Vɛ̀ɛ̀ vanaa-mangalaa-isɔɔa pum co lon, a singa halaa ndaa-a, hali o va bɛɛ maa a co halaa kpeekpei le? Nduyɛ, vanaa nia nda cii biilu ndaa, o co Hala ndaa-o singa a halaa nɔla vana baŋa le-a.
Le mɛɛ naa n co cuavaa Hala-a yɛ, n yiyan te maa Hala celen co, o velan a piɔm n'sianio, o n'volio, te kon te o lapowvo-o, o vanacieo yiyan mó cɔaw-vo.
A cii còòlan mingi o fonda toɲa Hala-o, má va ɲɛm Hala cɔw-von biiloo a mun baalaa tosallo yɔŋii nda biilu Hala cɔw ɲɔɔn kpow-vo, o biiloo co le ndu le fɛɛn a fɛɛn-ndo pɛɛn. Amiina!
Kani dɛnnda kɛ́-kɛ̀ niaa tosa o paandoo nin, o hɛnan vanaa sina Hala le-a nin niaa yɔŋ kon ni, kela laasi-laasio, yeemɛi n'faluei, bahiuvaa le mɔiyan kolɔɔ a dɛnndan nin, bɔŋiannda kolaa mamɔilan, a mààla biilaa n'piɔmndan.
Mí luɛi, mí mɛɛndan, mí ca ɲaa sasun lɛŋ-nda a visia nɔɔlɛyaa vɔɔnda súúlan kpede, piɔmaa cuavaa Israɛlla va sooloo-a kpow a va a tuuliaa o kpakio balɔɔ pindo.
Vana sialaa yɔmndo va pɛ baalaa, o tuu yɔmndo a yoolen, o tɛnda tindilen a pindipindio, o sɛl yɔmndo a kelio, o tuuliaa ɲɛlan lecoo a kɔmpaalan, o soli ndu hɔlla maa vanaciee, o toosiaa ndu o naŋ maa vanaciee, haliko mo kɛsi ndu cɛi máándo nin.
La heelu vɔ hɔlla mì la tofa coocoo! Nɛ̀ɛ́-nɛ̀ cɔw yɛ ɲɛm mun? Ndu co tosaa ni mì n va kɔlan o polalen, o co mun veeloo, ɲɛ kɛ́-kɛ̀ a diola ndɔlan. Le kpaaya ndɔ bɛndoo a le yoomuma ndɔan, ɲɛ-ɲɛ co lo kɔɔli le.
Vanndacieea tɔ̀a dɛnnda palaala lan la dii le-a, nda mangalan mà mal dɛnnda nda va tosaa lan te. A pɛngi ɲinaa vɔɔnda a piɔmaa n'siania, a n'volia, a n'daɲaa, a lapowva a piɔmaa nda sɛl a yɔmnde-a sooloo le. Piɔmaa kan yɛ, a ci le, a tui le, a kpeŋan te.