Dɛnnda cɔɔmuanndan 9:20 - BII BILA

²⁰ Vanndacieea tɔ̀a dɛnnda palaala lan la dii le-a, nda mangalan mà mal dɛnnda nda va tosaa lan te. A pɛngi ɲinaa vɔɔnda a piɔmaa n'siania, a n'volia, a n'daɲaa, a lapowva a piɔmaa nda sɛl a yɔmnde-a sooloo le. Piɔmaa kan yɛ, a ci le, a tui le, a kpeŋan te.

Dɛnnda cɔɔmuanndan 9:20 Referans Kwoze

Daniɛl 5:23

Má simul Maalii co o halataala-o, má cua ɲɛm diandan va o cɛi ndɔɔ nin-ndon, má kol mɔiyan lenin niaa vanaa bɛndua nɔmnda, laandaa nɔmnda a sámáá nɔmnda. Mí la lisa piɔmaa cɔwnun a sianion, a volin humbon, a daɲan, a cilinndon, a yɔmnde a á powtan-nda. Piɔmaa niaa kan yɛ, a ci le, a tui le, a bii ɲɛ-ɲɛ bila le. Kɛ, má sooluu nda, má kɛɛ Hala nɔ yoomu nɔmndo a siɔdii nɔmndo o ba-o biiloo.

Tɔŋ miingua 31:29

Kani i sina maa te i vi pɛ, la co koma laasian, mì la faŋan o nɛi ya cɔm niaa-o coo. La tɛɛmbuunin Mɛlɛka kɔllo siɔdii laci a dɛnnda niaala vɔɔnnda niaa vanin tosaa lan, mì dɛnɛ palaa tol niaa coo taw-taw.»

Dɛnnda cɔɔmuanndan 9:21

A mangalan mà mal vanndacieea diwvo le, a mel kueilen fulaa le, a mel laasian ndaa a vuile nda va tosaa len te.

1Timote 4:1

Kɔl-Diandaa dimi vakpa maa vanaa pum malnin laalanndo o palɛi mɛɛlɛi, mà del ɲinaa vɔɔŋaa luei vana o pɔwlan nin-nda kɔɔli, mà del vɛlɛ pɛɛkula ndalan kɔɔli.

Dɛnnda kiilaa 19:26

Nduyɛ, la co cɔu, la co vɛlɛ tueyɔɔ ɲɛ langbanɔ nda veelu kon aa Pol-lo co tosaa-o, o co dimio maa halaa vanndaciee cɔw-va co n'hala le. Nduyɛ, vanaa bɔɔ-bɔɔ a co ndu delɔɔ kɔɔli, o co ko Efɛs nanu le, kɛ vana dimi tuŋ maa o lɛŋnde Asii len nin kpow.

Dɛnnda kiilaa 7:41

O kon má toosiaa naw téndóó, má solul piɔm kon sálàá, má dɔawnun ɲaale le ɲɛ nda pila cɔwnun kon a laba-o.

Yeremi 1:16

I kilulnin nda yamɛi le dɛnnda vɔɔnnda nda tosa lan kpow, kani a mal-la má loam ansan le halaa celennda, má baŋ vulan ɲɛm nda pila cɔw-von o labɛngunin.

2Korɛntea 12:21

I co buulanndo, lɔ́ɔ́ ya kɔanin vɛlɛ niaa yilɔɔ-o, mì Hala tosa mì siɛmbulan la bii ya vɛlɛ le niaa, yɔŋii ya caŋ le vanaa kan, a tosa hakilan o tasendɔ taw, mà va hiovɔɔ laci-a. A kɛɛ kan le dɛnnda nɔɔlɛilan, suundaa a yeemɛi vɔɔnde malɔɔ-a.

Yeremi 51:17

Vannda kpow a sim silɔn, a dɔwnun kɔndɔfili, a bii ɲɛ-ɲɛ bila le. Siɛmbulan la bii vanaa teengiaa cilinndon má toosiaa piɔmnda-a, kani ɲɛ fondoo fúú piɔmaa kan co ni, a yoomu le.

Dɛnnda kiilaa 17:29

Le mɛɛ naa n co cuavaa Hala-a yɛ, n yiyan te maa Hala celen co, o velan a piɔm n'sianio, o n'volio, te kon te o lapowvo-o, o vanacieo yiyan mó cɔaw-vo.

Matie 21:32

Kani Nsaŋ hin o niaa lo, mó hun cɔm niaa nɛi sandaa, kɛ la laalan ndu le, kɛ mí vanaa biyaa mulua a vanaa suundaa laalan ndu. La ce dɛnnda lan kpow, kɛ la mel yɔŋ vɔɔndo mì la laalan ndu le.»

Yeremi 44:8

Vɛ̀ɛ̀ le ya kɔllo tɛɛmbuuo a dɛnnda niaalan, niaa co halaa celennda sálàlan solullo o lɛŋnde Esipte le niaa hin nden caltan nin-nden ni? Vɛ̀ɛ̀ la yeema mi la cuu o lepilɔɔ, mì la siŋnun tɔɔmasele dɔavaa dangaa a siɛmbula bɛndulan vanaa-mangalaa-isɔaa co o ceendo coo-a tɛɛn?

