Rɔmnda 1:12 - BII BILA

¹² Kon tosanin ni mì n kɔ sɔla yoomuan vellaa-velle le laalan naa n nɔ naa niaa-o.

Rɔmnda 1:12 Referans Kwoze

2Piɛr 1:1

Ya Simɔn Piɛr, vana baalaa a kiila Yeesu Krista-o ni. Ya co vanaa sɔla laalan sɔvɛɔ maa naa o dɛnɛ cindaa Hala naa nda Vana naa ciindiaa Yeesu Krista nin-ndo-a sɛvallo ni.

Tite 1:4

I co nɔm Tite sɛbɔɔ ho sɛval, nɔm po ni kpeekpeiyo o laalan pilɛ naa n nɔ-o nin. Màá Hala Fuɲaa a Yeesu Krista vana ciindiaa naa ke nɔm dɛnɛ kɛndɔɔ a kɔlɲuloo!

2Korɛntea 7:13

Lelan naa n sɔla ɲɔɔloo o dɛnndan ndan kpow nin ni. Handɔɔ o kon coo, mí ɲɔɔ hɛnan naa taw le ɲaale Tite dɔwnun a niaa, mó komal naa a kɔlkɛsiaa le biyɔɔ kɛndɛ niaa kpow bii ndu-o.

Rɔmnda 15:32

O kon te Hala cɛl pɛ, i tiiyanin o niaa lo a ɲaaloo, mì kɔ pɛngi niaa ikɛi lon ɲɛ-pɔmbɔ.

Dɛnnda kiilaa 11:23

Mɛɛ o tiiya, mó ca mɛɛ Hala va nda kɛndɛi tosallo yɛ, mó dɔawnun ɲaale, mó luei nda kpow yoomuan le lou a yiinan-nda a Maalii o kɔl pilɔɔ nin.

Yude 1:3

Caaŋaa nia hɛnan ya-a, le mɛɛ yeemɛi va ya taw le niaa sɛvallo a dɛnɛ cinda naa kpow o kɔɔ yɛ, mí ca maa fɔ mì yáà sɛval niaa, haliko mi yáà luei niaa yoomuan le laalan tɛɛngulun vanaa diandaa o lepilɛ kpé-o cɔlɔbaa.

2Nsaŋ 1:4

Ɲɔɔ hɛnan ya taw lɔ́ɔ́ ya ce cuavaa nɔmnda pum kelaa o toɲaa coo-o, maa mɛɛ tɔŋ naa n sɔla Pua o ba-o co yɛ.

2Timote 1:4

I co loonɔnndo a mɛmɛma n tuisi-an o kɔɔ, ya yɛ, yeemɛi co ya taw le nɔm cɔu vɛlɛ haliko mi dɔwnun ɲaale taw-taw.

Efɛsea 4:5

Maalii ndu pilɛ co ni, laalanndo ndu pilɛ co ni, yinɔɔ ndu pilɛ co ni,

Rɔmnda 15:24

i ce maa i komalnin niaa o hiovɔɔ, mì la mala ya le kɔlan ndon. Kɛ mɛɛ mì soli vɔ fɔlɔn yeemɛi co ya le niaa cɔw-ve.

Rɔmnda 1:11

Kani yeemɛi co ya taw le niaa cɔu, mì yoo niaa ke kɔllo pum, haliko mi la sim yili.

Rɔmnda 1:13

Puapilɛa nia, i yeema mì la sina maa i co kɔngɔlanndo lɔ́ɔ́-lɔ́ɔ̀ le niaa kɔlan yilɔɔ (kɛ háá hau, i sɔlan-ndɔ ba le), haliko mi niaa bɛɛ sɔla vannda pum o niaa lo, mɛɛ ya sɔla nda vanaa-mangalaa-isɔaa tɔ̀a tɛɛn yɛ.