Rɔmnda 1:14 - BII BILA

¹⁴ Kuee pilaa co ya, kuee vanaa sinaa dɛnɛa a o vanaa sina dɛnɛ le-a, kuee vanaa kɔlkalua a o vanaa nɔ kɔlkalu le-a.

Rɔmnda 1:14 Referans Kwoze

Kolɔsea 3:11

Lelan, Krɛkinɔ co lɛ le, Yuifnɔ co lɛ le, falenɔ co lɛ le, kɔ̀ndénɔ co lɛ le, vana sinaa dɛnɛ lepɛŋ co lɛ le, vana sinaa dɛnɛ co lɛ le, cɛ co lɛ le, vana co o ba ndɔ coo co lɛ le. Kɛ Krista tiw le nda kpow, o co vɛlɛ nda nin kpow.

Dɛnnda kiilaa 9:15

Kɛ mí Mɛlɛka dimul Ananias aa: «Kɔ! I cii langbanɔ kon hɛli, i keinin a ndu o kɔɔ, mì cɔm vanaa-mangalaa-isɔɔa a masaa ndaa diola nilan, kɔ bii niko vanaa nia, Israɛlla pɛɛn.

Dɛnnda kiilaa 22:21

O kon mí Maalii dimul-la aa: ‹Kɔ, i viamnin nɔm o vanaa co N'Yuifi le-a lo.›»

Rɔmnda 12:16

La kela kela kɛndɔɔ niaa pila tɛɛn vellaa-velle. La va vanaa kuundian te, kɛ la tosa dɛnndan kpow o tuisinndo nin. Niaa pila cannun vanaa kɔlkalu le.

2Korɛntea 11:19

Niaa vanaa kɔlkalua co vɔ cɛlɔɔ a kɔlta niaalan kpow le diɔmnda biuvɔnndo.

Rɔmnda 16:19

Niaa niaa, vannda kpede a sínà maa vanaa biyaa isɔɔa niaa co ni, lelan ya naŋ kɔl a dɛnɛ niaa ni. Nduyɛ i yeema mì la va vanaa kɔlkalua a dɛnɛ kɛndɔɔ o kɔɔ, mì la va vanaa diandaa a dɛnɛ vɔɔndo o kɔɔ.

Rɔmnda 13:8

Kuee vana-vana va niaa le, fɔ kaolianndo vellaa-velle. Kani vana kaola pɛ caanda, mɛɛ ndu peelu tɔŋndo.

Rɔmnda 8:12

Lelan puapilɛa nia, kueo co naa, kɛ o co kuee n'falu le kelaa o dɛnnda n'falulan nin te.

Rɔmnda 1:22

Nda pila va sangalanndo maa a kendu lakɔl, kɛ a siŋnun diɔmnda.

Esai 35:8

A busanin nɛiyo, nɛi bɛndoo o lɛŋnde len nin, a kenin nɛi kon diolan aa: «Nɛi diandaa.» Vana nɔɔlɛi keinin o nɛi kon coo le. Le yungu Mɛlɛka-o daama o vanin ni, vanaa vanin keiyo o nɛi kon coo-a, hali diɔmnda a luusiannin te.

Tite 3:3

Kani naa bɛɛ diɔmnda naa n va paandu ni, vanaa bii isɔɔ le-a, n va o pɔwlan nin. N va cɛa le yeemɛi vɔɔŋun súú-súù ka a le yeemɛi ɲɛm kɛndɔn. N va kɔlvesɛiyo tosaa mí n va yeemɛi vɔɔnde. Náà n nɛinun vannda, mí nda bɛɛ va nɛyɔnndo a naa.

2Timote 2:10

Lelan i co dɛnndan kpow biuvɔn le dɛnɛ kɛndɛ vanaa Hala hɛli-a, haliko mi nda bɛɛ sɔla cindaa, o fula Yeesu Krista o ba-o, mà sɔla vɛlɛ biilu fɛɛn-fɛɛndo.

2Korɛntea 10:12

Kani n tɔɔndan bɛɛ le siimanndo, te kon te le tuwvanndo a vanaa nɔ yiyannda vaa lende-a a pum te. A co kan nda pila cuannɔnndo maa ɲɛ tuvaa-a, nda pilaa tɛɛn nda co tuuŋanndan ni. Diɔmnda nda co ni.

