Dɛnnda cɔɔmuanndan 8:13 - BII BILA

¹³ Mí mɛɛndan, mí tuɛi kovɛɔ cɔnɔnndo coocoo o halataalaa tɛɛn, mó va yondaa coocoo aa: «Dɛnɛ palaa, dɛnɛ palaa, dɛnɛ palaa co vanndacieea co o lɛŋnden coo-a cum, telen mɛlɛkaa yáá-a hɔŋnin bulula ndalan-ndo pɛɛn.»

Dɛnnda cɔɔmuanndan 8:13 Referans Kwoze

Dɛnnda cɔɔmuanndan 11:14

Mí dɛnɛ palaa diinndɔɔ hiaw. Kɛ tofa vɔ, dɛnɛ palaa yàándɔɔ co nin le tiiya.

Dɛnnda cɔɔmuanndan 9:12

Mí dɛnɛ palaa tasoo hiaw. O kon kɔɔli, mí dɛnnda palaala celen la hun vɛlɛ tan tiɔn.

Dɛnnda cɔɔmuanndan 14:6

Mí ca mɛlɛkanɔ celen, o va cɔnɔnndo coocoo o halataalaa tɛɛn, ndóò nɔ Yoongu kɛndɛ fɛɛn-fɛɛndo le vannda dimullo: vanaa co o lɛŋnden coo-a, vanaa fula o lɛŋii yɛ́-yɛ́i nin-nda, vanaa fula o lepola oo lepola coo-a, vanaa-mangalaa-isɔɔa súúlan kpow a vannda kpede.

Esekiɛl 2:10

Mó timbi sɛbɛ simbulaa kon ya o hɔl, o va o sɛvaa lenin a lekɔɔli. Cɛɛŋɔnndan, ŋɔɔcianndan a somisominndan la va lasɛvaa lecoo ni.

Dɛnnda cɔɔmuanndan 19:17

Mí ca mɛlɛkanɔɔ pum isisi o paalen nin. Mó yondal yovaa va kelaa coocoo-a kpélén aa: «La hun mì la cuungian le ɲɛdiaa bɛndu Hala toosiaa-o,

Dɛnnda cɔɔmuanndan 9:1

Mí mɛlɛkanɔ ŋuɛɛnundɔɔ hɔŋ buloo, mí ca loei fulaa coocoo, mí i del o lɛŋnden coo. Mí kii soon yingilaa nɔ lamɛɛlu le-i yɔngun ndi.

Hebreea 1:14

Mɛlɛkaa nda co macoaa maa kiilaa Hala-a, nda Hala viam le kɔlan vanaa sɔlanin cindaa-a sɔɔn dimullo ni.

Condii lisai 103:20

Niaa mɛlɛkaa ndɔa, la mel Mɛlɛka balika. Niaa o soaa dɔ́ɔ́, mì la tosa hɛnan ndɔɔ a yoomuma niaan kpow-va pɛɛn.

Dɛnnda cɔɔmuanndan 14:3

A va condii sɛnɛiye solio o kpɛŋɛ lemasaa, ɲaa yoomaa hiɔɔlua a bɛndua yuuvɛiya o hɔl. Vana-vana celen ndóò nɔla condii kalɛi pɛiyo le, fɔ vanaa vaala kɛmɛ belehiɔɔlu a lahiɔɔlua (144 000) sɔla baŋaa o lɛŋnden coo-a.

Dɛnnda cɔɔmuanndan 3:10

Le mɛɛ n bii sɔɛi nii má yɔŋnun vana biuvanndo yɛ, ya bɛɛ i kandanin nɔm o paale dɛnɛ palaale co hunɔɔ o ceendo kpow coo le vanndacieea o lɛŋnden coo kɔlɔɔ solio.

Dɛnnda cɔɔmuanndan 8:2

O kon kɔɔli, mí ca mɛlɛkaa ŋɔmmɛvaa va isisi Hala o hɔl-la, má ke nda bulula hɔŋaalan tan ŋɔmmɛw.

Dɛnnda cɔɔmuanndan 12:12

Lelan, la dɔwnun ɲaale, nɔm halataalaa a niaa vanaa co lon-nda! Dɛnɛ palaa co le lɛŋnden a le mɛmma ihɛllan! Kani masa ɲinaa vɔɔnda tol o niaa lo a yolɛi, o sínà nin maa telen ndɔɔ co lɛ o bɔɔ le.»