Dɛnnda cɔɔmuanndan 7:17 - BII BILA

¹⁷ Kani Saa téndé co o kpɛŋɛ lemasaa tɛɛn-ndo nɔnin nda hɔlten coo. O simnin nda laci le nda yɔɔ o soonnda kólaala mɛmma yoomaalan. Hala vɔɔsuunin nda mɛmɛan kpow o lahɔl.»

Dɛnnda cɔɔmuanndan 7:17 Referans Kwoze

Nsaŋ 4:14

kɛ vana kol pɛ mɛmma ya co ndu yɔngu-an, kolɔɔ bii lɛnin ndu lɔ́ɔ́-lɔ́ɔ̀ le. Mɛmma ya co ndu man yɔngu-an ma siŋnunnin pee-lebollo ndu nin, mì mɛmma ndɔan ma kɔɛ háá o cinda fɛɛn-fɛɛndo nin.»

Nsaŋ 4:11

Mí cuaa mulul ndu aa: «Maalii, a nɔ ɲɛ kɔandaa mamɛn te, nduyɛ soon-kólaa yingila. Kuɛɛ nɔm óò fula yɛnin a mɛmma cindaama man?

Dɛnnda cɔɔmuanndan 22:1

Mí mɛlɛkanɔɔ cɔm vɛlɛ ya pee mɛmma yoomaa, mɛmma ndɔan ma va madiandaa few maa tofan, o kpɛŋɛ lemasa Hala-o a Saa téndóó-o mɛmma ndɔan ma va fulaa ni.

Dɛnnda cɔɔmuanndan 21:4

O vɔɔsuunin nda mɛmɛan kpow o lahɔl. Piɔ́mndo ve lɛnin te, biisi ve lɛnin te, yeela ve lɛnin te, ɲɛ nɛyaa ve lɛnin te, kani ɲɛm tason hiow.»

Condii lisai 23:5

A co ɲɛdiaa sɔvɛɔ toosiaa le ya yaamɔaa nia o hɔl, a co ya cuɛiyan suuo o lebol, taala kólaa nuu co piɔu háá mò va coŋndo.

Dɛnnda cɔɔmuanndan 21:6

Mó dimul-la vɛlɛ aa: «I cuu tosan, ya co vana tasoo a vana mɛɛlaa ni, kandɔnndo a mɛɛlulan pɛɛn. Vana kolɔɔ bii pɛ, i kenin ndu soon mɛmma yoomaa, o venin a vɔngu le.

Nsaŋ 10:11

Ya, vana mandaa n'saa kɛndɔɔ ya co ni. Vana mandaa n'saa kɛndɔɔ ndu, yoomu ndɔɔ o yɔngu le saa ndɔa ni.

Esai 25:8

Mɛlɛka tɛɛmbuunin piɔ́mndo le fɛɛn a fɛɛn. Maalii Hala vɔɔsuunin vannda kpow mɛmɛan o lahɔl. O faŋanin siɛmbula bɛɛtambɛila vanaa ndɔa o lɛŋnden kpow coo. Mɛlɛka soo lende ni.

Nsaŋ 10:14

Ya co vana mandaa n'saa kɛndɔɔ ni. I sina saa nia, saa nia bɛɛ a sina ya,

Yeremi 2:13

Kani sala tiɔn vanaa nia tosa dɛnɛ vɔɔndo ni: a kɛɛ ya vana co soon mɛmma cindaa-o, má tuwnun soonnda mandaa mamɛnndan, o co yɛ soonnda kɛndɛ le, mɛmma cel lenin te.›

Esekiɛl 34:23

O kon, i sɔɔ nda vana mandaa n'saa o ba, o vanin nda yɔɔ diólan-ndo. Vana ni baalaa David pɛɛn, ndu vanin nda yɔɔ diólan ni, ndu vanin vana mandaa ndaa ni.

