Rɔmnda 1:15 - BII BILA

¹⁵ Lelan yeemɛi co ya taw le niaa co Rɔm-nda Yoongu kɛndɔɔ tiiyallo.

Rɔmnda 1:15 Referans Kwoze

Rɔmnda 15:20

Kɛ ya pila daama hɛli le Yoongu kɛndɔɔ yondaa o lɛŋii vannda sina vɔ Krista lei nin ni. Yɔŋii yáà tangul o kila vana celen coo.

1Korɛntea 9:17

Te i tiiyal pɛ vannda Yoongu kɛndɔɔ a kɔl nuu, i sɔla vɔ̀ngɔ̀ɔ́. Kɛ te i tosa pɛ kon mò ve a kɔl ni le, mɛɛ baala yɔngun ya-o daama ya co tosa kon lende ni.

Esai 6:8

O kon, mí tuɛi diom Maalii-o, mó ɲuna aa: «Nɛ̀ɛ́-nɛ̀ ya viam yɛnin nɛ? Nɛ̀ɛ́-nɛ̀ kɔa yɛnin le naa?» Mí muli aa: «Má cè ya! Viom ya.»

Matie 9:38

Lelan la tɛɛlun vana iciɛɔ, mò yɔngu vanaa baalaa le ndi kovɔɔ.»

1Masaa 8:18

kɛ mí Mɛlɛka dimul ndu aa: ‹Yiyan kɛndɔɔ pila n sɔla kon le ya Mɛlɛka cɛiyo tengullo ni.

2Korɛntea 8:12

Kani te vanndo nɔ pɛ yeemɛi le yɔngoo, Hala cɛl mɛɛ sɔla vana kon co yɛ, kɛ o ve mɛɛ sɔla ndɔ co le yɛ le.

Rɔmnda 12:18

Te kon nɔla pɛ tosan, te a niaa sɔɛi co ni, la kindin mì la va o kɔlɲuloo nin a vannda kpow.

Dɛnnda kiilaa 21:13

Kɛ mó muli aa: «Le yɛɛ nɛ niaa co yɛ caŋndo mì la va ya kɔllo tɛɛmbuuo? Kani o co le ya yiiyo daama le ya co o bɛɛndianndo le, kɛ haliko mi sɔla vɛlɛ piɔ́mndo Yerusalɛm o diola Maalii Yeesu lan.»

Nsaŋ 4:34

Mí Yeesu dimul nda aa: «Ɲɛdiaa nuu co hɛnan vana vem ya-o tosaa a vali ndɔɔ siowvo ni.

Marke 14:8

Ɲɛ o nɔla-o o tosa ni. Cuɛima cun kɛndɛma o taaliaa ya man coo-an, le kumbɔɔ nuu o bɛɛndiaa pɔɔ dialun nun nuaa ni.

Rɔmnda 10:15

Nduyɛ vɛɛ nɛ nda yonda yɛnin, te vana vim nda le? Maa mɛɛ o sɛvan yɛ aa: «O naŋ bɔɔ le vanaa kan cɔu hunɔɔ, vanaa co yoongula kɛndɛlan yondaa-a.»