Dɛnnda cɔɔmuanndan 8:11 - BII BILA

¹¹ Diola loei ken aa: Ɲɛ loloo, mí mɛnndan piɔwvo kundalan tan yáá, kundaa pilɛ lol kélélé, mí vannda taw a vu le lol mɛmma man ma lol kon-ndo.

Dɛnnda cɔɔmuanndan 8:11 Referans Kwoze

Yeremi 23:15

Lelan o Mɛlɛka-Nɔ-Kpaayaa-Kpow-vo dimi a vanaa-tɛɛngaa-diom Hala-a kan-ndo co hoo ni aa: «I co nda mɔnɛi miɔɔ ma de ndi, mì koesi nda bɔ̀tàá. Kani nda vanaa-tɛɛngaa-diom Hala-a Yerusalɛm tosa ni, mí dɛnɛ vɔɔndo tiw o lɛŋnden nin kpede.»

Yeremi 9:15

I co nda sɛŋi vanaa-mangalaa-isɔɔa nda sina le-a tɛɛn, vanaa nda a fuɲaa ndaa sina le-a pɛɛn, o kon mì tol nda kɔɔli a mɔɛi cɔwve háá mi cii nda kpede.»

Tɔŋ miingua 29:18

O niaa tɛɛn, te vanndo pum tuei pɛ sɔɔn kpeman yiinun mun a mɛnanndo-on, mò kuundian o kɔl ndɔɔ nin, mò dimi aa: ‹Kɔlɲuloo vanin le ya, hali i vanin bɛɛ kelaa mɛɛ kɔl nuu yeema yɛ›, mò luei vana celen o suunda soolaa n'piɔmndo nin,

Amɔs 6:12

Vɛ̀ɛ̀ soa nɔla ma ɲaanun o pow kpovaa coo? Vɛ̀ɛ̀ vana váà a navaa vàá o pow bandíláà coo? Kɛ niaa, la mangala dɛnɛ sakpoo maa bɔtà, mì la mingi kɔmnde dɛnɛ sandaa maa ɲɛ lolo.

Amɔs 5:7

A co lólòó vowvo o yaman kiolɔɔ nin, a co dɛnɛ sandaa nɛwvo lɛŋ.

Cɛɛŋɔnnda Yeremi lan 3:19

I yiyan pɛ siɛmbula bii ya lan a kelan fondo ya kei-yo, ɲɔɔ lol-la o kɔl maa ɲɛ lolo.

Talelan 5:4

Kɛ o mɛɛlulan, sɔɛi ndɔɛi ken lol kélélé maa ɲɛ lolo. I siɛɛmbiaa siembu-siembu maa mɔɛi cɔvii sondola tiɔn.

Dɛnnda cɔɔmuanndan 8:7

Mí mɛlɛkanɔ tasoo hɔŋ buloo. Mí loeon delian a yinnden le bingulan a koovan, mí ɲɛla lan la toal o lɛŋnden coo. Mí lɛŋnden piɔwvo kundalan tan yáá, o pilɛ ŋɔa, mí yɔmnde piɔwvo kundalan tan yáá, o pilɛ ŋɔa, mí bil oo bil ŋɔa.

Hebreea 12:15

La caa dɛ! Vana-vana fula o kɛndɛi Hala-e bɛngu le. Vana-vana va maa tɔlɔɔ vɔɔn vul o tɔlɔɔ kɛndɔɔ tɛɛn mò tɛɛmbuu ndu-o le.

Cɛɛŋɔnnda Yeremi lan 3:5

O tiila ya mó kunga ya a dɛnnda imɔnɔlan a á sangaa.

Ruti 1:20

Mí ndu Noemi pila dimul nda aa: «La veelu lɛ ya Noemi-lan te, la va ya nin veeloo aa Mara (kon co dimio ni aa ‹Ɲɛ lòloo›), kani Vana-Kpaayaa-Kpow tuisi ya dɛnɛ palaa bɛndoo coo.

Fulaa 15:23

Má tiiya Mara, má komal mɛnndan ndon, kɛ a nɔla man kolɔɔ le, kani maa lol bɔɔ. Lelan nda ke fonda kon diolan ni aa Mara (kon co dimio ni aa «Ɲɛ loloo»).

Sakari 13:8

Mɛlɛka dimi aa: «O lɛŋnden nden kpow nin, o vanndacieea kundalan tan yáá coo, kundalan tan tiɔn la vunin, mì o pilɛ lo yoomu.

Sakari 13:9

I lueinin kunda yàándɔ lonin kon-ndo o yinnden nin, mì dindi ndu mɛɛ vana dindi volii humbuei yɛ. I dindinin ndu mɛɛ vana dindi sianiei yɛ. Vanaa kan a pialnin diola nilan o piɛilen nin, mì mulul nda. I diminin aa: ‹Vanaa nia co haa ni.› O kon nda bɛɛ diminin aa: ‹Mɛlɛka co Hala naa ni.›»

Dɛnnda cɔɔmuanndan 9:15

Má timbi mɛlɛkaa hiɔɔlua kan. Le telen kon, paale len, paangii ken a le vɔsi kon nda va a bɛɛndiannda ni, haliko, vanndacieea piɔwvo kundalan tan yáá, a diw kundaa pilɔɔ.

Dɛnnda cɔɔmuanndan 9:18

A dɛnnda palaala yàála lan: yinnden, kumnde a fungu va fulaa soa kan o sondo-o, mí vanndacieea piɔwvo kundalan tan yáá, kundaa pilɛ cuu vu.

Dɛnnda cɔɔmuanndan 12:4

Loeon co o halataala-on kpede piɔwvo kundalan tan yáá, mó va kundaa pilɔɔ koondiaa a puile ndɔlen. Mó ɲindu mun o lɛŋnden coo. Mí tambálaká kon kɔ sim vanalanɔ va kon le violɔɔ-o o hɔl, haliko te ndóò velu dɔ́ɔ́ pɛ, ndóò mel cɛlɛkpɛ kon.