Rɔmnda 1:1 - BII BILA

¹ Ya Pol, vana baala Yeesu Krista-o co sɛbɔɔ ho sɛvaa ni. Ya veelun le siŋnɔnndo kiilaa, mí siŋnun teengen le vannda Yoongu kɛndɔɔ tiiyallo-o.

Rɔmnda 1:1 Referans Kwoze

Dɛnnda kiilaa 9:15

Kɛ mí Mɛlɛka dimul Ananias aa: «Kɔ! I cii langbanɔ kon hɛli, i keinin a ndu o kɔɔ, mì cɔm vanaa-mangalaa-isɔɔa a masaa ndaa diola nilan, kɔ bii niko vanaa nia, Israɛlla pɛɛn.

Rɔmnda 15:16

haliko mi va vana baala Yeesu Krista-o vanaa co n'yuif le-a tɛɛn. Kɛndɛi yɔngun ya le vannda Yoongu kɛndɔɔ tiiyallo, haliko mi vanaa co n'yuif le-a siŋnun sálà hɛnan Hala-o, sálà Kɔl-Diandaa dindi-o.

1Korɛntea 1:1

Ya Pol sɔla veeloo le vaa kiilanɔ Maalii Yeesu-o o hɛnan Hala-o nin-ndo naa puapilɛ naa Sɔstɛne.

Kolɔsea 1:1

Pol, o co kiila Yeesu Krista-o o hɛnan Hala-o nin-ndo nda Timote puapilɛ ndɔ co sɛbɔɔ ho sɛvaa ni.

Yeremi 1:5

«Lɔ́ɔ́ pá ya hun cɔw nɔm kala nɔm o dembe, yáà sina nin nɔm. Lɔ́ɔ́ pá mó vialu nɔm, yáà hɛli nin nɔm le siŋnɔnndo vana-tɛɛngaa-diom Hala-o le sɔɛi o vanaa-mangalaa-isɔɔa lo!»

Tite 1:1

Ya Pol, ya vana baala Hala-o a kiilanɔ Yeesu Krista-o. I sɔla vomɔɔ haliko mi vanaa Hala hɛli-a sɔla laalanndo, mà sina toɲaa mɛɛ o bɛnda o laalanndo nin yɛ,

Rɔmnda 1:9

Hala ya co baalaa tosallo a kɔl nuu o Yoongu kɛndɛ Po ndɔɔ yondaa nin-ndo co ya lesei, maa telen oo telen ya va pɛ piɛilen, i co yiyanndo niaa coo

2Korɛntea 1:1

Ya Pol, kiilanɔ Yeesu Krista-o mɛɛ hɛnan Hala-o co yɛ, naa Timote puapilɛ naa. Naa n co sɛbɔɔ ho sɛva le vanaa Hala-a co Korɛnte-a a le vanaa diandaa kpow ni, á co o lɛŋnde Akaii len nin ba-ba fee-a.

1Korɛntea 9:1

Vɛ̀ɛ̀ o co o ba nuu coo le ya co le? Vɛ̀ɛ̀ o co kiilaa le ya co le? Vɛ̀ɛ̀ i ci Maalii naa Yeesu le? Vɛ̀ɛ̀ o co niaa le co tɔnɔ vali fula o baala ya tosa le Maalii naa-o nin-ndo le?

2Timote 1:11

Lelan Hala vem ya ni, le vannda Yoongu Kɛndɔɔ dimullo, mì va kiilaa, mì va vɛlɛ vana pɛɛkaa.

1Timote 1:1

Ya Pol kiilanɔ Yeesu Krista-o, o Hala Vana naa Ciindiaa nda Yeesu Krista Vana naa n tiindan-ndo vem-ndo, ya co sɛbɔɔ ho sɛvaa ni.

Kalatea 1:1

Ya kiilaa Pol, o kiilale ndɔlen le fula vanaciee o ba loo, o vanaciee vim too, kɛ o Yeesu Krista nda Hala Fuɲaa tindi ndu Yeesu fulaa vanvílɛ́iya tɛɛn-ndo vem-ndo,

1Timote 2:7

Lelan o siinguu ya vana dimia diom Mɛlɛka-o a kiilaa ni, mì pɛɛku vanaa co N'Yuifi le-a laalanndo a toɲaa. O co lacòò le ya co dimio ho nuaa le, toɲaa ni.

1Tesalonikea 2:2

La sínà vɛlɛ maa n sanga fɔlɔn Filipii taw, mí vannda yeow naa, má pala naa. Kɛ a pala nda pala naa kon-ndo kpede, mí Hala luei naa yoomuan le niaa Yoongu kɛndɔɔ tiiyallo.

