Dɛnnda cɔɔmuanndan 7:16 - BII BILA

¹⁶ Yima nɛi lɛnin nda le, kolɔɔ bii lɛnin nda le, paale loo lɛnin nda le, kùlúkúlù ve lɛnin nda le.

Dɛnnda cɔɔmuanndan 7:16 Referans Kwoze

Esai 49:10

Yima venin nda coo le, bolola vesanin nda le, yelenyelenndo a paalen le saangiaanin nda le, kani vana nɔ ɲíí ndɛi-yo simnin nda laci, o kɔanin a nda o peela leboltan.

Nsaŋ 4:14

kɛ vana kol pɛ mɛmma ya co ndu yɔngu-an, kolɔɔ bii lɛnin ndu lɔ́ɔ́-lɔ́ɔ̀ le. Mɛmma ya co ndu man yɔngu-an ma siŋnunnin pee-lebollo ndu nin, mì mɛmma ndɔan ma kɔɛ háá o cinda fɛɛn-fɛɛndo nin.»

Dɛnnda cɔɔmuanndan 21:4

O vɔɔsuunin nda mɛmɛan kpow o lahɔl. Piɔ́mndo ve lɛnin te, biisi ve lɛnin te, yeela ve lɛnin te, ɲɛ nɛyaa ve lɛnin te, kani ɲɛm tason hiow.»

Matie 5:6

Dɛnɛ kɛndɔɔ co le vanaa yeemɛi bii le dɛnɛ sandaa mɛɛ yiaan a kolɔɔ bii vana nuaa yɛ-a, kani a pumnin.

Condii lisai 121:6

Paale loonin nɔm ipala le, paangei palanin nɔm icɔl te.

Luke 6:21

Dɛnɛ kɛndɔɔ co le vanaa yiaan ma co nɛiyo sunsun-nda, kani la pumnin. Dɛnɛ kɛndɔɔ co le niaa co caŋndo sunsun-nda, kani la dɔawnunnin ɲaale.

Luke 1:53

O yɔngu vanaa yiaan ma va nɛiyo-a ɲɛ-sɔlaa taw, mó mingi vanaa bolofaa vanaa bala fondoa.

Esai 41:17

Vanaa bala fondoa a vanaa ikɔɔa co mɛnndan nuwviaa, kɛ ma co le. Diɛɛmuei co nda vesaa o lasondo a kolɔɔ iyeemaa. Ya Mɛlɛka, i kenin nda (mɛnndan), ya Hala Israɛlla, i melnin nda le.

Esai 25:4

Kani nɔm yɔŋnun nɛɛ viannannda le vanaa nɔ mayoomu le-a ni. Nɔm yɔŋnun nɛɛ viannannda le vanaa bala fondoa va o mɔnɛi nin-nda ni. Nɔm yɔŋnun nɛɛ viannannda le hoeyii fùkù-fùkùi va hɔŋndo-e ni, nɔm yɔŋnun vunduan le hangul lepalaa vionnɔnndo ni. Bau hoeyii kɔltuvii fula vanaa kɔlvesɛiya o milin-nde, maa hoeyii fùkù-fùkùi co kundɔnndo o kpakio-e i co ni,

Esai 65:13

Lelan, nuaa Maalii Hala soo ni aa: La tuei-yɔ, vanaa niaa baalaa vanin ɲɛdiaa dioo, niaa niaa, yiaan ma vanin niaa nɛiyo, vanaa niaa baalaa vanin kolɔɔ. Kɛ niaa, la vanin a bolola vesɛilan, vanaa niaa baalaa nda vanin ɲaaloo dɔwnɔnndo, kɛ niaa niaa, siɛmbulan la vanin niaa coo.

Matie 13:6

Kɛ mɛɛ paalen le fula, mí n ɲɔfɔliaa, mí n vesa, kani puundun ve le.

Condii kɛndɛ-kɛndɛi 1:6

La tófà yáw ni tiŋio le, paalen le piimiaa ya ni. Mɛɛ yemaa nia tuulu kɔl a ya, má siinguu ya vana mandaa lanakɔ n'rɛsɛnndo, nakɔ n'rɛsɛn ni ya pilaa niko, i manda lɛ kon te.

Condii lisai 42:2

Òó Hala! Mɛɛ kial kolɔɔ bii-o yeema mɛmma pee pɔmbɔan nuaa yɛ, lende koni ya co nɔm yeemaa ni.

Nsaki 1:11

Kani paalen le fula pɛ, hangul tuw-tuwvo nin, billo simbulun. Fúlan la deli, naŋɔɔ ndɔɔ tambu. Lende koni vana bolofaa bɛɛ hiawnin a dɛnnda ndɔlan ni.

Marke 4:17

Kɛ nda pila nɔ n'puundu le, vanaa laalan le telen bingi-a co kan ni. Te sangaa te kon te yɛle tolaalen le komal nda dɔ́ɔ́ pɛ le sɔɛi Hala-e, ken siŋnun pow boŋaa le nda.

Marke 4:6

Kɛ mɛɛ paalen le fula, mí le lɔaa mun, mí n vesa, kani puundun ve le.

Matie 13:21

kɛ ndu pila nɔ n'puundu le. Vana cɛl sɔɛi le telen bingi-o o co ni. Kɛ te dɛnɛ palaa, te kon te yɛle tolaalen le komal ndu dɔ́ɔ́ pɛ le sɔɛi Hala-i ken, o mal nɛiyo.

Yonas 4:8

Paalen kaloo, mí Hala soli hoeyii vesɛiye a kpengii paalen le can-nde. Mí paalen le tuulu Yonas bollen, mí hɔlla hiŋ ndu, mó yeema piɔ́mndo, mó dimi aa: «Piɔ́mndo co fisa le ya a yoomoo.»

Esai 32:2

O nda tɛɛn, vana-vana vanin maa nɛɛ yifannda le hoeyii hɔŋɛi a nɛɛ viannannda le hoeyii fùkù-fùkùei, a vanin maa pee mɛmma volo-voloo o fonda vesɛiyo coo, maa vunduma pow kpovaa bɛndoo o lɛŋnde veselɛilen nin.

Condii lisai 143:6

I co balan heeloo o nɔm ndo, má cè ya nɔm o hɔl maa lɛŋnde kolɔɔ bii len.

Condii lisai 63:1

Condii David soli-e, telen o va Yuda o lɛŋnde veselɛilen nin-ndo.

Condii lisai 121:5

Mɛlɛka mandanin nɔm, o co nɔm ikɛi mɛɛ vundulen le kanda vana nuaa yɛ.