Dɛnnda cɔɔmuanndan 6:9 - BII BILA

⁹ Mɛɛ o kumbi tɔɔmasele ŋuɛɛnundɔɔ, mí ca kɔlta vannda pum o fonda-loamaa-lasálàá bɛngu, vanaa ndáà kili bololan le sɔɛi Hala-e a le seile ndáà timbi len-nda pɛɛn.

Dɛnnda cɔɔmuanndan 6:9 Referans Kwoze

Dɛnnda cɔɔmuanndan 20:4

Mí ca kpɛŋɛla lemasalan, mí vannda cal lecoo. Mí dio kennun nda le yamɛi kiolɔɔ. Mí ca kɔlta vanaa nda kili bolle le seile Yeesu len a le sɔɛi Hala-e-a, a vanaa ndáà beŋ vulan visio a tuula ndɔɔ o labɛngunin te-a, a ndáà sui pondalen o itendu a o baa le-a pɛɛn. Má muungu yoomu, má tosa masalen nda Krista-a latulu le vɔsilan vàá pilɛ.

Nsaŋ 16:2

A solinin niaa o cɛila lekaanndan nin. Hiovɔɔ o kon coo, telenndo pum tiiyanin, vanaa vanin niaa diwvo-a vanin yiyanndo maa baala Hala-o nda vanin tosa kon lende ni.

Dɛnnda cɔɔmuanndan 1:9

«Ya co Nsaŋ ni, puapilɛ niaa co o dɛnɛ palaa pilɔɔ nin, o masale pilɛlen nin a o biuvɔn pilɔɔ nin a niaa o Yeesu nin-ndo. Le sɔɛi Hala-e a le seile Yeesu len, i va o ɲaanɔnndo nin o lɛŋnde co o mɛnndan tɛɛn-nden nin Patmɔs .

Dɛnnda cɔɔmuanndan 2:13

I sina nɛɛ calta nɔmndan la co-a, nɛɛ kpɛŋɛ lemasa Setana-o co-a pɛɛn. Kɛ ma lo o yiinanndo a ya ɲɛkɛndɛi. A mel laalan n laalan ya-o le, hali o palɛi Antipas-e, sei lo o lediom coo a ya-o, o nda dii o niaa lo-o, nɛɛ Setana co-a.

2Timote 1:8

Lelan, siɛmbula bii nɔm le seile Maalii naa timbio vannda o hɔl te, siɛmbula bii nɔm vɛlɛ a ya co hoo o kaasoo-o le. Kɛ cɛl mì n sanga latulu le Yoongu Kɛndɔɔ o kpaaya Hala-o bɛngu.

Dɛnnda cɔɔmuanndan 16:7

O kon mí tuɛi diomndo fulaa o fonda-loamaa-lasálàá aa: «Oi, Mɛlɛka Hala Vana-Kpaayaa-Kpow, toɲaa yaman nɔmndon co ni, n sandu.»

Dɛnnda cɔɔmuanndan 14:18

Mí mɛlɛkanɔ celen fula, ndóò nɔ kpaayaa yinnden coo ni. Mó yondal vana ndóò nɔ vɔlɔtɔɔ o ba-o aa: «Baa vɔlɔtɔ luɛyaa nɔmndo mà keenduu kpɔ̀nyɔ̀la n'rɛsɛnnda co o lɛŋnden coo lan, kani rɛsɛŋun ndɔn n diw.»

Dɛnnda cɔɔmuanndan 1:2

Nsaŋ co seiyo ni, maa toɲaa ɲɛ-ɲɛ o ce o sɔɛi Hala-e a o dɛnɛ Yeesu Krista-o o kɔɔ-o yɔŋnun ni.

Filipea 1:23

O yɔm tɛndaa tɛɛn ya co ni: yeemɛi co ya le kɔnndan, mì n kɔ vannun naa Krista latulu, ndu hiow va fisa,

2Korɛntea 5:8

Dialun fulan co naa taw, nduyɛ n nɔ yeemɛi mi n mɛi dialun naa n nɔ mun ceen nanu-on, mì n kɔɛnnun o Mɛlɛka lo.

Tɔŋ lasálàá 4:7

Mò suu vɛlɛ kooma man o kpɛ̀ɛ́n fonda nda loam ansan coo-on coo Mɛlɛka o hɔl o cɛi-kola-toandaa-labɔɔŋianndo nin. O cii pɛ, o kɔ cuiŋi matɔ̀an o fonda nda sòli sálàla loamaalan coo-o bɛngu, o co o cɛi-kola-toandaa-labɔɔŋianndo sondoo-o pɛɛn.

Dɛnnda cɔɔmuanndan 19:10

Mí del ndu o pelon bɛngu le ndu biiloo, kɛ mó dimul-la aa: «Ɛ-ɛ, tosa lende le! Vana baalaa maa nɔm, a puapilɛ nɔm lo o toɲa Yeesu-o coo-o ya co ni. Hala n bɛnda ma baŋ vulan o labɛngunin ni!» Seile Yeesu len le co kɔl vanaa-tɛɛngaa-diom Hala-a ni.

Dɛnnda cɔɔmuanndan 8:3

Mí mɛlɛkanɔ celen hun sim o fonda-loamaa-lasálàá coo, bonyii fuusɛi toosian a sianion-nde va ndu o ba. Má ke ndu ansan taw le ndu lomɔɔ, a piɛile vanaa diandaa kpow o fonda-loamaa-lasálàá n'sianio o kpɛŋɛ lemasaa hɔl-ndɔ.

2Timote 4:6

Ya ya, telenndo tiiya mì vannda soli ya sálà. O lo nin ɲɛ-pɔmbɔ cobe mì faŋan o ceendo ho coo.

Dɛnnda cɔɔmuanndan 9:13

Mí mɛlɛkanɔ ŋɔmpumndɔɔ hɔn buloo. Mí tuɛi diomndo fulaa o kpɛɔn hiɔɔlun co o fonda-loamaa-lasálà n'siani co Hala laci-on tɛɛn,

Filipea 2:17

Kɛ o va bɛɛ mì kooma nian ma siŋnun sálàá handɔɔ o sálà niaa co Hala solullo a laalanndo-o coo, ɲɔɔ hɛnan ya ni, mì dɔwnun ɲaale a niaa kpow latulu.

O Kandɔɔ 4:10

Mí Mɛlɛka dimul ndu aa: «Dɛnɛ yɛɛ n tosa yɛ hoo? I co kooma pɔmbɔ nɔmndan tueyɔɔ koŋullo lɛŋ.

Fulaa 29:12

Ma haw kooma naw tova kon, ma suu man o kpɛ̀ɛ́n fonda-loamaa-lasálàá a suei nɔmnde. Ma cuuŋuu kooma tɔ̀an o fonda-loamaa-lasálà kon bɛngu.

Hebreea 12:23

Mí la sɔɔnguu o bɔŋan cuavaa tasea Hala-a, a diola ndalan la co lasɛvaalan o halataala-a pɛɛn, mí la sɔɔnguu Hala co vana kialaa iyamaa le vanndacieea-o ikɛi, mí la sɔɔnguu kɔlta vanaa sandaa tiwnun-nda ikɛi.