Rɔmnda 1:21 - BII BILA

²¹ Kani ndáà síná Hala tɛ́ɛ́, kɛ a ke ndu biilu bɛnda le ndu Hala-o le, a mel ndu balika le. Mí yiyannda ndalan la luei nda o laasianndo nin, mí kɔlta ndala idiɔmndan la luei nda o ɲumndan nin.

Rɔmnda 1:21 Referans Kwoze

2Masaa 17:15

A yondal Mɛlɛka ndóò yondal nda kon-ndo kpede, má kɛɛ silala ndɔlan a kpema ndóò yiilu fuɲaa ndaa mamaa-o. Má mulin halaa fondoa sooloo. Lelan mí nda pila siŋnun vanaa fondoa, má del vanaa-mangalaa-isɔaa va icali nda ikɛi-ya kɔɔli o kelala ndalan nin, vanaa Mɛlɛka ndóò kuuna nda le delɔɔ kɔɔli-a pɛɛn.

Yeremi 2:5

Diom Mɛlɛka dimi-o co hoo ni aa: ‹Dɛnɛ vɔɔn yɛɛ fuɲaa niaa mamaa saalun yɛ o ya nin? Le kɔlɔ yɛɛ nɛ nda faŋan yɛ ya kɔɔli má kɔa ɲɛm fondo-fondon kɔɔli, mí nda pila siŋnun vanaa fondoa?›

Condii lisai 50:23

Vana-vana solul-la pɛ sálà malaa balikaa, mɛɛ ndu biilu ya. Vana-vana caa pɛ kelaa, i cɔmnin ndu maa ya co vana ciindiaa ndɔɔ ni.›»

2Timote 3:2

Kani vanndacieea kaolannin nda pila, mà kaola volion. A vanin vanaa heelannda, a vanaa yongaa. A vanin sɔɔn tanan dimio a Hala o kɔɔ. A venin sɔɔn vanaa velu nda-a biyɔɔ le, a venin vanaa sinaa ikɛndɛ le, a kenin ɲɛm diandan Hala-on lebɛɛ le.

Dɛnnda cɔɔmuanndan 14:7

Mó va dimio coocoo kpélén aa: «La tuisin Hala o labɛngunin mì la ke ndu biiloo, kani telen o kialunin yamɛi ndɔɛi-yo tiiya. La baŋ vulan vana toosiaa halataalaa, lɛŋnden, mɛmma ihɛllan a peela leboltan-ndo o labɛngunin.»

Nsaŋ 3:19

Yamɛi ken co yɛ hee ni: Ɲɛ-tengaa hin o ceendo coo, mí vanndacieea kaola ɲumndan hiovɔɔ ɲɛ-tengaa coo, kani dɛnnda ndalan la niŋ te.

Dɛnnda cɔɔmuanndan 15:4

Mɛlɛka, nɛ̀ɛ́ tɔɔndan yɛnin mo kɛɛ diola nɔmndan biilu? Kani nɔm pilɛ kpé co o diandaa ni. Vanaa-mangalaa-isɔɔa kpow a hunnin mà baŋ vulan nɔm o labɛngunin, kani sandii nɔmnde cɔmnun vakpa.»

1Piɛr 2:9

Kɛ niaa, vanaa Hala hɛli-a niaa co ni, vanaa-solia-lasálàá lemasaa, kunda diandaa, haliko mi la yonda dɛnnda kɛndɛla vana soli niaa o ɲumndan nin, mó cuu niaa o ɲɛ-tengaa ndɔ sɔvɛɔ-o nin-ndo lan.

Condii lisai 81:12

Kɛ niaa yungu nuu, la tui ya diom te, Israɛlla yeema ya le.

Yeremi 16:19

Mɛlɛka, nɔm co kpaaya nuu a vana co ya kandaa-o ni, nɛɛ nia viannannda o paale dɛnɛ palaalen coo! Vanaa-mangalaa-isɔaa sina Hala le-a hunnin nɔm o ibuŋ fulaa o ceendo mɛɛlulan, mà dimi aa: «Fuɲaa naa mamaa sɔla kɛ́ celen te, fɔ còòlan, ɲɛm fondon soli vana kpeku lon.

Rɔmnda 11:10

Màá pundaa tol nda o lahɔl yɔŋii nda cɔ, tosa mì kɔɔlan la va nda la tundanndan lɔ́ɔ́-lɔ́ɔ̀, la sandu le pɛ.»

Rɔmnda 1:28

Le tùú nda kɛɛ le Hala sinaa-o, mó mal nda a kɔlkalu nda laasi-laasio, má luɛi dɛnnda vana bɛnda le tosa le lan tosaa.