Rɔmnda 1:5

O ndu kɔɔli naa n sɔla kɛndɛi ni, mí n siŋnun kiilaa le vanaa-mangalaa-isɔɔa kpow sɔɛi ndɔɛi dimullo haliko ma cɛl ndi, mà laalan.

Filipea 1:1

Naa vanaa baalaa Yeesu Krista-a, Pol nda Timote pɛɛn. N co vanaa laalaŋaa co o Yeesu Krista nin Filipe-a, simlacia a vanaa co vanaa baalaa Hala-a malaa-a kpede sɛbɔɔ ho sɛvallo.

Dɛnnda cɔɔmuanndan 1:1

Dɛnnda viannannda cɔmnun Yeesu kpendekele lan la co o sɛbɔɔ ho nin ni. Hala cɔm ndu lan haliko mo cɔm buɛyaa ndɔa dɛnnda co hunɔɔ tosan o telen bingi bɛngu lan. Mí Krista viam mɛlɛkanɔ ndɔɔ o Nsaŋ buɛi ndɔ lo, haliko mo kɔ cɔm ndu lan.

Yude 1:1

Ya Yude, ya co vana baala Yeesu Krista-o apuapilɛ Nsaki-o-o pɛɛn. Ya co vanaa Hala veelu, mí ndu Pua Hala kaola nda, má va a mandaa le Yeesu Krista-a sɛvallo nuaa ni.

2Piɛr 1:1

Ya Simɔn Piɛr, vana baalaa a kiila Yeesu Krista-o ni. Ya co vanaa sɔla laalan sɔvɛɔ maa naa o dɛnɛ cindaa Hala naa nda Vana naa ciindiaa Yeesu Krista nin-ndo-a sɛvallo ni.

Nsaki 1:1

Ya Nsaki, vana baala Hala-o a vana baala Maalii Yeesu Krista-o co sɛbɔɔ ho sɛvaa ni, le poloma tɔ́ a mamiɔmma co ma sɛŋianndan vanaa-mangalaa-isɔɔa tɛɛn-ndan, i yil niaa!

Hebreea 5:4

Vana-vana kennun bɛɛlen mò siingun ndu pila bolle vanaa-solia-lasálàá le. Hala handu vana o fonda kon ni, mɛɛ o handu Aarɔn yɛ.

Filipea 2:11

o kon mì lediɛɛmu oo lediɛɛmu le dimi kpedekele aa: «Yeesu Krista co Vana bɛndoo» le biilu Pua Hala-o ni.

Efɛsea 4:11

Ndu yɔ̀ngù vannda valta yɛ́-yɛ́lan ni: ó siinguu vanaa pum kiilaa, mó siinguu a pum vanaa-tɛɛngaa-diom Hala-a. A pum vanaa yondaa-diom Hala-a, a pum vanaa mandaa n'saa, a pum vanaa pɛɛkaa.

Efɛsea 1:13

Telen niaa bɛɛ tuei sɔɛi toɲɛi-yo, Yoongu kɛndɛ yɔngu niaa cindaa-o, mí la laalan Krista. O kon mí Hala hol niaa pondalen lɔ́ɔ́ o yɔngu niaa Kɔl-Diandaa o yiilu niaa kpemaa-o.

2Korɛntea 12:11

Maa vana kindu kɔl too ya va sɔɛi ni, kɛ niaa yɔŋ ken ni. Nduyɛ, oo bɛnda mì niáà soo le ya. Kani o va bɛɛ aa i co ɲɛ-ɲɛ le, i hiw kiilaa niaa latɔ́ɔ́-tɔ́ɔ́a dɔɔnanndo le.

2Korɛntea 11:5

Nduyɛ, o yiyan nuu nin, kiilaa niaa co kan cɔu maa a hiow vannda-a, a hiw ya hali ɲɛ-pɔmbɔ le.

2Korɛntea 4:5

O co yoongu naa pila le naa n co yondaa le, kɛ yoongu Maalii Yeesu Krista-o naa n co dimio ni. Nduyɛ le Yeesu naa n co vanaa baalaa niaa ni.

Rɔmnda 1:16

Siɛmbula co ya le vannda Yoongu kɛndɔɔ tiiyallo le, kani kpaaya Hala ciindiaa vannda-o co kon ni, kandɔɔ a Yuifia kɔ bii niko a vanaa co N'Yuifi le-a.