Dɛnnda cɔɔmuanndan 5:6

O kon mí ca saa téndóó isisi o ɲɛ-calaa lemasaa, ɲaa yoomaa hiɔɔlua a bɛndua yuuvɛiya tɛɛn, vanáà ce ndu pɛ aa bololan ndáà kelu ndu ni. Ndóò nɔ leelan tan ŋɔmmɛw a hɔltan tan ŋɔmmɛw, lan la va kɔlta ŋɔmmɛwla Hala lan ni, la o vem o lɛŋnden kpow coo lan.

Matie 2:6

‹Nɔm Bɛtlɛhɛm yɛ, nɔm co hoo o tàndá Yuda-o nin-ndo, a toɲa, o co nɔm te hiow dɔɔnanndo o kobila co o tàndá Yuda-o nin-ndan tɛɛn te. Kani o nɔm ndo masaa tosanin vanaa nia masalen coo-o fulanin ni, Israɛlla pɛɛn›».

Esai 12:3

La kɔandunin mɛnndan a kɔlkɛndɔɔ o soonnda cindaalan nin.

Condii lisai 28:9

Mɛlɛka, ciindiaa vanaa nɔmnda, dɔw vanaa co kɛ́ nɔmndo-a duaa. Va maa vana mandaa n'saa le nda, ma va nda malaa lɔ́ɔ́-lɔ́ɔ̀.

Misee 5:4

Ndu vanin kɔlɲuloo ni. Telen Asirinɔɔ hunnin o lɛŋnde naalen nin, mò luɛi o cɛila naala lemasalan nin-ndo, n solinin vanaa mandaa n'saa nda ŋɔmmɛw a simlacia nda ŋɔmaa le ndu kɔlan simullo.

Esai 60:20

Paale nɔmnden le delnin te, paangii nɔmnde bɛɛ ɲumnin te. Kani Mɛlɛka vanin ɲɛ-tengaa nɔmndo le lɔ́ɔ́-lɔ́ɔ̀ ni. Palɛi dɛnɛ palɛi nɔmnde cuunin hiovɔɔ kpede.

Esai 49:9

Le vanaa co o biyɔɔ nin-nda dimullo aa: «La fula le vanaa co o ɲumma kaasoan nin-nda dimullo aa: «La fula nɛɛ vavonnda!» A dɔawnunnin balo o nɛilan demullo, a saalunnin bil puiyaa o dúkúdúkùla puleelan kpow coo.

Esai 35:10

A toɲa, vanaa Mɛlɛka baŋanin-nda muungunin, a kɔanin Siɔn a condon a á kponyoo, kɔlkɛndɛ fɛɛn-fɛɛndo vanin o kuumbuan nda o lebol vofu, ɲaaloo a kɔlkɛndɔɔ sɔɔnguunin nda ikɛi mo va le nda, dɛnɛ palaa a somisominndan la faŋannin nda coo.

Esai 30:19

A toɲa, niaa vannda Siɔn, niaa co icali Yerusalɛm-nda, la koŋul-lɛnin te. La yonda pɛ, o tosalnin niaa kɛndɛi, o tueinin niaa diom, o mululnin niaa mulul kɛndɛ.

Esai 25:6

Mɛlɛka-Nɔ-Kpaayaa-Kpow-vo tuisi kafo diaa le vannda súúlan kpow o pembei he coo, o toosiaanin ɲɛm dian yeelɛiyon, mɔima kálà-kálàn, visin macuɛiyon a mɔima kálà-kálàma yueinun-ndan.

Dɛnnda cɔɔmuanndan 4:11

«Le nɔm biiloo, bɛɛlen a kpaayaa co ni Mɛlɛka Hala naa, kani nɔm cɔw ɲɔɔn kpow ni, nɔm cɛl ni mì n va, ɛɛ nduyɛ mì n cɔawnun.»

1Piɛr 5:2

la manda kunda saa Hala-a, a co niaa o ba bɛngu-a, ò va maa baŋɔɔ le nda baŋ niaa le, kɛ o va a yeemɛi niɛi mɛɛ Hala yeema yɛ. Ò va vɛlɛ a hɔlte ɲɛ-sɔlaa le, kɛ a kɔlkɛndɔɔ.