Rɔmnda 1:19

Nduyɛ ɲɛ vanndacieea bɛnda mà sina a Hala o kɔɔ-o co nda o hɔl kpendekele, Hala pila cɔm nda ndu ni.

Rɔmnda 15:9

O hin haliko mi vanaa co n'yuif le-a biilu Hala le ɲíí ndɔɛi, maa mɛɛ o co o sɛvaa yɛ aa: «Lelan ya sangalanin nɔm vanaa-mangalaa-isɔɔa tɛɛn ni, mì soli condon le diola nɔmndan sangalaa.»

Dɛnnda kiilaa 26:18

I co nɔm vomɔɔ mà kɔ kumbi nda hɔltan, mà soli nda o ɲumndan nin, mà ce ɲɛ-tengaa. Mà soli nda o kpaaya Setana-o bɛngu, mà muungu Hala o ibuŋ. O kon taa laalan ya pɛ, a sɔlanin hakio malɔɔ, mà sɔla vɛlɛ kɛ́ ndaa vanaa Hala-a tɛɛn.›»

Osee 2:8

Lelan, ya Mɛlɛka, i co ndu nɛiyo kinda laci a yɔɔn, i co ndu kpakio cɔvɔɔ laci. O ci lɛnin nɛi o vanin kɔlan coo-o le.

Esai 60:2

Tofa vɔ, ɲumndan ma kunbu lɛŋnden mɔku-mɔku, ɲumma n'kpungban ma mel vanaa súúla celennda. Kɛ nɔm nɔm, Mɛlɛka co nɔm tengaa coo maa lepala, biilu ndɔɔ cɔmnun nɔm coo.

Condii lisai 86:9

Vanaa-mangalaa-isɔɔa n cɔw-va kpow a hunnin mà baŋ vulan nɔm o labɛngunin Maalii, a sangalanin diola nɔmndan.

1Piɛr 1:18

Kani la sínà maa o co a volion, te kon te a sianion, ɲɛm támbù mun-ndon te niaa sɔla baŋaa dɛnnda niaala fondolan ba le, dɛnnda fuɲaa niaa mel niaa kɛ́ɔ lan pɛɛn.

Vana Kɔlkaloo 7:29

Mí ca ma Hala cɔw vanndacieea a sandaa, kɛ nda pila co ɲɔɔ kayakayaa ni.›»

Tɔŋ miingua 28:29

La vanin kɔlan a nɛiyo nuwviaa a paale kalalen mɛ̀ɛ́-mɛ̀ɛ́ vanaa sumɛiya kɔa a nɛiyo nuwviaa o ɲumndan nin nuaa yɛ. Ɲɛ-ɲɛ niaa vanin tosaa, o biinunnin bila niaa o ba le. Lepalaa-lepala, à vanin niaa delɔɔ coo a niaa ɲɔɔn poondiaa o laba, vana-vana venin le niaa baŋaa le.

O Kandɔɔ 8:21

Mɛɛ Mɛlɛka tuei hoeyii kɛndɛi sálà kon cun, mó dimi aa: «I dow lɛnin lɛŋnden danga le kela vɔɔn vanacieo le. Kani cɔn o felengiyɛi nin, yiyan tosaa yɔŋ vɔɔndo kposon co ndu o kɔl ni. I tɛɛmbuu lɛnin ɲaa yoomaa kpede mɛɛ ya tosa o laan nuaa yɛ le.

O Kandɔɔ 6:5

Mí Mɛlɛka ca maa kɔlvesɛi vanndacieea va hiovɔɔ laci o ceendo coo tuŋ, mó ca maa lepalaa-lepala, yiyannda vɔɔnnda va nda o lakɔl-tan la va nda lueiyo o dɛnɛ vɔɔndo nin.

1Masaa 20:23

Mí vanaa baalaa masaa Aram dimul ndu aa: «Hala n'pemboo Hala Israɛlla co ni, lelan ndáà hiow naa yoomuan nuaa ni. Kɛ n cɔlɔba nda pɛ o dɛngbɛlan nin, n co nda nɔla.

Yeremi 9:14

diom ya Mɛlɛka-Nɔ-Kpaayaa-Kpow-vo, ya Hala Israɛlla dimi-o co hoo ni aa: «I co vannda ha bil loloo ke mà de, mì koesi nda bɔ̀tàá.

Yeremi 17:9

Ɲɛ-ɲɛ hui vana maa kɔl vanacieo le. Vana nɔla ndu singio le, vana nɔla ndu bɛɛ bila biyɔɔ le.

Esekiɛl 20:25

Mí hendu nda tɔŋnda niŋ te lan, mí ɲindu nda o la ke vana yoomu le lan nin.

Esekiɛl 14:5

O kon, muli nuu hiiluunin Israɛlaa kɛɛ ya le piɔmaa ndaa kaakuua kpede sooloo-a.