Dɛnnda cɔɔmuanndan 7:14 - BII BILA

¹⁴ Mí mulul ndu aa: «Vana bɛndoo, a sina válán.» Mó dimul-la aa: «Vanaa kei o yɛle tolaale bɛndulen nin-nda co kan ni. A cii domala ndala bɛndulan tɔɔ, má dindi lan o kooma Saa téndóó nin.

Dɛnnda cɔɔmuanndan 7:14 Referans Kwoze

1Nsaŋ 1:7

Kɛ te n va pɛ kelaa o ɲɛ-tengaa nin maa mɛɛ ndu pila co o ɲɛ-tengaa nin yɛ, mɛɛ n co a yiinannda latulu vellaa-velle, kooma Yeesu Po ndɔ-an ma dindi naa a hakilan kpow.

Dɛnnda cɔɔmuanndan 22:14

Dɛnɛ kɛndɔɔ co le vanaa co domala ndala bɛndulan tɔ́ɔ́-a. A sɔlanin dio le kɔmnde yɔm yoomaa sɔlaa, o kon mà kei o diola kobio le luɛyɔɔ lenin.

Hebreea 13:12

Lelan Yeesu bɛɛ sanga o kobio kɔɔli ni, mó dindi vannda a kooma ndɔma ndu pila-an.

Dɛnnda cɔɔmuanndan 1:5

a Yeesu Krista, sei toɲaa, o velun tase vanvílɛ́iya tɛɛn, mó va masa masaa o lɛŋnden coo kpow-vo o ba! Vana kaola naa mó baŋa naa a kooma ndɔan, mó cii hakila naalan-ndo,

Dɛnnda cɔɔmuanndan 12:11

Puapilɛa naa nɔla ndu a kooma saa téndóó a á sɔɔn nda dimi o seile ndalen nin-ndon, a kuunan yoomu ndaa coo le, a va a bɛɛndiannda le piɔ́mndo sɔlaa.

Hebreea 9:14

Nɛɛ ken tosan-ndɔ lende, vɛ̀ɛ̀ kooma Yeesu-an man ma hiw kpaayaa lende le? Kani a kpaaya Hala Kɔl-Diandaa ndu pila yɔngun Hala ni, maa cɔlu sálà nɔ lenamta loo. Lelan, o dindinin kɔlta naalan le dɛnnda naala vɔɔnndan haliko mi n tosal Hala yoomaa vallo.

Esai 1:18

Mɛlɛka dimi aa: «La hun mì n soonun latulu! Te hakila niaalan la va pɛ lasiaŋa vaŋ, la co muungu lahumbu maa fengbɔ, te la va pɛ lasiaŋa maa kola siaŋa sɔɔtɔtɔ, la co muungu maa kola keese humbu.

1Piɛr 1:19

Kɛ a kooma sɔvɛma bɛnduma Krista-an, Krista kon yɔŋnun ni maa saa téndé nɔ lenamta loo, ó nɔ sɔŋ too.

1Korɛntea 6:11

Nduyɛ lende vanaa pum niaa tɛɛn a va paandu ni. Kɛ mí la sɔla pulɔɔ diandaa Mɛlɛka-o, mí la sɔla diondɔɔ le hakila niaalan, mí la siŋnun vanaa dɛnɛ sandaa Mɛlɛka-a o diola Maalii Yeesu Krista lan a á Kɔl-Diandaa Hala naa.

Dɛnnda cɔɔmuanndan 5:9

Ma va condii sɛnɛiye solio aa: Nɔm bɛnda ni mà bii sɛbɔɔ ho, mà tɛɛmbuu tɔɔmaselela co lecoo lan, mà kumbi ndu. Kani a sɔla piɔ́mndo, má baŋa vanaa fula o polama yɛ́-yɛ́an nin-nda, vanaa-mangalaa-isɔɔa súúlan kpow, a vanaa fula o lɛŋii yɛ́-yɛ́i nin-nda a kooma nɔmndan le Hala,

Matie 24:21

Kani tuma kon, sanga bɛndoo yɔŋnunnin. Kabi ceendo kandun háá hau, sanga bɛndu vaa lende yɔŋnun-ndɔ le. Nduyɛ sanga bɛndu vaa lende yɔŋnun ndɛnin le fɛɛn a fɛɛn te.

Sakari 13:1

«Paale len, mɛnndan ma fulanin o soondo nin le yungu David-o a vanaa vanin Yerusalɛm-nda pulɔɔ le hakio a le dɛnɛ nɔɔlɛiyo.»

Nsaŋ 16:33

Hee kpede niaa dimullo, haliko mi la sɔla kɔlɲuloo o ya nin. La sɔlanin sangaa o ceendo coo, kɛ la vu n'dial te, ya, i nɔla ceendo.»

