Rɔmnda 1:13 - BII BILA

¹³ Puapilɛa nia, i yeema mì la sina maa i co kɔngɔlanndo lɔ́ɔ́-lɔ́ɔ̀ le niaa kɔlan yilɔɔ (kɛ háá hau, i sɔlan-ndɔ ba le), haliko mi niaa bɛɛ sɔla vannda pum o niaa lo, mɛɛ ya sɔla nda vanaa-mangalaa-isɔaa tɔ̀a tɛɛn yɛ.

Rɔmnda 1:13 Referans Kwoze

Dɛnnda kiilaa 19:21

Dɛnnda lan hiovɔɔ, mí Pol tuu le keiyo Maseduan a Akaii le kɔlan Yerusalɛm. Mó dimi aa: «Lɔ́ɔ́ ya tiiyanin lon-ndo, mɛɛ mì kɔɛ vɛlɛ Rɔm.»

Filipea 4:17

Ken co dimi le maa ɲɛm-kéan niaan ya co kɔɔli ni, o ya co kɔɔli-o co ni, mì la sɔla tɔnɔɔ taw.

2Timote 4:17

Mɛlɛka mala ya ni, mó luei ya yoomuan, o kon mó tosa mí tiiyal vannda Yoongu Kɛndɔɔ mɛɛ o co faw yɛ, mí vanaa sina Hala le-a kpow a tuɛi. O kon mí Mɛlɛka baŋa ya, a dii ya le.

1Tesalonikea 4:13

Puapilɛa naa, n yeema mì la sínà toɲaa le vanaa vi-a, yɔŋii mɔnɛi bii niaa maa vanaa celen, a nɔ tiindan te-a.

1Tesalonikea 2:18

Lelan, náà n yeema mì náà n muungu o niaa lo. Ya Pol, i hel fee, i tol fee. Kɛ mí Setena kuuna ya.

2Korɛntea 1:8

Puapilɛa naa, n yeema mì la va o sínà lepɛŋndo nin te, le sanga naa n sanga Asii-yo. Kani n sɔla sanga bɛndoo háá mí yoomuan ma fula naa, n ve lɛ kɔl maa naa n cinda nin te.

1Korɛntea 12:1

Puapilɛa nia, i yeema mì la va o sínà lepɛŋndo nin a valta kɔltan o kɔɔ le.

1Korɛntea 10:1

Puapilɛa nia, i yeema mì la pɔɛɛnun te maa fuɲaa naa mamaa kei o tindilen bɛngu, mí nda kpow taŋ mɛmma ihɛllan.

Kolɔsea 1:6

Mí Yoongu Kɛndɛ kon tiiya o niaa lo. Mɛɛ o co yoomuan sɔlaa mò va hiovɔɔ laci o ceendo nin yɛ, lende koni o co niaa tɛɛn kabi paale niaa tuei, mí la sínà kɛndɛi Hala-e a toɲaa ni.

Rɔmnda 11:25

Puapilɛa nia, i yeema mì la pɔw dɛnɛ kɔndɔfillo ho le, yɔŋii niaa pila cɔnnun vanaa kɔlkalu. Israɛlla pum a lonin nila kalulan tosaa háá mì vanaa sina Hala le-a kpow a muungu Hala o ibuŋ.

Nsaŋ 15:16

O co niaa le hɛli ya le, kɛ ya hɛli niaa ni, mí kɛsi niaa, haliko mi la kɔɛ, mì la kom kullon taw, mì kulun nian lo le fɛɛn a fɛɛn. O kon ɲɛ-ɲɛ niaa ɲuna pɛ Pua o diola nilan, o yɔngu niaa ndu.

Nsaŋ 4:36

Vana koavaa co nin bɛɛ salaa sɔlaa, mo va kullon cuungiaa le cinda fɛɛn-fɛɛndo, haliko mi vana saŋaa nda vana koavaa dɔwnun ɲaale latulu.

2Tesalonikea 2:7

Kpaaya viannan laalan lepɛŋndo co nin baalaa. O lo cobe, mì ɲɛ bii ndu kon-ndo faŋan ndu o nɛi.

2Korɛntea 2:14

Kɛ n melnun Hala balika, kani o co cɛlɔɔ mì n va dɛnndan tiwvo ba lɔ́ɔ́-lɔ́ɔ̀ o diola Krista lan. O co vɛlɛ tosaa mì n va sɔɛi Krista-e vannda cɔmndo nɛɛ-nɛɛ ka maa mɛɛ lasikɔlɔ cun kɛndɔɔ tiw ba-ba fee nuaa yɛ.

1Korɛntea 9:2

Hali mì vanaa celen a ci ya maa kiila le, kɛ le niaa niaa, kiilaa ya co ni. Kani niaa co tɔɔmasele kiilale nilen o Maalii nin ni.