1Korɛntea 14:16

Dɔw bɛɛ duaa o diola Kɔl-Diandaa, vɛ̀ɛ̀ vana co icali vannda tɛɛn-ndo muli yɛnin aa: «Amiina» te o bii ɲɛ n dimi-o bila le?

1Korɛntea 14:11

Lelan, te i bii diomnde vanndo co dimio len bila le, i siŋnun miallo vana kon o hɔl, ndu bɛɛ siŋnun miallo le ya.

1Korɛntea 3:18

Vana-vana huinun ndu pila le. Te vana pum o niaa tɛɛn yiyan pɛ maa o nɔ kɔlkalu ivanacieeyaa, mɛɛ o siŋnun diɔmndo mò sɔla kɔlkalu kpeekpeiyo.

1Korɛntea 2:13

Naa yɛ, o co a kɔlkalu vanndacieea pɛɛku naa-o le naa n co sɔɔn mun dimio le, kɛ a kɔlkalu Hala Kɔl-Diandaa pɛɛku naa-o. Nduyɛ, vanaa nɔ Kɔl-Diandaa-a naa n co sɔɔn toɲan Kɔl-Diandan tɛɛsiallo ni.

Rɔmnda 11:25

Puapilɛa nia, i yeema mì la pɔw dɛnɛ kɔndɔfillo ho le, yɔŋii niaa pila cɔnnun vanaa kɔlkalu. Israɛlla pum a lonin nila kalulan tosaa háá mì vanaa sina Hala le-a kpow a muungu Hala o ibuŋ.

Dɛnnda kiilaa 28:4

Vanaa va o lɛŋnde len nin-nda cɔu hɔ̀ɔ̀lɔ́ kon o landanndo ndu o ba, má dimulan vellaa-velle aa: «Langbanɔɔ ho kɛɛ va vana diyaa n'vanndo le, kani mɛmma ihɛllan ma langa biondu ndu, kɛ dɛnɛ sandaa Hala-o cɛl-lɔ mo va yoomu le.»

Dɛnnda kiilaa 28:2

Mí vanaa co o lɛŋnde len nin-nda a tosal naa dɛnɛ kɛndɔɔ. Má biilu naa, má kiisuu yinnde bɛndulen, mí n balu len sɔ́, kani piɔɔ va siaa, hoeiye i va vɛlɛ.

Luke 10:21

O telen kon, mí Yeesu dɔawnun ɲaale a kpaaya Kɔl-Diandaa, mó dimi aa: «I mel nɔm balika, Pua, Mɛlɛka co o halataala a o lɛŋnden coo-o, kani a vin vanaa kɔlkalua a vanaa sinaa dɛnɛa dɛnndan ndan, má cɔm cuaambɔa. Lende i co ni Pua, hɛnan nɔmndo n tosa nuaa ni.

Matie 11:25

O telen kon, mí Yeesu soaa, mó dimi aa: «Pua, nɔm co Vana bɛndoo o halataala a o lɛŋnden coo-o, i mel nɔm balika, le tùú n vin vanaa dɛnɛ sinaa a vanaa kɔlkalua sɔɔn mun, má cɔm cuaambɔa mun-ndo.

Talelan 8:5

Niaa vanaa kindu lakɔl te-a, la kindin le kɔlkaloo sɔlaa. Niaa vanaa pe lebol te-a, la kindin mì la sina dɛnɛ.

Talelan 1:22

‹Éé niaa vanaa bii haa dɛnɛ bila le-a! Mì la lo vɔ sina lepɛŋndo ho kaolaa háá lɔ́ɔ́ kuɛɛ nɛ? Niaa vanaa mamɔɔ tɛɛndannda yɛ, mì la lo vɔ mamɔɔ tɛɛndanndo ho háá lɔ́ɔ́ kuɛɛ nɛ? Kpòkóó niaa diɔmaa soondo vesɛiya ha! Háá lɔ́ɔ́ kuɛɛ niaa bɛɛ lo yɛnin dɛnɛ sinaa pɛɛsaa nuaa tuŋ?