Rɔmnda 1:11 - BII BILA

¹¹ Kani yeemɛi co ya taw le niaa cɔu, mì yoo niaa ke kɔllo pum, haliko mi la sim yili.

Rɔmnda 1:11 Referans Kwoze

2Piɛr 1:12

Lelan i vanin niaa sɔɔn mun yiyilanndo lɔ́ɔ́-lɔ́ɔ̀, o va bɛɛ maa la sina nin mun, mì la va isisi yili o toɲaa nin hau.

Rɔmnda 16:25

N candun Hala! Ó nɔ kpaayaa le niaa yoomuan lueiyo o laalanndo nin-ndo, maa mɛɛ Yoongu kɛndɛ ya cuu niaa-o a sɔɛi Yeesu Krista ya tiiyal niaa-e co yɛ, a mɛɛ sɔɛi vianaŋii naa n sɔla Hala o ba-e i co yɛ. O Yoongu kɛndɛ kon nin Hala co kaamaa co o viannanndo kabi masindɛ-o cɔmndo ni.

2Tesalonikea 3:3

Kɛ vana lo o lediom coo-o Mɛlɛka co ni, o lueinin niaa yoomuan, mò ciindiaa niaa vana kɔlvesɛiyo o ba.

Rɔmnda 15:29

Nduyɛ, i sínà maa te i kɔɛ pɛ o niaa lo, i hunnin a duaa Krista-o taw-taw.

1Piɛr 5:12

Kɛɛmasɔla Silvɛn te, o ya ce maa puapilɛ ni kɛndɛ-kɛndɛ-o, ndu mala ya le niaa sɛbɔɔ ho sɛvallo ni. I sɛval niaa ndu le niaa silaa maa o kɛndɛi Hala-e kpeekpei niaa yiinun nuaa ni.

1Piɛr 5:10

La sanga vɔnin le telen bingi. Kɛ Hala nɔ kɛndɛi kpow o ba-o, o veelu niaa o Krista nin le biilu fɛɛn-fɛɛndo-o pila pɛɛkunin niaa, mò kindi niaa, mò luei niaa yoomuan, mò tosa la hiilun te.

2Tesalonikea 2:17

mò pei niaa yoomuan o lakɔl, mò hiw niaa laci o dɛnnda kɛndɛlan a o sɔɔn kɛndɔn kpow nin!

Dɛnnda kiilaa 19:6

Mí Pol handu nda balan coo, má sɔla Hala Kɔl-Diandaa, má muungu sɔɛi o sɔɔn celen nin, má va sɔɔn Hala-on tɛɛnguo.

Dɛnnda kiilaa 16:5

Vanaa Hala-a va hiovɔɔ laci a yoomuan sɔlaa, mí vanaa laalannda va kuiyo lepalaa-lepala.

2Dɛnnda lemasalan 20:20

Diimandɔɔ idiiyo púŋ, mí nda kpow a can le kɔlan a kpeŋii lɛŋnde veselɛilen Tekoa. Telen kɔaa tiiyaa, mí Yosafat dimul nda aa: «Niaa Yudaa a niaa Yerusalɛmnda, la yaŋ ya nilan! La tiindan Mɛlɛka Hala niaa mì la sim yili. La kɛsi kɔltan vanaa-tɛɛngaa-diom Hala-a ndɔa coo, mì la tiwba.»

1Tesalonikea 3:13

Màá o luei kɔlta niaalan yoomuan mì la siŋnun vanaa diandaa a vanaa nɔ isɔw le-a Hala fuɲaa o hɔl telen Maalii Yeesu hunnin a vanaa ndɔa diandaa kpow-vo!

