Rɔmnda 1:20 - BII BILA

²⁰ Bau kabi Hala cɔw ceendo, kpaaya ndɔ lɔ́ɔ́-lɔ́ɔ̀-o a halayɛi ndɔɛi vana ci lei cɔmnun kpendekele o dɛnnda ndɔlan nin le mɛɛ vannda bii lan bila yɛ. Lelan vanndacieea nɔ lɛ mɛɛ dimia le.

Rɔmnda 1:20 Referans Kwoze

Rɔmnda 1:19

Nduyɛ ɲɛ vanndacieea bɛnda mà sina a Hala o kɔɔ-o co nda o hɔl kpendekele, Hala pila cɔm nda ndu ni.

Esai 40:26

La heelu vɔ hɔlla mì la tofa coocoo! Nɛ̀ɛ́-nɛ̀ cɔw yɛ ɲɛm mun? Ndu co tosaa ni mì n va kɔlan o polalen, o co mun veeloo, ɲɛ kɛ́-kɛ̀ a diola ndɔlan. Le kpaaya ndɔ bɛndoo a le yoomuma ndɔan, ɲɛ-ɲɛ co lo kɔɔli le.

Condii lisai 8:3

A sondola cuaambɔa pɔmbɔa a á sondola cɛlɛkpɛa co vɔɛiyo-a n cɔlɔbà yaamɔaa nɔmnda ni. A sondola lan n kinda yaamɔaa yeema le nɔm màá mingullo-a sondolan ni.

Rɔmnda 2:15

Kon co cɔmndo ni maa dɛnɛ tɔŋndo co o sɛvaa nda o lakɔl, kɔlta ndalan la co lesei le ken. Yiyannda ndalan bɛɛ la co lesei, lan la yaala nda lɔ́ɔ́ lepum ni, mì la cɔm nda kɔɔsɔɔ.

Nsaŋ 1:18

Vana-vana ci vɔ Hala le, Hala Po pilɔɔ, o co o Fuɲaa nin-ndo, ndu cɔm vana ndu ni.

Nsaŋ 15:22

Te yáà hin mí yáà soaa o nda lo le, ndáà nɔnin haki le. Kɛ nihau, a sɔla lɛnin malɔɔ lahakio le haki ndaa le.

1Timote 1:17

Màá Hala Masa co le fɛɛn a fɛɛn-ndo, o vi loo, o co Hala ndu pilɛ kpé-o va bɛɛlen sɔlaa a biiloo lɔ́ɔ́-lɔ́ɔ̀! Amiina!

Kolɔsea 2:9

Kani ɲɛ-ɲɛ co o Hala nin, mí kon cua diallon Krista-on, nduyɛ o co ndu nin o peelan ca.

Condii lisai 139:13

Nɔm cɔw ɲɛm co ya nin-ndon ni, nɔm mɔɔsiaa ya kala nuu o dembe ni.

Condii lisai 119:90

A lonin o lediom coo le lambilan a lambilan, a toosiaa lɛŋnden mì le sim yili.

Condii lisai 104:5

A cii lɛŋnden kila má baŋ nden, le kpeŋan ndɛnin lɔ́ɔ́-lɔ́ɔ̀ le.

Hebreea 9:14

Nɛɛ ken tosan-ndɔ lende, vɛ̀ɛ̀ kooma Yeesu-an man ma hiw kpaayaa lende le? Kani a kpaaya Hala Kɔl-Diandaa ndu pila yɔngun Hala ni, maa cɔlu sálà nɔ lenamta loo. Lelan, o dindinin kɔlta naalan le dɛnnda naala vɔɔnndan haliko mi n tosal Hala yoomaa vallo.

Rɔmnda 2:1

Éé nɔm vanacieo! Nɔm co yaman caanda kiolɔɔ-o, mɛ̀ɛ́-mɛ̀ɛ́ n va, a nɔ mɛɛ kɔɔsaa le, kani le dɛnɛ n co yamɛi caanda kiolɔɔ-o, nɔm bɛɛ co ndu tosaa, mɛɛ nɔm pila cii yaalan.

Tɔŋ miingua 4:19

La héélù hɔlla o halataala mì la mɛɛndan paalen, paangei, loeon a ɲɛm co lon-ndon, mì la báŋ vulan mun o labɛngunin le mun sooloo le. Ɲɛm Mɛlɛka Hala niaa mel vanaa-mangalaa-isɔɔa tɔ̀a co o lɛŋnden coo kpow-va ni maa kɛ́.

Kolɔsea 1:15

Yeesu co vundule Hala vana ci le len ni. Ndu co Po tasoo o ɲɛm Hala cɔw-von kpow nin ni,

Yeremi 5:21

Niaa vanaa kindu haa lakɔl te-a, niaa vanaa nɔ lakɔl niŋ te-a, la yaŋ nilan! La nɔ hɔltan, kɛ la ci a lan te. La nɔ nilan, kɛ la tui a lan te.›

Esai 26:4

Lelan la handu laalan niaa Mɛlɛka coo le fɛɛn a fɛɛn. Kani Mɛlɛka co pow kpovaa le fɛɛn a fɛɛn ni.