Dɛnnda kiilaa 22:21

O kon mí Maalii dimul-la aa: ‹Kɔ, i viamnin nɔm o vanaa co N'Yuifi le-a lo.›»

Dɛnnda kiilaa 22:7

Mí del lɛŋ, mí tuɛi diomndo pum ya dimullo aa: «Sol, Sol, le yɛɛ nɛ n co yɛ ya yɛlen tollo?»

Dɛnnda kiilaa 20:24

Kɛ yoomu nuu co ɲɛ-ɲɛ ya o hɔl te, haliko sii i tosa baala nuu a ɲaaloo, mì tosa ɲɛ Maalii Yeesu vem ya tosaa-o: kon co vannda Yoongu kɛndɛ kɛndɛi Hala-e tiiyallo-o ni.

Dɛnnda cɔɔmuanndan 22:9

Kɛ mó dimul-la aa: «Tosa lende le! Caan nɔm niaa co baala pilɔɔ tosaa-o ya co ni, caaŋoo puapilɛa nɔmnda, vanaa-tɛɛngaa-diom Hala-a pɛɛn, a vanaa co sɔɔn sɛbɔɔ ho biyɔɔ-a. Hala n bɛnda le vulan baŋɔɔ o labɛngunin ni.»

Kolɔsea 1:25

I siŋnun vana baala vanaa laalannda, maa mɛɛ vali Hala ke ya a niaa o kɔɔ-o co yɛ. O vem ya sɔɛi ndɔɛi dimio kpendekele,

Efɛsea 1:1

Ya Pol, ya co kiilanɔ Yeesu Krista-o o hɛnan Hala-o nin-ndo. I co sɛbɔɔ ho sɛva le niaa vanaa diandaa a niaa vanaa laalan Yeesu Krista mì la va Efɛs ciee-a.

Rɔmnda 16:25

N candun Hala! Ó nɔ kpaayaa le niaa yoomuan lueiyo o laalanndo nin-ndo, maa mɛɛ Yoongu kɛndɛ ya cuu niaa-o a sɔɛi Yeesu Krista ya tiiyal niaa-e co yɛ, a mɛɛ sɔɛi vianaŋii naa n sɔla Hala o ba-e i co yɛ. O Yoongu kɛndɛ kon nin Hala co kaamaa co o viannanndo kabi masindɛ-o cɔmndo ni.

Rɔmnda 16:18

Kani vanaa vaa lende, o co Krista Maalii naa le nda co baalaa tosallo le, kɛ dembela ndalan sii, a co keiyo sondo yeelaa a vannda sangalaa, mà va vanaa nɔ taasi le-a hɔlla hiŋndo.

Rɔmnda 15:29

Nduyɛ, i sínà maa te i kɔɛ pɛ o niaa lo, i hunnin a duaa Krista-o taw-taw.

Rɔmnda 11:13

I co niaa dimul, niaa co N'Yuifi le-a, maa kiilaa le vanaa co N'Yuifi le-a ya co ni. Lelan, i naŋ kɔl le baala kennun ya kon-ndo.

Dɛnnda kiilaa 27:23

Kani mɛlɛkanɔ Hala nɔ ya baa coo-o, o ya co baalaa tosallo-o sɔɔnguu ya ikɛi cɛi icɔl,

Dɛnnda kiilaa 26:1

Mí Akripa dimul Pol aa: «A tiwba mà soo, mà kɔɔsa le nɔm pila.» O kon mí Pol heelu baa, mó kɔɔsa aa:

Dɛnnda kiilaa 13:9

O kon mí Hala Kɔl-Diandaa va Sol ndáà veelu vɛlɛ aa Pol-lo nin-ndo tosa, mó tofa Elimas ciŋ,

Nsaŋ 15:15

I co lɛ niaa veelu aa vanaa baala le, kani vana baalaa sina ɲɛ vana ndɔ bɛndoo co tosaa-o le. Caaŋaa nia ya vanin niaa veeloo ni, kani o kɛ́-kɛ̀ ya sɔla Fuɲa nuu o ba, i cii niaa ndu cɔm.

Nsaŋ 12:26

Vana-vana yeema pɛ le ya baalaa tosallo, mɛɛ mò del-la kɔɔli. Nɛɛ ya co pɛ, vana baala nuu bɛɛ bɛnda mò va lon. Fuɲa nuu biilunin vana ni baalaa.»

Esai 49:1

Niaa lɛŋii co o mɛnndan tɛɛn-nde, la yaŋ nilan! Niaa co kɔɔli-kɔɔli-a, la tuei-yɔ! Kabi o violɔn nuu Mɛlɛka veelu ya ni, mɛɛ ya fula dɔ́ɔ́ kala nuu o dembe, mó ke ya diolan.