Dɛnnda cɔɔmuanndan 17:6

Mí ca vuɛɛn kon, kooma vanaa diandaa a kooma seyaa Yeesu-a maa bii ndu maa mamɔi. Yáà delɔɔ ndu hɔlten, mí kɔndɔfili bɛndoo bii ya.

Rɔmnda 5:3

Hiovɔɔ o kon coo, hali n co bɛɛ o sangaa nin, n nɔla mì n kuundian, kani n sinà maa o sangaa nin biuvɔnndo fulà ni,

Dɛnnda kiilaa 14:22

A va kaandennda yoomuan lueiyo, má va nda silaa le lou o laalan ndaa coo aa: «Mɛɛ mì n ce sangalan taw le luɛyɔɔ o Masale Hala len nin.»

Dɛnnda cɔɔmuanndan 15:2

Mí ca ɲɔɔ maa tofan, o kɔannan kɛ́-kɛ̀ maa mɛmma ihɛl. O va o muulianndo a yinnden. Vanaa nɔla visio, tuula ndɔɔ a nimolo ndɔɔ-a va isisi o tofan kon coo. Bangala Hala ndóò yɔngu nda lan la va nda o laba.

Dɛnnda cɔɔmuanndan 2:9

I sina dɛnɛ palaa nɔmndo a pɛŋnde nɔmnden, kɛ o kpeekpeiyo nin, vana bolofaa n co ni! I sina mɛɛ vanaa co N'Yuifi le-a kɛ ma va veelɔnndo aa Yuifia-a a co nɔm congulan yɛ, kunda Setana-o vanaa kan co ni.

2Tesalonikea 1:4

Lelan naa n co lisanndo a niaa o lasondo o kundala vanaa laalannda tɛɛn ni, kani la co kindinndo o laalanndo nin, o yɛle tolaalen nin a o tɔɔndannda niaa co sɔlaa lan nin.

Fulaa 37:3

Mó cɔaw kelan mún hiɔɔlu a sianion, mó lɛɛnduu mun o pelun hiɔɔlun kesu kpema kon: kpengei pilɛ kelan n'sianion n'miun, kpengei pilɛi vɛlɛ n'miun.

Daniɛl 7:16

O vanaa va isisi lon-nda tɛɛn, mí sɔɔnguu vana pilɛ ikɛi, mí ɲuna ndu le ya toɲaa dimullo a kɔlɔ vundule len o kɔɔ. Mó tɛɛsial-la kɔlɔ ndɔɔ aa:

Daniɛl 11:35

O vanaa hiow kan kɔlkaloo-a tɛɛn, a pum malnin nɛiyo, kɛ Mɛlɛka tuisinin nda dɛnɛ palaa coo haliko ma tɔɔnun, ma dendu, mà muungu a kɛndɛ háá o telen kon mɛɛlulan, kani telen kelun-ndo tiiya vɔnin te.

Daniɛl 12:1

«O telen kon nin, Misɛl cannin, Misɛl kon pɛɛn, o co kuubanɔ mɛlɛkaa-o, o co yungu nɔmndo ikɛi le nda mandaa-o. Palɛi ken vanin bɔɔ palɛi sanga bɛnduei. Kabi vanacieo cɔwnun, háá telen kon, sanga vaa lende yɔŋnun-ndɔ le. Kɛ yungu nɔmndo sɔlanin baŋaa. Vanaa diola ndalan la co lasɛvaalan o sɛbɔɔ nin-nda cindanin.

Marke 13:19

Kani palɛi ken vanin bɔɔ palɛi sanga bɛndu. Kabi ceen Hala cɔw-vo kandun háá hau, sanga bɛndu vaa lende yɔŋnun-ndɔ le. Nduyɛ sanga bɛndu vaa lende yɔŋnun ndɛnin le fɛɛn a fɛɛn te.

Dɛnnda cɔɔmuanndan 7:9

O kon kɔɔli, mí tofa, mí ca sɛ́lɛ́ bɛndu vanaa nɔla cɔm too, fulaa o lɛŋnde kpow nin, o polan kpow nin, o vannda súúlan kpow nin a o vanaa-mangalaa-isɔɔa súúlan kpow nin. A va isisi o kpɛŋɛ lemasaa hɔl-ndɔ a Saa téndóó laci, domala bɛndula humbulan la va nda lekɔɔ, mí siɔ̀ɔ́lan la va nda o laba.

SƐBƐ YƆB-O 11:16

A pɔɛɛnunnin sanga nɔmndo, o hiawnunnin mɛɛ mɛnndan má hiaw o peelo nuaa yɛ.