Rɔmnda 1:28 - BII BILA

²⁸ Le tùú nda kɛɛ le Hala sinaa-o, mó mal nda a kɔlkalu nda laasi-laasio, má luɛi dɛnnda vana bɛnda le tosa le lan tosaa.

Rɔmnda 1:28 Referans Kwoze

Rɔmnda 1:21

Kani ndáà síná Hala tɛ́ɛ́, kɛ a ke ndu biilu bɛnda le ndu Hala-o le, a mel ndu balika le. Mí yiyannda ndalan la luei nda o laasianndo nin, mí kɔlta ndala idiɔmndan la luei nda o ɲumndan nin.

Tite 1:16

Vanaa kan a tiwba mà dimi maa a sínà Hala, kɛ mà kɛɛ ndu o dɛnnda ndalan nin. A nɛinun bɔɔ vannda, vanaa nila kalua nda co ni, a tiwba dɛnɛ kɛndɛ kɛ́-kɛ̀ tosaa le.

Yeremi 9:6

Lelan, o Mɛlɛka-Nɔ-Kpaayaa-Kpow-vo dimi-o co hoo ni aa: «I co nda dindi a yinnden mì soli nda kɔlɔ. Kani mɛɛ celen tosaa co a vanaa nia le!

Rɔmnda 1:24

Lelan Hala mal nda dɛnnda vɔɔnnda kɔlta ndalan láà yeema lan tosaa ni. O kon, mí nda pila tuisin siɛmbulan o dialun ndan nin.

2Timote 3:8

A simulnin toɲa Mɛlɛka-a mɛɛ Yanɛs nda Yambrɛs simul Moise yɛ (Fulaa 7.11).

Yeremi 6:30

A veelu nda aa: ‹Volin vɔɔnndon›, kani kɛɔ Mɛlɛka kɛɛ nda ni.

2Tesalonikea 1:8

O tuisinin vanaa sínà ndu Hala le-a a vanaa kɛɛ Yoongu kɛndɛ Maalii naa Yeesu-o biyɔɔ-a sangaa coo.

Osee 4:6

Vanaa nia dɔwnun yɛɛvɛ le sina lepɛŋndo. Le tùú niaa kɛɛ le ya sinaa-o, ya bɛɛ i co niaa ɲindɔɔ ikɛi, la ve lɛnin o vali solia lasálà nuu nin te. Mɛɛ niaa pɔɛɛnun tɔŋ Hala niaa yɛ, ya bɛɛ i co cuavaa niaa pɔɛɛnɔn lende.

Talelan 1:29

Kani la pɛɛsa dɛnɛ sinaa, la cɛl le siòòŋii Mɛlɛka-e nɔu le.

Talelan 1:22

‹Éé niaa vanaa bii haa dɛnɛ bila le-a! Mì la lo vɔ sina lepɛŋndo ho kaolaa háá lɔ́ɔ́ kuɛɛ nɛ? Niaa vanaa mamɔɔ tɛɛndannda yɛ, mì la lo vɔ mamɔɔ tɛɛndanndo ho háá lɔ́ɔ́ kuɛɛ nɛ? Kpòkóó niaa diɔmaa soondo vesɛiya ha! Háá lɔ́ɔ́ kuɛɛ niaa bɛɛ lo yɛnin dɛnɛ sinaa pɛɛsaa nuaa tuŋ?

Talelan 1:7

Siòòŋii Mɛlɛka-e nɔu, kon co kandɔn kɔlkaloo ni. Diɔmnda co kɔlkaloo a pɛɛkoo pɛɛsaa.

1Korɛntea 15:34

La tosa dɛnɛ sandaa, la tosa lahaki le, kani a pum a sínà Hala le, i ya co hee dimio-e co dɛnɛ lasiɛmbu le niaa.

Rɔmnda 1:18

Kɔltuw Hala-o cɔmnun ceen fulaa o halataala le dɛnnda vɔɔnndan kpow a le dɛnɛ sandaa lepɛŋ vanndacieea co tosaa-o. A co toɲaa vionɔɔ a dɛnnda vɔɔnnda nda co tosaa lan.

