Rɔmnda 1:30 - BII BILA

³⁰ congulan, Hala simullo, caanda yeowlan, yongaa, sangalanndo, yɔŋ vɔɔn bɛndu-bɛndoo a nila kalulan a vanaa velu nda-a.

Rɔmnda 1:30 Referans Kwoze

2Timote 3:2

Kani vanndacieea kaolannin nda pila, mà kaola volion. A vanin vanaa heelannda, a vanaa yongaa. A vanin sɔɔn tanan dimio a Hala o kɔɔ. A venin sɔɔn vanaa velu nda-a biyɔɔ le, a venin vanaa sinaa ikɛndɛ le, a kenin ɲɛm diandan Hala-on lebɛɛ le.

Yude 1:16

Vanaa kan co sɔɔn pɔmbɔn dimio a vannda tɔ́ɔ́yanndan biyɔɔ, mà va kelaa o yeeman ndan vɔɔnndon coo. A nɔ lebɛɛ a vana-vana le, fɔ vana nda co tɔnɔɔ solio o n'dial-lo.

2Piɛr 2:18

Sɔɔn fondon mala vana loon nda dimi ni, a yeemɛi ndɛi lasiɛmbuei nda bii vanaa hɛlun sɛnɛi vanaa luei vannda o pɔwlan nin-nda ni.

Nsaki 4:16

Kɛ sisa, la co kuundianndo o yiyannda niaala yongalan nin. Kuundian vaa lende kpow vɔw ni.

Nsaki 3:5

Lende koni i co a diɛɛmulen ni, dialii pɔmbɔɛi le co ni, kɛ mì le kuundian le sɔɔn bɛndon taw tosaa. La tofa vɔ mɛɛ yinnde pɔmbɔlen le loam bundɛ bɛndoo yɛ.

Tite 3:3

Kani naa bɛɛ diɔmnda naa n va paandu ni, vanaa bii isɔɔ le-a, n va o pɔwlan nin. N va cɛa le yeemɛi vɔɔŋun súú-súù ka a le yeemɛi ɲɛm kɛndɔn. N va kɔlvesɛiyo tosaa mí n va yeemɛi vɔɔnde. Náà n nɛinun vannda, mí nda bɛɛ va nɛyɔnndo a naa.

2Tesalonikea 2:4

Yaamɔɔ kalaa simulnin ɲɛ-ɲɛ vannda co veeloo aa hala, te kon te ɲɛ-ɲɛ nda co biiloo, háá mò kɔ luɛi o cɛi Mɛlɛka Hala-o nin, mò kɔ cal, mì ndu pila veelun aa hala.

2Korɛntea 10:15

Lelan n kilu yonga mì n hiow ba a baala caanda tosa-o le. Kɛ n nɔ tiindanndo maa laalan niaa cɔɔlunnin, o kon mì fonda vali naa n tosa niaa tɛɛn-ndo hiow laci, nduyɛ, n hiwnin pɛɛngula hendulun naa lan coo le.

Rɔmnda 3:27

Ɔ́ɔ̀ niko kɔlɔ naa n co kuundianndo-o? O co sɔɛi vana kuundian te. Kuundianndo le tɔŋ kuɛɛ nɛ? Le dɛnnda kuɛɛ nɛ? N bɛnda mì n kuundian le ɲɛ-ɲɛ le, fɔ le tɔŋ laalanndo.

Rɔmnda 2:23

A co kuundianndo maa a sínà tɔŋndo, kɛ a co Hala bɛ̀ɛ̀lan tɛɛmbuuo a tɔŋ n co tɛɛmbuuo-o.

Rɔmnda 2:17

Tofa-vɔ, nɔm pila co veelɔnndo aa Yuifnɔɔ, a tiindan tɔŋndo, a co lisanndo maa a sínà Hala,

Dɛnnda kiilaa 5:36

O co nin lɔ́ɔ́ levil, mí Teudas can, mí ndu pila siingun vana lebɛɔ, mí vannda del ndu kɔɔli, a va le n'van kɛmɛ lehiɔɔlu. Kɛ má dii ndu, mí vanáà del ndu kan kɔɔli-a piɔl, o kon vana tui lɛ ɲɛ-ɲɛ a ndu o kɔɔ le.

Luke 21:16

Hali fuɲaa niaa, kalaa niaa, puapilɛa niaa, vanayan niaan a caaŋaa niaa malnin niaa yaamɔaa niaa o ba. A diwnin vanaa pum niaa tɛɛn.

Matie 16:21

Cɔn nin a telen kon, mí Yeesu kandu kaandeŋaa ndɔa dimullo vakpa aa mɛɛ mò kɔɛ Yerusalɛm, mò kɔ sanga vanaa bɛndua o ba, simlacia vanaa-solia-lasálàá a vanaa pɛɛkaa latɔŋnda, mà dii ndu, mò tendul, mò fula vanvílɛ́iya tɛɛn o paale yàándɔlen.

Matie 15:4

Kani Hala dimi aa: ‹Biilu fuɲa nɔm a kala nɔm›, mó dimi vɛlɛ aa: ‹Vana dimi pɛ diomnde vɔɔnnden a fuɲa ndɔ, te kon te a kala ndɔ, o bɛnda mò sɔla piɔ́mndo›.

Esekiɛl 22:7

O nɔm nin, vannda co fuɲaa ndaa a kalaa ndaa tɛɛndanndo. O nɔm ndo, vannda co mialla delɔɔ coo, a co vííya a vanlaandua piaandaa ndaa vi-a saangiaa le nda tɔnɔɔ solio o n'dial.