Yeremi 25:6

Te la yiinun a halaa celen-nda mì la baŋ vulan nda o labɛngunin le nda sooloo le. Te la selnun piɔmnda mì la baŋ vulan nda o labɛngunin le nda sooloo le, i fulanin kɔl a niaa le, i tosalnin niaa dɛnɛ vɔɔn kɛ́-kɛ̀ le.

Yeremi 5:3

Mɛlɛka, vɛ̀ɛ̀ o co dɛnɛ sandaa le n yeema le? A cii nda lɔɔ, kɛ a co sinan te. Má tuu le nda ciiyo kpede, a tui silala nɔmndan te. Má kindi bolle a nɔm hiovɔɔ bandíláà coo, má kɛɛ le mangalanndo pɛ!

Condii lisai 106:37

Má soli poaa ndaa a cuavaa laandua ndaa sálà o halaa fondoa lo.

2Dɛnnda lemasalan 34:25

Kani a mulul ndu kɔɔ ma va sálàla cuɛima cun kɛndɛlan lomɔɔ le halaa celennda. A tɛɛmbuu ya kɔllo a dɛnnda nda co tosaa lan kpow. Lelan kɔl ni tuwvo toalnin o fondaa ho coo ni. Nduyɛ, o ɲum ndɛnin le lɔ́ɔ́-lɔ́ɔ̀ le.›

2Masaa 22:17

Le tùú vannda ha mulul-la kɔɔ, má va halaa celen sálàla cuɛima cun kɛndɛlan solullo-o, le tùú nda co ya kɔllo tɛɛmbuuo a ɲɛm nda cɔw a laba-on-ndo ya tuulu kɔl a kobio ho ni. Nduyɛ kɔltuw nuu ɲululnin te.

Tɔŋ miingua 32:17

Má solul ɲinaa vɔɔŋaa co Hala le-a sálàlan, ɲɛm biilan ndáà sina paandu loon, má solul vɛlɛ ɲɛm biilan fula sɛnɛi-yon sálàlan, ò fuɲaa niaa ndáà ve biilu loon.

Dɛnnda cɔɔmuanndan 16:8

Mí mɛlɛkanɔ hiɔɔlundɔɔ cuiŋi ɲɛ va o taala kólaa ndɔɔ nin-ndo o paalen coo, mí le sɔla dío le vanndacieea lomɔɔ a yinnden.

Esai 41:7

Vana sialaa n'piɔmndo co vana teengiaa n'sianio yoomuan lueiyo. Vana co ɲɔɔn kpɔlɔkaa a káángoo-o co vana co cilinnde lɔɔ o pow lesumndo coo-o yoomuan lueiyo. O co dimio a ciliŋun nda teengiaa ma hol nɛɛ pilɛ-on o kɔɔ aa: «Vali kɛndɔɔ co hoo ni.» O co piɔmndo baŋɔɔ a pɔɔndɔn yɔŋii o hiilun.

Esai 2:8

Lɛŋnden ndalen le pɛ a piɔmnda, a co vulan baŋɔɔ ɲɛm nda cɔw a bala ndalan-ndon o labɛngunin, ɲɛm nda toosiaa a sun ndan-ndon pɛɛn.

2Dɛnnda lemasalan 28:22

Hali telen ndu Ahas va kon o sangaa nin-ndo, o pɛngi Mɛlɛka kɔɔ mulullo le.

Tɔŋ lasálàá 17:7

Hee tosan pɛ, Israɛlla pɛngi halaa fondoa nɔ hɔlla maa cuinaa toovi-a sálàlan solullo, à nda co laasianndo kɔɔli ma va nda sooloo-a pɛɛn. La bɛnda mì la bii silaa ho, kandɔɔ a niaa pila kɔ bii a cuavaa niaa imamaa.›

Tɔŋ miingua 4:28

Lon niaa vanin halaa vanndacieea cɔw-va sooloo ni, á cɔwnun a yɔmnde-a a á cɔwnun a powtan-nda, halaa kan yɛ a ci le, a tui le, a di ɲɛ le, a tui ɲɛ cun te.

Daniɛl 5:4

Mɛɛ nda kol mɔiyan, má kandu piɔmaa nda cɔw a sianion, a volin humbon, a daɲan, a cilinndon, a yɔmnde a á powtan-nda lisaa.

Misee 5:13

I kaaliaanin yɔmii sooluɛi niɛi, mì pesi kobila niaalan.

Dɛnnda cɔɔmuanndan 9:19

Kani o lasondo a o puiye kpaaya soa kan ma va ni, maa n'kɛw puiyii ndɛi va ni, ndíì nɔ bolle, a bolii ken nda va vannda tɛɛmbuuo ni.

Dɛnnda cɔɔmuanndan 15:1

O kon mí ca tɔɔmasele celen o halataala, o va o bɔɔ, ɲɛ kɔndɔfili bɛndoo pila o va ni, mɛlɛkaa nda ŋɔmmɛw aa nɔ dɛnnda palaalan tan ŋɔmmɛw o laba, lan la co la mɛɛlaalan ni, kani a lan kɔltuw Hala-o mɛɛlunin ni.