1Tesalonikea 3:2

O kon mí n vim niaa Timote puapilɛ naa, o co baala Hala-o tosaa naa ndaa le vannda Yoongu kɛndɛ Krista-o tiiyallo-o. Mó cɔɔlu niaa kpaayaa luei, mó luei vɛlɛ niaa yoomuan o laalan niaa nin,

Filipea 4:1

Lelan puapilɛa nia hɛnan ya-a, yeemɛi co ya le niaa cɔw vɛlɛ. Niaa co ɲaale nuu a bɛɛle nilen ni. Lelan, caaŋaa nia hɛnan ya taw-va, la lo lende yili o Maalii nin.

Filipea 2:26

kani co yeemaa taw le niaa cɔu vɛlɛ kpow, o co buulanndo taw le tùú niaa tuei maa o co a naa-o.

Filipea 1:8

Nduyɛ Hala co ya lesei maa i kaola niaa taw o Yeesu Krista nin.

2Korɛntea 9:14

Yeemɛi biinin nda o lakɔl le niaa, mà piɛi Hala le kɛndɛi bɛndui o tosal niaa-e.

2Korɛntea 1:21

Kani Hala pila simi naa yili o yoomoo nin Krista o ba bɛngu ni. Ndu hɛli naa ni.

Rɔmnda 15:32

O kon te Hala cɛl pɛ, i tiiyanin o niaa lo a ɲaaloo, mì kɔ pɛngi niaa ikɛi lon ɲɛ-pɔmbɔ.

Rɔmnda 15:23

Kɛ sunsun, i nɔ lɛ nɛɛ ya tosa baalaa o tàndàá ho nin nanu le, nduyɛ yeemɛi i co ya kabi vɔsilan taw le kɔlan o niaa lo. Telen ya i vanin kɔlan Ɛspaɲe-o,

Dɛnnda kiilaa 19:21

Dɛnnda lan hiovɔɔ, mí Pol tuu le keiyo Maseduan a Akaii le kɔlan Yerusalɛm. Mó dimi aa: «Lɔ́ɔ́ ya tiiyanin lon-ndo, mɛɛ mì kɔɛ vɛlɛ Rɔm.»

2Samiɛl 13:39

Kɛ mí masaa mɛɛlu kɔllo ɲulul a Absalɔm, kani mó sɔla ɲɔɔloo le piɔ́m po ndɔɔ.

Hebreea 13:9

La del pɛɛkula súú-súù ka kɔɔli le. Kani o naŋ mì kɔllo sɔla kpaayaa o kɛndɛi Hala-e nin, kɛ o va a tɔŋnda ɲɛdiaa le. La mala vanaa bii lan-nda le lan.

2Korɛntea 11:4

Kani vana pum co hunɔɔ o niaa lo, mò hun dimul niaa sɔɛi Yeesu celen, Yeesu o naa n dimul niaa sɔɛi ndɔ loo, mì la cɛl kɔl celen, faŋanndo o kɔl diandaa naa n cɔm niaa-o coo, mì la cɛl yoongu celen, faŋanndo o Yoongu kɛndɛ niaa sɔla naa o ba-o coo. Nduyɛ, la co kon cɛlɔɔ ɲɛkɛndɛi.

2Samiɛl 23:15

Fɔ́ɔ́fɔ̀, mí yeemɛi pum bii David, mó ɲuna aa: «Ko nɛ̀ɛ́-nɛ̀ kɔ cuu yɛnin ya mɛmma co o soon mandaa mamɛnndo nin Bɛtlɛhɛm ciee-lekɔɔ-an le kolɔɔ?»

O Kandɔɔ 31:30

Mɛɛ n kɔɛnnun nihau yɛ, kani yeemɛi va nɔm taw le muungoo o fuɲa nɔm ndo, kɛ le yɛɛ n ciimbuu yɛ piɔmaa nia?»

Rɔmnda 1:12

Kon tosanin ni mì n kɔ sɔla yoomuan vellaa-velle le laalan naa n nɔ naa niaa-o.

2Korɛntea 1:15

Yáà nɔ kɔlkɛsiaa kon, yáà yeema mì yáà kɔ yil niaa, haliko mi niáà sɔla dɛnɛ kɛndɛ kon bɛmbɛ lediin.