Yeremi 4:22

«Diɔmnda vanaa nia co lekɛ́ndɛi ni, a sina ya le, cuavaa kindu kɔl te-a nda co ni. Ɲɛ-pɔmbɔ bɛɛ a nɔ kɔlkalu le, le dɛnɛ vɔɔndo tosaa daama nda kendu kɔl ni, kɛ a sina dɛnɛ kɛndɔɔ tosaa le.»

Efɛsea 5:4

O bɛnda vɛlɛ mi sɔɔn vɔɔnndon, sɔɔn diɔmndon, te kon te sɔɔn nɔɔlɛiyon n fula niaa o lasondo le. Kɛ la sínà kɛndɛi Hala-e mì la va ndu balikaa mello.

Rɔmnda 1:26

Lelan Hala mal nda ni, má del yeemɛi vɔɔŋii tuisi nda siɛmbulan-nde kɔɔli, kani laandua ndaa co lɛ kpelemɔɔsaa tosa mɛɛ vanndacieea bɛnda le tosaa yɛ le.

Talelan 17:16

Volion va bɛɛ diɔm sondo vesɛiyo o ba, kpeku yɛɛ o soli yɛ a mun? Mò va maa kɔlkaloo o piandunin a mun ni? Kani o pe lebol te.

2Piɛr 3:5

Má tosa maa lapɔɛɛnɔn, maa o co nin lɔ́ɔ́ levil, mí Hala cɔaw halataalaa a lɛŋnden a sɔɛi ndɔɛi. Mí lɛŋnden le fula o mɛnndan nin, mí le sɛyan a man, mí le tosan o sɔɛi Hala-e ken nin.

Filemɔn 1:8

Lelan, hali i nɔ bɛɛ dí nuaa taw o Krista nin le nɔm dɛnnda n nɔ le tosaa lan dimullo,

2Korɛntea 10:5

N co yiyannda lacòòvalan a sɔɔn yongan kɛ́-kɛ̀ n co dɛnɛ sinaa Hala-o simullo tɛɛmbuuo, mì n va kɔltan kpow mingio nɛɛ pilɛ le diom Krista-o biyɔɔ.

Dɛnnda kiilaa 17:32

Ndáà tueyɔɔ Pol sɔɛi a tendul vanvílɛ́iya o kɔɔ, mí vanaa pum can ndu mamɔɔ, mí a pum nda dimi aa: «Lɔ́ɔ́ celen a dimul naa.»

Dɛnnda kiilaa 17:23

Kani telen ya va balɔɔ o kobi niaa nin-ndo, mí tofa sooluula niaalan. Mí komal bɛɛ fonda-loamaa-lasálàá pum a sɛvaa ho lecoo aa: ‹Le hala vana sina loo›. Ɛ̀ɛ̀ nduyɛ, o niaa co kon piɛiyo la sina ndu loo, sɔɛi ndɔɛi ya co niaa tiiyilallo ho nuaa ni.

O Kandɔɔ 6:5

Mí Mɛlɛka ca maa kɔlvesɛi vanndacieea va hiovɔɔ laci o ceendo coo tuŋ, mó ca maa lepalaa-lepala, yiyannda vɔɔnnda va nda o lakɔl-tan la va nda lueiyo o dɛnɛ vɔɔndo nin.

2Samiɛl 22:27

Vanndo va pɛ vana diandaa, nɔm bɛɛ cɔm ndu diondɔɔ nɔmndo, kɛ vanndo va pɛ vana muuluanndo, nɔm bɛɛ cɔm ndu maa a caa muulɔnndo.

Condii lisai 69:27

Kani vanaa nɔm cii nin lɔɔ-a, nda co vɛlɛ cɔɔloo vanaa kan soŋɔɔ. Vanaa nɔm cii nin yɔŋul-la, nda co vɛlɛ keiyo tombolaa a sanga vanaa kan o lasondo.

Esekiɛl 20:25

Mí hendu nda tɔŋnda niŋ te lan, mí ɲindu nda o la ke vana yoomu le lan nin.

Esekiɛl 14:5

O kon, muli nuu hiiluunin Israɛlaa kɛɛ ya le piɔmaa ndaa kaakuua kpede sooloo-a.