Dɛnnda cɔɔmuanndan 9:17 - BII BILA

¹⁷ O kon mí ca soa a vanaa va lecoo-a. Ndáà nɔ domala cɔwla siaŋalan maa leyin, la yinɔɔ makaalan a la co layinaalan maa kolo mayéndi lan-ndan. Bolii soa va maa bolii n'yàlà, ɲɛ va nda fulaa o sodo-o va yinnden, kumnde a fungoo ni.

Dɛnnda cɔɔmuanndan 9:17 Referans Kwoze

Dɛnnda cɔɔmuanndan 9:18

A dɛnnda palaala yàála lan: yinnden, kumnde a fungu va fulaa soa kan o sondo-o, mí vanndacieea piɔwvo kundalan tan yáá, kundaa pilɛ cuu vu.

Dɛnnda cɔɔmuanndan 21:8

Kɛ vanaa isiòònda, vanaa laalan te-a, vanaa tosa mààlan-nda, vanaa diw vannda-a, vanaa tosa dɛnnda laasiɛilan-nda, vanaa mangalaa, vanaa soolaa n'piɔmnda a vanaa lacòòvaa kpede, o dala bɛndu leyin fungoo vanin ŋɔu nin-ndo nin fonda ndaa vanin ni, piɔ́m diinndɔɔ co kon ni.»

Dɛnnda cɔɔmuanndan 14:10

ndu bɛɛ kolnin mɔima kɔltuwma Hala-an, ma nda bingulan te-an, má vow man o taala kólaa kɔltuw ndɔɔ nin. O dɔawnunnin yɛɛvɛ o fungu leyinndo nin mɛlɛkaa diandaa a saa téndóó o hɔl.

1Dɛnnda lemasalan 12:8

Yoela nda Sebadia, poaa Yeroham fula Kedɔr-o-a.

Dɛnnda cɔɔmuanndan 19:20

Má bii visi kon a vana-tɛɛngaa-diom hala lacòòva tosa ndu dɛnnda kaamaalan o hɔl-lo. A dɛnnda kaamaala lan vana-tɛɛngaa-diom hala kon luei vanaa sɔla pondale visi kon-nda a vanaa baŋ vulan tuula ndɔɔ o hɔl-la o pɔwlan nin ni. Mí visi kon a vana-tɛɛngaa-diom hala kon viawnun o dala leyinndo nin, nɛɛ fungoo co ŋɔu-va.

Dɛnnda cɔɔmuanndan 20:10

Má viaw masa ɲinaa vɔɔnda, ó va kon vannda lueiyo o pɔwlan nin-ndo o dala leyinndo nin, nɛɛ fungoo va ŋɔu-va, nɛɛ visio a vana-tɛɛngaa-diom hala lacòòvaa va-a. Lon nda vanin yɛɛvɔɔ dɔwnɔnndo paalen a ɲumndan le fɛɛn a fɛɛn ni.

Esai 30:33

Kabi lɔ́ɔ́ levil nin, bémbé iyɔmndo cuu toosiaa le ndu lomɔɔ, bémbé iyɔm kon toosian le masaa, o fonda tiilanndo nin nda ciiŋiaa bémbé iyɔm kon ni. Yɔmnde co lon taw-taw, yinnden le co nin lebɛɛndiaa len. Hoeyii fula Mɛlɛka o milin-nde mɛndulnin yinnde len mi le bii maa pee pɔmbɔ fungoo co ŋɔu nin-ndo.

Condii lisai 11:6

Mɛlɛka co dɛngulta biyaalan, yinnden a fungoo tuisio vanaa kɔlvesɛiya coo maa piɔɔ. Hoeyii tuw-tuwve ndi, ndi o co nda koesio ni, kɛ̀ ndaa vanin kon le lɔ́ɔ́-lɔ́ɔ̀ ni.

O Kandɔɔ 19:24

O kon mí Mɛlɛka tuisi fungoo a yinnde bɛndu-bɛndulen o kobio Sodɔm a o kobio Komɔr coo, mí yinnde len le va fulaa o Mɛlɛka lo, o halataala, mí le va siaa nda coo maa piɔɔ.

Dɛnnda cɔɔmuanndan 11:5

Te vanndo yeema pɛ le nda saangiaa, yinnden le fula nda o lasondo, le lom yaamɔaa ndaa. Vana-vana tɔɔndan pɛ le nda saangiaa, mɛɛ mo sɔla piɔ́mndo lende.

Dɛnnda cɔɔmuanndan 9:9

Vanáà ce pɛ nda takpalan aa domala cɔwla icilinndan ni, vanaa tuei pɛ bɔɔla ndalan diom aa ɲɛla ɲaanannda soa sɛ́lɛ́a nanndan la co ɲaanɔnndo le kɔlan o cɔwvo ni.

Esekiɛl 33:22

Nduyɛ, telen pá mí vana hɛlun kon Yerusalɛm-ndo tiiya o ya lo diimandɔɔ idiiyo, ba kpaaya Mɛlɛka-o va fɔlɔn ya coo icɔllo, telen langbanɔ kon tiiya o ya lo diimandɔɔ idiiyo-o, mí Mɛlɛka timbi ya sondoo le sɔɛi. Mí sondo nuu kumbin, i ve lɛ bobonɔ le.

Dɛnnda cɔɔmuanndan 21:20

o ŋuɛɛnundɔɔ a sardonis, o ŋɔmpumndɔɔ a sarduan, o ŋɔmmɛwdɔɔ a krisolite, o ŋɔmaandɔɔ a beril, o ŋɔmahiɔɔlundɔɔ a topase, o tɔ́ndɔɔ a krisoprase, o tɔ́ a ò pilɛndɔɔ a iyasɛnt, o tɔ́ a o diinndɔɔ a dametiste.

Daniɛl 8:2

Vanáà ca kaa aa Suse ya va ni, kobi nda kunga a kpakio-o pɛɛn, kobi lebollo o tàndá Elam-ndo nin. Mí cannun isisi o kɔngɔ pee bɛndoo Ulai.

Daniɛl 9:21

mí Kabriɛl, langbanɔ ya ce o tasendɔ o vundulen nin-ndo toal-la coo púkù-pùkù tuma solia sálà paale delaa.