Dɛnnda kiilaa 21:19

Pol ciiyo nda yilɔɔ, mó downun nda kona o lepola dɛnnda Hala tosa o baala ndɔɔ nin vanaa ve N'Yuifi le-a tɛɛn ndan, mó cɔm tɔmaseloo a ndu pila o kɔɔ.

Dɛnnda kiilaa 15:12

O kon mí nda kpow a mei, má yaŋ Barnabas nda Pol nilan, má cɔm nda dɛnnda kaamaalan a dɛnnda kɔndɔfilta Hala tosa a nda vanaa co N'Yuifi le-a tɛɛn ndan.

Dɛnnda kiilaa 14:27

Mɛɛ nda tiiya Antiɔs, má bɔɔŋiaa vanaa Krista-aa, má downun nda kona a ɲɛ-ɲɛ Hala tosal nda, a mɛɛ o kumbil vanaa ve N'Yuifi le-a dioo, mí nda bɛɛ a laalan yɛ.

Nsaŋ 12:24

I co niaa toɲaa dimul, te kulii n'malle del lɛŋ mì i vi le, i lo ndi pilɛ. Kɛ te i vi pɛ, i kom kullon taw.

Esai 27:6

O siɔdii lacio nin, polale Yakɔb len le vulnin puundon, cuavaa Israɛlla solinin yandɔɔlan mì pei lendei fula lon, o kon, a peinin ceendo a yɛyii ndɛi.

Dɛnnda kiilaa 1:15

Paale pilɛ, mí vanaa laalannda cuungian, a va le vannda kɛmɛ bidiin. Mí Piɛr can nda tɛɛn, mó dimi aa:

Dɛnnda kiilaa 28:14

Mí n komal puapilɛa pum o kobi kon nin, má tɛɛlun naa aa n hivi lɔ́ɔ́ pilɛ naa ndaa latulu. Kon yɔŋ ni, mí n kɔa Rɔm.

Rɔmnda 1:12

Kon tosanin ni mì n kɔ sɔla yoomuan vellaa-velle le laalan naa n nɔ naa niaa-o.

Rɔmnda 7:1

Puapilɛa nia, vɛ̀ɛ̀ la co sinà le maa o vanaa sinà tɔŋndo-a lo ya co sɔɛi nuaa ni? La sinà maa lɔ́ɔ́ vanacieo co vɔ yoomu-o kínɛí o co o tɔŋndo bɛngu ni.

1Korɛntea 1:10

Puapilɛa nia, i co niaa tɛɛlɔn o diola Maalii naa Yeesu Krista lan, la va diom pilɛ, sɛyan va niaa tɛɛn te. Niaa kpow, la nɔ kɔl pilɔɔ a yiyan pilɔɔ.

1Korɛntea 14:20

Puapilɛa nia, la va n'cuaambɔ o kɔlkalu niaa nin te, kɛ la va cuaambɔa le dɛnɛ vɔɔndo, mì la va kaasonnda o yiyannda niaalan nin.

1Korɛntea 14:26

Puapilɛa nia, vɛ̀ɛ̀ vana tosa yɛ niko? Te la cuungian pɛ, mì vana pum nɔ le condei solio, mì o pum nɔ pɛɛkoo le yɔngoo, mì o pum nɔ dɛnɛ cɔɔmun ndu-o, mì o pum nɔ yoongoo le dimio o sɔɛi mangalɛi celen nin, te kon te mì o pum ndu nɔ sɔɛi pum le tɛɛsiaa, kon kpow bɛnda mò tosan le vanaa laalannda yoomuan lueiyo.

Kalatea 3:15

Puapilɛa nia, n cuannun-ndɔ tɔɔmaseloo o naamula naalan nin, te vanndo va pɛ vuo, mò bɛɛndiaa sɛbɛ leseiyo ɲɛkɛndɛi, vana-vana nɔ dí mò faŋa ɲɛ pum, te kon te mò handu ɲɛ pum lecoo o sɛbɛ vaa lende nin te.

Kalatea 6:18

Puapilɛa nia, màá kɛndɛi Maalii Yeesu Krista-e i va niaa lakɔl! Amiina!

Filipea 1:22

Kɛ te o va yɛ pɛ maa lou yoomu o ceendo coo malanin ya mì tosa baala sɔvɛɔ ni, i sínà ɲɛ ya hɛli le.

Kolɔsea 1:10

O kon la tiwnin ba kelaa mɛɛ vanaa Maalii-a bɛnda mà kela yɛ, la vanin dɛnnda hɛnan ndu lan tosaa lɔ́ɔ́-lɔ́ɔ̀. La tosanin dɛnnda kɛndɛlan kpow mì la hiow laci a Hala sinaa.