Vana Kɔlkaloo 7:29

Mí ca ma Hala cɔw vanndacieea a sandaa, kɛ nda pila co ɲɔɔ kayakayaa ni.›»

Talelan 30:17

Te vanndo mam pɛ fuɲa ndɔ, mò kɛɛ le diom kala ndɔ-o biyɔɔ, basabasakoendea pee pɔmbɔa buuluunin ndu, mì kovɛa cuawva de ndu.

Talelan 25:23

Mɛɛ hoeyii fula a luaŋ-ndo-e hun a piɔɔ yɛ, lende yondala caabiyɛilan la hun a kɔlta tambɛilan ni.

Talelan 8:36

Kɛ vana pilan pɛ ya tana ndu kɔndu dɛnɛ. Vana-vana pɛɛsa ya pɛ, mɛɛ piɔ́mndo ndu yeema ni.»

Condii lisai 106:39

Mí nda pila nɔɔlian a dɛnnda nda va lan tosaa lan, má luɛi suunda-bilaa-n'piɔmndo.

Condii lisai 99:8

Éé Mɛlɛka Hala naa, a va nda mulullo, má biwnun a nda. Kɛ má tuisi nda sangaa coo le yɔŋ vɔɔn ndaa tosa-o.

Condii lisai 97:7

Siɛmbulan la biinin vanaa co piɔmnda sooloo-a kpow, vanaa co lisanndo a halaa fondoa-a pɛɛn. Halaa kan kpow baŋnin vulan Mɛlɛka o labɛngunin.

Condii lisai 94:4

A co sɔɔn yongan dimio, vanaa yɔŋ vɔɔŋaa kan kpow a co kuundianndo.

Condii lisai 81:15

I va yaamɔaa ndaa malɔɔ nda o ba sisa, mì yáà ciŋilan vanaa co nda ciŋilanndo-a.

Condii lisai 52:1

Condii David-e, í fula o condun simlacinɔ vanaa n'condua nin-nde.

Condii lisai 49:6

Le yɛɛ siòònde bii yɛnin ya o palɛi dɛnɛ palɛi, telen vanaa yɔŋ vɔɔnda balunin ya le ya delɔɔ coo-o?

2Dɛnnda lemasalan 25:19

Le tùú n nɔla Edɔmnda-o n heelu hɔlla nuaa ni nɛ? Cal o nɔm ndo ma kuundian mɛɛ n yeema yɛ. Le yɛɛ n yeema yɛ le dɛnɛ palaa tuisio nɔm pila a vanaa cɔwva Yuda coo?»

2Dɛnnda lemasalan 19:2

mí Yehu vana-tɛɛngaa-diom Hala-o, po Hanani-o kɔa ndu bɔŋaa, mó ɲuna ndu aa: «Le yɛɛ nɛ n mala yɛ vana vɔɔndo ho? Vanaa Mɛlɛka nɛɛnun-nda nɔm kaola ni? Kɔltuw Mɛlɛka-o toalnin nɔm coo le ɲɛ n tosa hoo-o.

1Masaa 20:11

Kɛ mí masa Israɛlla mulul ndu o tale nin, mó dimi aa: «La kɔ dimul ndu aa: ‹Vana co yáwlen yiinɔnndo le kɔlan o cɔwvo-o bɛnda mò sangalan maa vana kɔ nɔla yaamɔɔa o cɔwvo, mó muungu, mó va yáwlen timbio-o le!›»

Tɔŋ miingua 27:16

Màá dangaa va vana tɛɛndan fuɲa ndɔ a kala ndɔ-o coo! Vannda kpow a cɛlnin aa: ‹Amiina!›

Tɔŋ miingua 7:10

kɛ mò mingul vanaa nɔ nɛyɔn ndɔɔ-a màá, mó ŋɔɔciaa nda-o. O tamala le vana nɔ nɛyɔn ndɔɔ-o lukpaa le, sakpo o mingul ndu màá ni.

Kundalan 10:35

Telen oo telen ndáà cɛn pɛ a kesu kpemaa le kɔlan, Moise ndóò piɛi Mɛlɛka aa: «Cɔn, Mɛlɛka, haliko mi yaamɔaa nɔmnda sɔɔndian, mì vanaa nɔ nɛyɔn nɔmndo-a ɲaanun nɔm polon.»

Nsaŋ 7:7

Ceendo nɔla niaa kɛɔ le, a ya koni o nɔ nɛyɔnndo ni, kani i co cɔmndo maa dɛnnda ndɔlan la niŋ te.

Condii lisai 10:3

Vana kɔlvesɛiyo co heelɔnndo le yeemɛi ndɔɛi vɔɔnde. O va pɛ ɲɛm ndɔn lakafan biyɔɔ, o yeow Mɛlɛka, o mam ndu.

Condii lisai 5:5

Kani nɔm, a co Hala naŋ kɔl a dɛnɛ vɔɔndo le, vana yɔŋ vɔɔndo cel nɔm ikɛi le.

Talelan 24:8

Vana tuu tuula dɛnɛ vɔɔnndan-ndo, nuaa nda veelu ndu ni aa kɔɔfanɔ yɔŋ vɔɔndo.

2Korɛntea 12:20

Nduyɛ, buulanndo co ya, kani lɔ́ɔ́ ya tiiyanin lon-ndo, ko i komalnin pá niaa mɛɛ ya yeema yɛ mi niaa bɛɛ ce ya mɛɛ niaa yeema le ya cɔu yɛ. I co buulanndo, ko sɛɛngianndan ya komalnin niaa tɛɛn ni, ko paŋalianndan ni, ko kɔltuwvo ni. Te kon te, yevanndan, diolan vannda tɛɛmbuuo, congulan, kelaa a vannda o lasonndo, yongaa te kon te sɔngɔlan.

Esekiɛl 14:5

O kon, muli nuu hiiluunin Israɛlaa kɛɛ ya le piɔmaa ndaa kaakuua kpede sooloo-a.