋ vanndacieea co tosaa-o. A co toɲaa vionɔɔ a dɛnnda vɔɔnnda nda co tosaa lan.

Luke 11:48

Kon cɔm ni maa seiya niaa co ni, maa la hini kɔl a dɛnnda fuɲaa niaa mamaa tosa lan. Kani nda diw vanaa-tɛɛngaa-diom Hala-a, mì niaa niaa va sɛila ndalan cɔvɔɔ.

Condii lisai 50:18

Te la ce pɛ vuiyo, la sim ndu kɔɔli. Niaa vanaa suundaa co kelaa ni.

Dɛnnda kiilaa 22:20

Tuma nda va vɛlɛ Etiɛn sei nɔmndo diyɔɔ-o, ya bɛɛ i va isisi lon. Mí sim vanaa va ndu diyɔɔ-a kɔɔli, mí manda volɔɔla ndalan.›

Osee 7:3

A co masaa kɔllo nɛŋio a yɔŋ vɔɔn ndaa, mà va simlacia kɔllo nɛŋio a sɔɔn lacòòvan.

Dɛnnda kiilaa 8:1

Sol, o yiyan pilɛ kon va o kɔl o Etiɛn diyɔɔ-o bɛɛ va lon. Paale len, mí vannda kandu vanaa Krista-aa Yerusalɛm yɛle bɛndulen tollo. Mí vanaa laalannda kpow a sɛŋin, má kɔa nɛɛ-nɛɛ ka o tàndá Yuda-o nin a o lɛŋnde Samari len nin. Fɔ kiilaa daama ndáà lo Yerusalɛm ciee ni.

Talelan 28:4

Vanaa bii tɔŋndo le-a heelu vanaa kɔlvesɛiya ni, kɛ vanaa bii tɔŋndo-a, cɔlɔbaa nda cɔlɔba vanaa kɔlvesɛiya ni.

Rɔmnda 6:23

Kani sala hakio co piɔ́mndo ni, kɛ ɲɛ Hala ke vana fondo fúú-o, ndu co yoomu fɛɛn-fɛɛndo o Yeesu Krista nin ni, Maalii naa.

2Tesalonikea 2:12

Vanaa kɛ́-kɛ̀ kɛɛ sɔɛi toɲɛi laalan, mà va ɲaaloo dɔwnɔnndo a dɛnɛ vɔɔndo sɔlanin yaalaa.