Dɛnnda kiilaa 20:28

Niaa pila mandan, mì la nɔ hɔlten kunda saa Hala Kɔl-Diandaa yɔngu niaa le mandaa-o coo, mì la manda kunda vanaa laalaŋaa Hala kila a piɔ́m po ndɔ ndu pila-o o kɔɔ-o.

Misee 7:14

Sim vanaa nɔmnda laci a tinda vana mandaa n'saa o ba, vanaa co kɛ́ nɔmndo-a pɛɛn. À co nda pilɛ kpé yondoo nin, o tɔlɔɔla iyɔmndan tɛɛn. Mɛɛ n tosa lɔ́ɔ́ kon a nda yɛ, kɔ a nda o yondola puiyaalan Basan nin a o lan o tàndá Kalaad-o nin.

Yeremi 31:9

À co hunɔɔ a caŋndan, mì liilaa nda o tɛɛlɔnnda ndalan nin. I kɔanin a nda o peela pɔmbɔla mɛnndan ma co taw lan, mì kei a nda o nɛi co bɛɛn-bɛɛn o kɔlan-ndo, nɛɛ nda boŋnin mà del te-a. Kani fuɲaa ya co le Israɛl ni, Efraim co po ni tasoo ni.»

Esai 40:11

O yaanin cɔlua ndɔa diólan maa vana mandaa n'cɔlu. O cuanin saa téndéa o balan coo mò handun nda o ibuŋ, o simnin saa komsaa co vɔɛsio-a laci.

Condii lisai 22:26

Nɔm co tosaa ni mì va diola nɔmndan lisaa vannda taw tɛɛn, i peelunin ciɛ́ɔn ya cua-on vanaa nɔ siòòŋii nɔmnde-a kpow o hɔl.

Esai 30:25

O paale diuvaa n'vanndacieele bɛndulen coo, paale cɛila coocoola vilɛilan la koombiaanin-nden, peelan la vanin a mɛnndan taw o pembun bɛndon a o pembun pɔmbɔn coo.

Esai 51:11

A toɲa, vanaa sɔla malɔɔ-a muungunin, a muungunin Siɔn a kponyoo a kɔlkɛndɔɔ. Kɔlkɛndɛ fɛɛn-fɛɛndo vanin nda coo, ɲaaloo a ɲɛ hɛnanndo hunnin sumialii nda. Kɔl tambɛiyo a somisominndan la kɔanin nda polon.

Esai 65:19

I siinguunin Yerusalɛm kɔlkɛndɛ nuu, i siinguunin vanaa niaa ɲaale nuu, vana tui lɛnin vɔkɔ-vɔkɔ lacaŋndo a vɔkɔ-vɔkɔ somisomianndo lon te.

Matie 5:4

Dɛnɛ kɛndɔɔ co le vanaa co caŋndo-a, kani a sɔlanin ɲɔɔloo.

Nsaŋ 4:10

Mí Yeesu mulul ndu aa: «Te nɔm óò sina pɛ ke Hala-o, a vana co nɔm hoo dimullo aa: ‹Ke ya mɛnndan mì kol›-lo, nɔm va ndu mɛmma kolan piɛi ni, mì ndóò ke nɔm mɛmma yɔngu vana cindaa-an.»

Dɛnnda cɔɔmuanndan 14:4

Nda yɔŋnun vanaa nɔɔlian a vanlaandua le-a ni, kani a síná dɛnɛ vanalanɔ le. A co kɔlan Saa téndóó kɔɔli nɛɛ-nɛɛ ka-a. Kan sɔla baŋaa vanndacieea tɛɛn ni, nda yɔŋnun vanaa tasea le hɛlio sɔlaa le Hala a le Saa téndóó ni.

Dɛnnda cɔɔmuanndan 21:22

I ci Cɛi-Hala o kobi kalaa nin te, kani Mɛlɛka Hala nɔ kpaayaa kpow-vo a Saa téndóó va Cɛi-Hala ndɔɔ ni.

Dɛnnda cɔɔmuanndan 21:23

Kobi kalaa ndóò nɔ mako a lepaa te kon te a ipaangu le tengaa le, kani biilu Hala-o va ndu teengiaa, Saa téndóó va fitina ndɔɔ ni.