Esai 9:6

Tofa vɔ ɲɛ o tosanin-ndo: masalen pɛngɛlaa mì le kui, vana co o kpɛŋɛ lemasa David-o coo-o a masale ndɔlen kɔlɲulu nɔ lamɛɛlu loo yɔngoo, yoomuan masale ndɔlen lueiyo a len simio yili, a dɛnɛ sandaa a sakpoyɛi, kandɔɔ sisa háá le fɛɛn a fɛɛn. Dɛnndan ndan Mɛlɛka-Nɔ-Kpaayaa-Kpow-vo tosanin a dialun fulaan ni.›»

Condii lisai 104:31

Màá nɔm Mɛlɛka va sangalaa sɔlaa lɔ́ɔ́-lɔ́ɔ̀! Màá dɔwnun ɲaale a ɲɛm n cɔw-von!

1Timote 6:16

Ndu pilɛ kpé co yoomu le fɛɛn a fɛɛn ni. Ɲɛ-tengaa o co nin-ndo, vana-vana nɔla mà sɔɔnguu ndu ikɛi le. Vana-vana ci vɔ Mɛlɛka le, nduyɛ vana nɔla mà ce ndu le. Màá o sɔla bɛɛlen a kpaaya fɛɛn-fɛɛndo! Amiina!

Rɔmnda 16:26

Sunsun, o co o cɔmnan kpendekele. O kon mí vanaa súúla yɛ́-yɛ́a co n'yuif le-a a sínà yoongu kon o sɛbɛla vanaa-tɛɛngaa-diom Hala-a nin. Hala co le fɛɛn a fɛɛn-ndo dimi ndu ni, haliko mi vannda súúlan kpow a laalan ndu, mà bii sɔɛi ndɔɛi.

Dɛnnda kiilaa 17:29

Le mɛɛ naa n co cuavaa Hala-a yɛ, n yiyan te maa Hala celen co, o velan a piɔm n'sianio, o n'volio, te kon te o lapowvo-o, o vanacieo yiyan mó cɔaw-vo.

Condii lisai 90:2

Lɔ́ɔ́ pá mí pembon fula, lɔ́ɔ́ pá mí lɛŋnden a ceendo kandun, nɔm co Hala fɛɛn-fɛɛndo ni.

Tɔŋ miingua 33:27

Nɛɛ viannannda Hala co le fɛɛn a fɛɛn-ndo co ni. Bala ndɔlan la co lahavaa lebɛngu yɔŋii niaa del. O co yaamɔaa niaa tovɔɔ niaa laci, mò va niaa dimullo aa: ‹La tɛɛmbuu nda!›

Hebreea 11:27

A laalanndo, mí Moise faŋan Esipte, siòòŋii bii ndu le kɔl tambɛi masaa le. Mó sim yili, vanáà ca ko aa Hala vana ci loo o va cɔu ni.

Matie 5:45

O kon, la vanin cuavaa fuɲa niaa co o halataala-o-a. Kani o soli paalen le vanaa vɔɔnda a le vanaa kɛndɛa, mó tuisi piɔɔ le vanaa sandaa a le vanaa sendu le-a.

O Kandɔɔ 21:33

O kon kɔɔli, mí Abraham tɔal yɔmndo, tamariio, Bɛɛr-Seba lon. Mó biilu Mɛlɛka, Hala co le fɛɛn a fɛɛn-ndo pɛɛn.

Dɛnnda kiilaa 22:1

«Puapilɛa nia a fuɲaa nia, la tuei ɲɛ ya co niaa dimul le vuunɔnndo le sɔɛi he-o.»

O Kandɔɔ 1:1

O kandɔɔ tasoo, mí Hala cɔaw halataalaa a lɛŋnden.

SƐBƐ YƆB-O 12:7

Kɛ ɲuna vɔ visia mà kindi nɔm kɔl, Ɲuna vɔ yowva coocoo mà pɛɛku nɔm isɔɔ.

Yeremi 51:15

Mɛlɛka cɔw lɛŋnden a kpaaya ndɔɔ. O cɔw ceendo a taasi ndɔɔ. O tondu halataalaa a kɔlkalu ndɔɔ.

Marke 10:6

Kɛ o ceendo cɔwnɔn-ndo, vanapɔnɔɔ nda vanalanɔɔ Hala toosiaa ni.

1Korɛntea 1:20

Kuɛɛ vana kɔlkaloo co yɛ? Kuɛɛ vana dɛnɛ sinaa co yɛ? Kuɛɛ vanaa caa kɔɔsɔ sondoo-a co yɛ o telenndo ho bɛngu? Vɛ̀ɛ̀ o co Hala le sííngùù dɛnɛ sinaa ceendo ho diɔmnde le?