1Dɛnnda lemasalan 23:13

Poaa Amram-nda a yɔŋnun Aarɔn nda Moise ni. Má kɛsi Aarɔn nda polale ndɔlen teengen le lɔ́ɔ́-lɔ́ɔ̀, le ɲɛm diandaa-diandan mandaa, a le Mɛlɛka sálàlan solullo, le baala ndɔɔ tosaa a le duaalan dɔvɔɔ lɔ́ɔ́-lɔ́ɔ̀ o diola Mɛlɛka lan.

Tɔŋ miingua 10:8

O telen kon Mɛlɛka hɛli polale Levii len le kesu kpema Mɛlɛka-o cuaa a le simndan Mɛlɛka o hɔl ni, le baala ndɔɔ tosaa a le vannda duaa dɔvɔɔ o diola Mɛlɛka lan. Lende nda co yɛ tosaa háá paalen nden ni.

Dɛnnda cɔɔmuanndan 22:6

Mí mɛlɛkanɔ kon dimul-la aa: «Sɔɔn vana bɛnda le laalanndo-on a sɔɔn toɲan sɔɔn mun co ni. Mɛlɛka, o nɔ kɔlta vanaa-tɛɛngaa-diom Hala-a o ba-o vem mɛlɛkanɔ ndɔɔ le vanaa ndɔa baalaa ɲɛ yɔŋnunnin nanu a telen bingi-o cɔmndo.»

Hebreea 7:26

Yeesu co bolle vanaa-solia-lasálàà naa n nɔ makoo kpeekpei-yo ni. O co o diandaa, o nɔ isɔw le, o nɔ haki le, sɛyanndo co ndu tɛɛn nda vanaa lahakia, mí Hala heelu ndu o halataala di.

Dɛnnda kiilaa 26:14

Mí naa kpow n deli lɛŋ, mí tuɛi diomndo pum ya dimullo o aramei nin aa: ‹Sol, Sol, le yɛɛ nɛ n co yɛ ya yɛlen tollo? Fondo fúú n co ya simullo ho ni, mɛɛ visio simul tinda vana co ndu mandaa-o nuaa yɛ pɛɛn.›

Dɛnnda kiilaa 21:40

Mí simlacinɔ kon cɛl. O kon mí Pol sim o sɛmtɔɔ coo, mó kpaa vannda a ba. Ndáà meiyo, mó soaa o nda lo o aramei nin aa:

Nsaŋ 15:20

La lóónun a sɔɛi ya dimul niaa-e maa buɛiyo hiw vana ndɔ bɛndoo le. Taa tol-la pɛ yɛlen, mɛɛ niaa bɛɛ a tolnin niaa yɛlen, taa bii pɛ sɔɛi nii, mɛɛ a biinin vɛlɛ sɔɛi niɛi.

Marke 1:14

Mɛɛ nda bii Nsaŋ, mí Yeesu kɔannun Kalile. Mó va yondaa a Yoongu kɛndɛ Hala-o o kɔɔ,

2Korɛntea 2:12

Lɔ́ɔ́ ya tiiya Troas le vannda Yoongu kɛndɛ Krista-o tiiyallo-o, mí Maalii kumbil-la dioo vakpa le baalaa tosaa.

2Korɛntea 11:7

Tuma ya dimul niaa Yoongu kɛndɛ Hala-a o, o co a vɔngu le ya dimul niaa ndu le, mí tuisin tootoo le niaa heeloo. Vɛ̀ɛ̀ i cee tosa lende le?

1Tesalonikea 2:8

Mɛɛ naa n kaola niaa tei, n yiyan ndɛ le niaa Yoongu kɛndɛ Hala-o tiiyallo daama le, kɛ mí n naŋ kɔltan le yoomula naalan yɔngoo le niaa. Kani náà n kaola bɔɔ niaa.

1Tesalonikea 2:9

Puapilɛa naa, la yiyan ndɔ mɛɛ naa n tosa baalaa mí n sanga taw yɛ: n va vallo idii a icɔl telen naa n va niaa Yoongu kɛndɛ fula Hala o ba-o tiiyallo-o yɔŋii naa n va o ba pila bɛngu.

1Piɛr 4:17

Kani o telen kon, yamɛi kandunnin kiolɔnndo a Cɛi-Hala-o o kɔɔ. Nduyɛ, te yamɛi kandun pɛ a naa, vɛ̀ɛ̀ mɛɛlula vanaa cɛl sɔɛi Hala-e le-a va yɛnin?